Ariyippu
'ഞാൻ ഒന്നും കണ്ടില്ല, മൊഴി നൽകിയത്...'; ഗൺമാൻ അഭിലാഷ് മൊഴി മാറ്റി; കെഎസ്‌യു പ്രവർത്തകർക്കെതിരായ വധശ്രമ കേസിൽ വീണ ജോർജ്ജിന് തിരിച്ചടി
കോഴിക്കോട്: കണ്ണൂരിൽ വെച്ച് മുന്‍ മന്ത്രി വീണാ ജോര്‍ജിനെ കെ എസ് യു പ്രവര്‍ത്തകര്‍ അക്രമിച്ചെന്ന കേസിൽ, ഗൺമാൻ മൊഴി തിരുത്തി. കെഎസ്‌യു പ്രവർത്തകർ ആയുധമുപയോഗിച്ച് അക്രമിക്കാന്‍ ശ്രമിച്ചെന്ന മൊഴി നല്‍കിയത് അന്ന് ആരോഗ്യമന്ത്രിയായിരുന്ന വീണ ജോർജ്ജ് ആവശ്യപ്പെട്ടിട്ടാണെന്ന് ഗണ്‍മാന്‍ അഭിലാഷ് പറഞ്ഞു. കേസ് അന്വേഷിക്കുന്ന പ്രത്യേക അന്വേഷണ സംഘത്തിനാണ് അഭിലാഷ് മൊഴി നൽകിയത്. വീണ ജോർജ്ജിനെ കെഎസ്‌യു പ്രവർത്തകർ ആക്രമിക്കുന്നത് കണ്ടിട്ടില്ലെന്നും വീണ ജോർജ്ജ് നിർദേശിച്ച പ്രകാരമാണ് അന്ന് റെയിൽവേ പൊലീസിന് മൊഴി നൽകിയതെന്നും അഭിലാഷ് എസ്ഐടിയോട് പറഞ്ഞു.കേസിൽ അഭിലാഷിൻ്റെ മൊഴിയായിരുന്നു നിർണായകമായത്. ഇതിൻ്റെ അടിസ്ഥാനത്തിലാണ് അന്ന് മന്ത്രിയെ വധിക്കാൻ ശ്രമിച്ചെന്നടക്കം ഗുരുതര കുറ്റങ്ങൾ ചുമത്തി കെഎസ്‌യു പ്രവർത്തകർക്കെതിരെ കേസെടുത്തത്. എന്നാൽ വ്യാജമൊഴി നൽകിയ സംഭവത്തിൽ അഭിലാഷിനെതിരെ നടപടിക്ക് എസ്ഐടി ശുപാർശ ചെയ്യും. നടപടി ആവശ്യപ്പെട്ട് ഡിജിപിക്ക് എസ്ഐടി റിപ്പോർട്ട് നൽകും. തെറ്റായ മൊഴി നല്‍കിയത് ചൂണ്ടിക്കാട്ടിയാകും റിപ്പോര്‍ട്ട് നല്‍കുകയെന്നാണ് വിവരം.
ശ്രീ വള്ളിയൂർക്കാവ് ഭഗവതി ക് നവരാത്രി ആഘോഷങ്ങൾക്ക് തുടക്കമായി
ക്ഷേത്രത്തിൽ നവരാത്രി ആഘോഷങ്ങളുടെ ഭാഗമായി നടത്തപ്പെടുന്ന നൃത്ത,സംഗീത പരിപാടികൾക്ക് തുടക്കമായി.നൃത്ത,സംഗീത പരിപാടികൾ ക്ഷേത്ര പാരമ്പര്യ ട്രസ്റ്റി ഏച്ചോം ഗോപി ഉദ്ഘാടനം ചെയ്തു. 20 വരെയാണ് നൃത്ത,സംഗീത പരിപാടികൾ നടക്കുന്നത്. 20-10-2026 തീയതി ആയുധപൂജ, വാഹനപൂജ. 21-10-2026 വിജയദശമി ദിനത്തിൽ വാഹന പൂജ ,വിദ്യാരംഭം ഉച്ചയ്ക്ക് അന്നദാനം എന്നിവ ഉണ്ടായിരിക്കുന്നതാണ്.നവരാത്രിയോട് അനുബന്ധിച്ച് മാതൃസമിതിയുടെ നേതൃത്വത്തിൽ എല്ലാ ദിവസവും രാവിലെ ക്ഷേത്രത്തിൽ സഹസ്രനാർച്ചനയും നടന്നു വരുന്നു.ഈ വർഷത്തെ പുത്തരി ഉത്സവം 28-10-2026 ബുധനാഴ്ച പൂർവ്വാധികം ഭംഗിയായി ആഘോഷിക്കുന്നതായി ക്ഷേത്ര ഭാരവാഹികൾ അറിയിച്ചു.
ശ്രീ നാരായണ ഗുരുവിൻ്റെ ദർശനം ലോകം ഇന്ന് ചർച്ച ചെയ്യപ്പെടുന്നു:പി.ടി. മൻമദൻ
മീനങ്ങാടി : എസ് .എൻ ഡി പി യോഗം കൽപ്പറ്റ യൂണിയൻ പരിധിയിൽ ഉള്ള ശാഖ യോഗങ്ങളുടെ കുടുംബ സംഗമം യോഗം കൗൺസിലർ. പി.റ്റി. മൻമദൻ മീനങ്ങാടി പഞ്ചായത്ത് കമ്മ്യൂണിറ്റി ഹാളിൽ ഒത്തു ചേർന്ന ജന സമൂഹത്തെ സാക്ഷി ആക്കി ഉദ്ഘാടനം ചെയ്തു. ശ്രീ നാരായണഗുരുദേവന്റെ ദർശനങ്ങളാണ് ഇന്ന് ലോകത്തിൽ ഏറ്റവുമധികം ചർച്ച ചെയപെടുന്നത് എന്നും അത്കൊണ്ട് ശാഖ യോഗങ്ങളിൽ ഗുരുദേവന്റെ ആത്മീയത പഠന വിഷയമാക്കണമെന്നും എന്നും അദ്ദേഹം ഉദ്ബോധിപ്പിച്ചു. യൂണിയൻ പ്രസിഡന്റ്‌ കെആർ കൃഷ്ണൻ, യൂണിയൻ സെക്രട്ടറി എം.മോഹനൻ, യോഗം ഡയറക്ടർ സാജൻ പൊരുണ്ണിക്കൽ, അഡ്വ . മോഹൻ കേളനംതടത്തിൽ, അനസൂയ രവി, രവി കാഞ്ഞിരംകുന്നിൽ, ബിജു വടക്കേയിൽ എന്നിവർ സംസാരിച്ചു.ഏറ്റവും കൂടുതൽ കാലം പ്രാർത്ഥന സഭകൾ നടത്തി പേരെടുത്ത വനിതാ സംഘം പ്രസിഡന്റ്‌ നളിനി കൊച്ചുവട്ടപ്പാറയിലിനെ യോഗത്തിൽ ആദരിച്ചു.
താത്പര്യപത്രം ക്ഷണിച്ചു
ജില്ലാ പഞ്ചായത്തിൻ്റെ 2026-27 വാർഷിക പദ്ധതികളിലെ വിവിധ പദ്ധതികളിൽ ഉൾപ്പെടുത്തി നിർവഹിക്കുന്ന വടുവൻചാൽ ഗവ ഹയർ സെക്കൻഡറി സ്കൂൾ ഓഫീസ് നവീകരണം, അമ്പലവയൽ ഗവ ഹയർ സെക്കൻഡറി സ്കൂൾ- ഓഫീസ് നവീകരണ പ്രവൃത്തികൾ ഏറ്റെടുത്ത് നടത്തുന്നതിന് ഗവ അക്രഡിറ്റഡ് ഏജൻസികളിൽ നിന്നും താത്പര്യപത്രം ക്ഷണിച്ചു. താത്പര്യപത്രം ഒക്ടോബർ 29 ന് ഉച്ചയ്ക്ക് 12 നകം വിദ്യാഭ്യാസ ഉപഡയറക്ടറുടെ ഓഫീസിൽ നൽകണം. ഫോൺ: 04936-202593
ടെന്‍ഡര്‍ ക്ഷണിച്ചു.
കല്‍പ്പറ്റ ജനറല്‍ ആശുപത്രിയിലെ പെയിന്‍ ആന്‍ഡ് പാലിയേറ്റീവ് സെക്കന്‍ഡറി യൂണിറ്റിലെ ഹോം കെയര്‍ സേവനത്തിന് വാഹനങ്ങള്‍ വാടകയ്ക്ക് നല്‍കാന്‍ താത്പര്യമുള്ള അംഗീകൃത ഏജന്‍സികള്‍, വാഹന ഉടമകളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ഒക്ടോബര്‍ 23 ന് ഉച്ചയ്ക്ക് ഒന്ന് വരെ സ്വീകരിക്കും. ഫോണ്‍- 04936 206768കല്‍പ്പറ്റ ജനറല്‍ആശുപത്രിയില്‍ മാതൃയാനം പദ്ധതിയിലേക്ക് വാഹനങ്ങള്‍ വാടകയ്ക്ക് നല്‍കാന്‍ താത്പര്യമുള്ള വാഹന ഉടമകള്‍, അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ഒക്ടോബര്‍ 23 ന് ഉച്ചയ്ക്ക് ഒന്ന് വരെ സ്വീകരിക്കും. ഫോണ്‍- 04936 206768
ടെന്‍ഡര്‍ ക്ഷണിച്ചു.
വനിതാ ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന കല്‍പ്പറ്റ അഡീഷണല്‍ ഐ.സി.ഡി.എസ് ഓഫീസ് ആവശ്യങ്ങള്‍ക്ക് കരാര്‍ അടിസ്ഥാനത്തില്‍ വാഹനം വാടകയ്ക്ക് നല്‍കാന്‍ താത്പര്യമുള്ള വാഹന ഉടമകള്‍, സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ഒക്ടോബര്‍ 31 ന് ഉച്ചയ്ക്ക് 12 വരെ സ്വീകരിക്കും. ഫോണ്‍- 04936 021110,9446042395.
എം.എല്‍.എ ഫണ്ട് അനുവദിച്ചു
ഐ.സി ബാലകൃഷ്ണന്‍ എം.എല്‍.എയുടെ പ്രത്യേക വികസന നിധിയിലുള്‍പ്പെടുത്തി ചീങ്ങേരി സെന്റ് മേരീസ് എ.യു.പി സ്‌കൂളില്‍ കുഴല്‍ കിണര്‍ അനുബന്ധ പ്രവര്‍ത്തികള്‍ക്കായി മൂന്ന് ലക്ഷം രൂപയുടെ ഭരണാനുമതി ലഭിച്ചു.
കുടുംബശ്രീയില്‍ ഡെപ്യൂട്ടേഷന്‍ നിയമനം
കുടുംബശ്രീയില്‍ ഡെപ്യൂട്ടേഷന്‍ വ്യവസ്ഥയില്‍ ജില്ലാ മിഷന്‍ കോ ഓര്‍ഡിനേറ്റര്‍ (14 ഒഴിവ്), ജില്ലാ മിഷന്‍ അസിസ്റ്റന്റ് കോ ഓര്‍ഡിനേറ്റര്‍ (52 ഒഴിവ്) തസ്തികകളിലെ പ്രതീക്ഷിത ഒഴിവുകളിലേക്ക് അപേക്ഷ ക്ഷണിച്ചു. ഓരോ തസ്തികയ്ക്കും അനുയോജ്യമായ ശമ്പള സ്കെയിലുള്ള സര്‍ക്കാര്‍ ജീവനക്കാര്‍ക്ക് അപേക്ഷിക്കാം. മാതൃവകുപ്പില്‍ നിന്നുള്ള നോ ഒബ്ജക്ഷന്‍ സര്‍ട്ടിഫിക്കറ്റ് സഹിതം നിര്‍ദിഷ്ട മാതൃകയിലുള്ള ഫോമിലാണ് അപേക്ഷിക്കേണ്ടത്. അപേക്ഷകള്‍ എക്സിക്യൂട്ടീവ് ഡയറക്ടര്‍, കുടുംബശ്രീ സംസ്ഥാന ദാരിദ്ര്യ നിര്‍മാര്‍ജന മിഷന്‍, ട്രിഡ ബില്‍ഡിങ്ങ്, ചാലക്കുഴി റോഡ്, മെഡിക്കല്‍ കോളേജ് പി.ഓ, തിരുവനന്തപുരം-695 011 എന്ന വിലാസത്തില്‍ ഒക്ടോബര്‍ 31 നകം അയക്കണം. വിവരങ്ങള്‍ക്ക് www.kudumbashree.org സന്ദര്‍ശിക്കുക
ഫിറ്റ്നസ് ട്രെയിനർ പരിശീലനം
അസാപ് കേരള, സുൽത്താൻബത്തേരി, മാനന്തവാടി സ്ഥലങ്ങളിൽ നടത്തുന്ന ജനറൽ ഫിറ്റ്നസ് ട്രെയിനർ ബാച്ചുകളിലേക്ക് അഡ്മിഷൻ ആരംഭിച്ചു. ഫോൺ : 9495999669
വാക്ക് - ഇൻ -ഇന്റർവ്യൂ
പൂക്കോട് ഏകലവ്യ മോഡൽ റെസിഡൻഷ്യൽ സ്കൂളിൽ അമ്പെയ്ത്ത് പരിശീലകന്റെ താൽക്കാലിക ഒഴിവിലേക്ക് നിയമനം നടത്തുന്നു. കരാർ അടിസ്ഥാനത്തിൽ ദിവസവേതനത്തിലാണ് നിയമനം. അമ്പെയ്ത്ത് പരിശീലനത്തിൽ മികച്ച പ്രായോഗിക പരിജ്ഞാനമുള്ളവർക്ക് അപേക്ഷിക്കാം. ഉദ്യോഗാർഥികൾ ഒക്ടോബർ 27 ന് രാവിലെ ഒമ്പതിന് അഭിമുഖത്തിന് എത്തണം. ഫോൺ :04936 296095
അഭിമുഖം 28 ന്
കണിയാമ്പറ്റ ഗവ ചിൽഡ്രൻസ് ഹോമിൽ (ബോയ്സ്) കെയർടേക്കർ പാനൽ തയ്യാറാക്കുന്നു. കെയർടേക്കർമാരുടെ കോമ്പൻസേഷൻ ഓഫ്, വീക്കിലി ഓഫ്, മറ്റ് അവധി ദിവസങ്ങൾ എന്നിവയിൽ ദിവസവേതനാടിസ്ഥാനത്തിൽ സേവനമനുഷ്ഠിക്കുന്നതിനാണ് പാനൽ തയ്യാറാക്കുന്നത്. കുട്ടികളുടെ സംരക്ഷണത്തിൽ താത്പര്യവും സേവനസന്നദ്ധതയുമുള്ള പുരുഷ ഉദ്യോഗാർഥികൾക്ക് അപേക്ഷിക്കാം. പ്ലസ് ടു, പ്രീഡിഗ്രി അല്ലെങ്കിൽ തത്തുല്യ യോഗ്യതയാണ് വിദ്യാഭ്യാസ യോഗ്യത. ജെ.ജെ. ആക്ട് പ്രകാരം രജിസ്റ്റർ ചെയ്ത സ്ഥാപനങ്ങളിൽ കുറഞ്ഞത് ഒരു വർഷത്തെ പ്രവൃത്തിപരിചയം അഭികാമ്യം. താത്പര്യമുള്ളവർ ബയോഡാറ്റ, വിദ്യാഭ്യാസ യോഗ്യത, പ്രായം, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും സഹിതം ഒക്ടോബർ 28 ന് രാവിലെ 10.30ന് ചിൽഡ്രൻസ് ഹോം ഓഫീസിൽ അഭിമുഖത്തിന് എത്തണം. ഫോണ്‍- 04936 286900
എടവക കുടുംബാരോഗ്യ കേന്ദ്രത്തിൽ നിയമനം
എടവക കുടുംബാരോഗ്യ കേന്ദ്രത്തിൽ ഡോക്ടർ, ഒ.പി. ടിക്കറ്റ് കൗണ്ടർ സ്റ്റാഫ്, ഡ്രൈവർ, ലാബ് ടെക്നീഷ്യൻ തസ്തികകളിലേക്ക് നിയമനം നടത്തുന്നു. ഒക്ടോബർ 26, 27 തീയതികളിലാണ് അഭിമുഖം. എടവക ഗ്രാമപഞ്ചായത്ത് പരിധിയിൽ താമസിക്കുന്നവർക്ക് മുൻഗണന ലഭിക്കും. ഡോക്ടർ തസ്തികയില്‍ എം.ബി.ബി.എസ്., ടി.സി.എം.സി. രജിസ്ട്രേഷൻ യോഗ്യതയുള്ളവർക്ക് ഒക്ടോബർ 26 ന് രാവിലെ 10നും ഒ.പി. ടിക്കറ്റ് കൗണ്ടർ സ്റ്റാഫ് തസ്തികയിലേക്ക് എസ്.എസ്.എൽ.സി., കമ്പ്യൂട്ടർ പരിജ്ഞാനം, പ്രവൃത്തിപരിചയമുള്ളവര്‍ക്ക് 26 ന് ഉച്ചയ്ക്ക് രണ്ടിനും അഭിമുഖത്തിൽ പങ്കെടുക്കാം. ഡ്രൈവർ തസ്തികയില്‍ 18 നും 45 നുമിടയില്‍ പ്രായമുള്ള ഏഴാം ക്ലാസ്, എച്ച്.ഡി.വി. ലൈസൻസ്, രണ്ടു വർഷത്തെ പ്രവൃത്തിപരിചയം ഉള്ളവര്‍ക്ക് ഒക്ടോബർ 27 ന് രാവിലെ 10നും ലാബ് ടെക്നീഷ്യൻ തസ്തികയിലേക്ക് ഡി.എം.എൽ.ടി./ബി.എസ്‌സി. എം.എൽ.ടി., പാരാമെഡിക്കൽ കൗൺസിൽ രജിസ്ട്രേഷൻ യോഗ്യതയുള്ളവർക്ക് 27 ന് ഉച്ചയ്ക്ക് രണ്ടിനും അഭിമുഖം നടക്കും.താൽപര്യമുള്ളവർ ബയോഡാറ്റയും സർട്ടിഫിക്കറ്റുകളുടെ അസ്സലും പകർപ്പുകളും സഹിതം എടവക കുടുംബാരോഗ്യ കേന്ദ്രത്തിൽ എത്തണം. ഫോൺ: 04935-296906.
ദർഘാസ് ക്ഷണിച്ചു.
ജില്ലാ വിദ്യാഭ്യാസ ഉപ ഡയറക്ടറുടെ കാര്യാലയം എസ്എസ്എൽസി നവംബർ മാസത്തെ പരീക്ഷ, ജനുവരി മാസത്തെ മോഡൽ പരീക്ഷ എന്നിവയിലെ ചോദ്യപേപ്പർ അച്ചടിച്ച് വിതരണം നൽകുന്ന പ്രവൃത്തിക്ക് ദർഘാസ് ക്ഷണിച്ചു. താത്പ്പര്യമുള്ളവർക്ക് ഒക്ടോബർ 30 ന് ഉച്ചയ്ക്ക് 12 വരെ ദർഘാസ് സമർപിക്കാം. ഫോൺ:04936-202593മാനന്തവാടി ഗവ.മെഡിക്കൽ കോളേജ് ആശുപത്രിയിൽ ചികിത്സക്ക് എത്തുന്ന ആർഎസ് ബിവൈ, ആർ ബി എസ് കെ, ജെ എസ് എസ് കെ ആരോഗ്യകിരണം, എസ്.റ്റി മെഡിസെപ് തുടങ്ങിയ പദ്ധതികളുടെ ഗുണഭോക്താകളായ രോഗികൾക്ക് ഡോക്ടർന്മാർ നിർദ്ദേശിക്കാറുള്ളതും ആശുപത്രിയിൽ ലഭ്യല്ലാതെ വന്നേക്കാവുന്ന ടെസ്റ്റുകൾ കോൺട്രാക്റ്റ് വ്യവസ്ഥയിൽ ചെയ്ത് കൊടുക്കുന്നതിന് സ്ഥാപനങ്ങൾ, അംഗീകൃത ആശുപത്രി ലബോറട്ടറി, മറ്റ് സ്ഥാപനങ്ങൾ എന്നിവയിൽ നിന്നും ദർഘാസുകൾ ക്ഷണിച്ചു. ഫോണ്‍-04935 240264
പേര്യ 37ൽ കെ.എസ്.ആർ.ടി.സി ബസുംമിൽക്ക് ടാങ്കർ ലോറിയും കൂട്ടിയിടിച്ചു; റോഡിൽ ഡീസൽ പരന്നു.
മാനന്തവാടി: നെടുമ്പൊയിൽ റോഡിൽ പേര്യ 37ൽ കെ.എസ്.ആർ.ടി.സിബസും മിൽക്ക് ടാങ്കർ ലോറിയും കൂട്ടിയിടിച്ചു. അപകടത്തിൽ ടാങ്കർ ലോറിയുടെ ഡീസൽ ടാങ്ക് പൊട്ടി റോഡിൽ ഡീസൽ പരന്നു. യാത്രക്കാർ ക്ക് പരിക്കൊന്നുമില്ല. ഡീസൽ റോഡിൽ പരന്നതോടെ ബൈക്കുകൾ ഉൾ പ്പെടെയുള്ള വാഹനങ്ങൾ തെന്നിമറിഞ്ഞ് അപകടമുണ്ടാകാനുള്ള സാ ധ്യത കണക്കിലെടുത്ത് മാനന്തവാടി അഗ്‌നിരക്ഷാസേന സ്ഥലത്തെത്തി. തുടർന്ന് റോഡിൽ പരന്ന ഡീസൽ നീക്കം ചെയ്ത് അപകടസാധ്യത ഒഴി വാക്കി. മാനന്തവാടി ഫയർ സ്റ്റേഷൻ അസിസ്റ്റന്റ് സ്റ്റേഷൻ ഓഫീസർ (ഗ്രേഡ്) ഒ.ജി. പ്രഭാകരന്റെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ പി.കെ. രാജേഷ്,അജിൽ.കെ., ബിനീഷ് ബേബി, ഹോം ഗാർഡ് ശിവദാസൻ, സിവിൽ ഡിഫൻസ് അംഗം ഇബ്രാഹിം പേര്യ എന്നിവർ രക്ഷാപ്രവർത്തനത്തിൽ പങ്കെടുത്തു.
ഡെമോണ്‍സ്‌ട്രേറ്റര്‍ ഒഴിവ്; കൂടിക്കാഴ്ച 23 ന്
മീനങ്ങാടി ഗവ പോളിടെക്‌നിക് കോളേജില്‍ ഡെമോണ്‍സ്‌ട്രേറ്റര്‍ ഇന്‍ സിവില്‍ എന്‍ജിനീയറിങ് തസ്തികയിലേക്ക് താത്ക്കാലി നിയമനം നടത്തുന്നു. ഡിപ്ലോമ ഇന്‍ സിവില്‍ എന്‍ജിനീയറിങ് യോഗ്യതയുള്ള ഉദ്യോഗാര്‍ഥികള്‍ ഒക്ടോബര്‍ 23 ന് രാവിലെ 10 ന് കോളേജില്‍ നടക്കുന്ന കൂടിക്കാഴ്ചയില്‍ യോഗ്യത സര്‍ട്ടിഫിക്കറ്റിന്റെ അസല്‍ സര്‍ട്ടിഫിക്കറ്റുമായി എത്തണം. എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. ഫോണ്‍- 04936 247420
സി-ഡിറ്റിൽ മാധ്യമ കോഴ്സുകളില്‍ ഒഴിവ്
സി-ഡിറ്റ് തിരുവനന്തപുരത്ത് ആരംഭിക്കുന്ന ഡിപ്ലോമ ഇൻ ഡിജിറ്റൽ മീഡിയ പ്രൊഡക്ഷൻ, ഡിപ്ലോമ ഇൻ ഡിജിറ്റൽ വീഡിയോഗ്രാഫി, സർട്ടിഫിക്കറ്റ് കോഴ്സ് ഇൻ വീഡിയോഗ്രാഫി, ഡിജിറ്റൽ സ്റ്റിൽ ഫോട്ടോഗ്രാഫി കോഴ്സുകളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. താത്പര്യമുള്ളവർ ഒക്ടോബർ 25 നകം സി-ഡിറ്റ് കമ്മ്യൂണിക്കേഷൻ കോഴ്‌സസ് ഡിവിഷനുമായി ബന്ധപ്പെടണം. ഫോൺ: 9961491540, 854772016, വെബ്‌സൈറ്റ്: https://mediastudies.cdit.org/
തൊഴിൽ അധിഷ്ഠിത പരിശീലന പരിപാടി
അസാപ് കേരളയുടെ നേതൃത്വത്തിൽ കൊച്ചിൻ ഷിപ്പ്‌യാർഡിൽ ആറുമാസത്തെ തൊഴിൽ അധിഷ്ഠിത പരിശീലന പരിപാടിയിലേക്ക് അപേക്ഷ ക്ഷണിച്ചു. ഐ.ടി.ഐ. ഷീറ്റ് മെറ്റൽ, വെൽഡർ, ഫിറ്റർ ട്രേഡുകളിൽ വിജയിച്ചവർക്ക് അപേക്ഷിക്കാം. https://form.svhrt.com/6ac88879788fe1a7329986ad ല്‍ രജിസ്റ്റര്‍ ചെയ്യണം. ഫോണ്‍- 9495999682
എല്ലാ ട്രെയിന്‍ ടിക്കറ്റുകള്‍ക്കും ഇന്‍ഷുറന്‍സ് നിര്‍ബന്ധം; സുപ്രധാന ഉത്തരവുമായി സുപ്രീം കോടതി
ട്രെയിന്‍ ടിക്കറ്റുകള്‍ക്കും ഇന്‍ഷുറന്‍സ് നിര്‍ബന്ധമാക്കി സുപ്രീം കോടതി. ഒക്ടോബര്‍ 17 മുതല്‍ പരിഷ്‌കാരം പ്രാബല്യത്തില്‍ വരും.ട്രെയിന്‍ യാത്രക്കാര്‍ക്കെല്ലാം സംരക്ഷണം ഉറപ്പാക്കുന്നതിന്റെ ഭാഗമായി, കൗണ്ടറുകള്‍ വഴി എടുക്കുന്ന ടിക്കറ്റുകള്‍ക്കും ഇന്‍ഷുറന്‍സ് പരിരക്ഷ നല്‍കാന്‍ റെയില്‍വേയോട് സുപ്രീം കോടതി നിര്‍ദ്ദേശിച്ചു. ഈ ഉത്തരവ് നടപ്പിലാക്കുന്നതില്‍ വീഴ്ച വരുത്തിയാല്‍ റെയില്‍വേ നേരിട്ട് ഉത്തരവാദിയായിരിക്കുമെന്ന് കോടതി മുന്നറിയിപ്പ് നല്‍കി.2023 ജൂണിലുണ്ടായ ഒഡീഷ ട്രെയിന്‍ അപകടത്തെത്തുടര്‍ന്ന് സമര്‍പ്പിച്ച ഹര്‍ജിയിലാണ് കോടതിയുടെ നിര്‍ദേശം. കവച് സുരക്ഷാ സംവിധാനം നടപ്പിലാക്കാത്തതാണ് അപകടകാരണമെന്ന് ചൂണ്ടിക്കാട്ടി അന്വേഷണ കമ്മീഷനെ നിയോഗിക്കണമെന്നായിരുന്നു ഹര്‍ജിയിലെ ആവശ്യം. എല്ലാ ട്രെയിനുകളിലും ഈ സംവിധാനം എത്രയും വേഗം നടപ്പിലാക്കാന്‍ അധികൃതര്‍ക്ക് നിര്‍ദ്ദേശം നല്‍കണമെന്നും ഹര്‍ജിയില്‍ ആവശ്യപ്പെട്ടിരുന്നു.വിഷയം പരിഗണിച്ച ജസ്റ്റിസുമാരായ അഹ്സനുദ്ദീന്‍ അമാനുള്ള, ആര്‍. മഹാദേവന്‍ എന്നിവരടങ്ങുന്ന ബെഞ്ച്, യാത്രക്കാരുടെ സുരക്ഷയുമായി ബന്ധപ്പെട്ട വിവിധ വിഷയങ്ങളും പരിഗണിച്ചു. റെയില്‍വേ ഫുട് ഓവര്‍ ബ്രിഡ്ജുകള്‍, ട്രാക്കുകള്‍ക്ക് ചുറ്റുമുള്ള വേലി കെട്ടല്‍, കൗണ്ടറുകള്‍ വഴി എടുക്കുന്ന ടിക്കറ്റുകള്‍ക്ക് ഇന്‍ഷുറന്‍സ് ഇല്ലാത്ത അവസ്ഥ എന്നിവ ഇതില്‍ ഉള്‍പ്പെടുന്നു. റെയില്‍വേ ബജറ്റില്‍ യാത്രക്കാരുടെ സുരക്ഷയ്ക്കായി നീക്കിവെച്ച തുകയില്‍ കോടതി അതൃപ്തി രേഖപ്പെടുത്തിഇക്കാര്യത്തില്‍ കൂടുതല്‍ നടപടികള്‍ ഉണ്ടാകുമെന്ന് നേരത്തെ കോടതി പ്രത്യാശ പ്രകടിപ്പിച്ചിരുന്നു. അതേസമയം ഓഫ്ലൈന്‍ ടിക്കറ്റുകള്‍ക്കും ഇന്‍ഷുറന്‍സ് നല്‍കുന്ന കാര്യത്തില്‍ തീരുമാനമെടുത്തിട്ടുണ്ടെന്നും, അതിന്റെ നടപടിക്രമങ്ങള്‍ തയ്യാറാക്കിവരികയാണെന്നും മെയ് 11-ന് കേന്ദ്രസര്‍ക്കാര്‍ കോടതിയെ അറിയിച്ചിരുന്നു.എന്നാല്‍ കവച് സംവിധാനം വിപുലീകരിക്കുന്നതിലും ഫുട് ഓവര്‍ ബ്രിഡ്ജുകള്‍, വേലി കെട്ടല്‍ തുടങ്ങിയ കാര്യങ്ങളിലും കോടതിയുടെ ഉത്തരവുകള്‍ക്ക് അനുസൃതമായി എപ്രകാരമാണ് പ്രത്യേക ഊന്നല്‍ നല്‍കിയതെന്നും മുന്‍ഗണന നിശ്ചയിച്ചതെന്നും സംബന്ധിച്ച വിശദാംശങ്ങള്‍ തങ്ങള്‍ക്ക് ലഭിച്ചിട്ടില്ലെന്നും ബെഞ്ച് ചൂണ്ടിക്കാട്ടി.ഒക്ടോബര്‍ 6-ന് വിഷയം വീണ്ടും പരിഗണിച്ചപ്പോള്‍ സാധാരണക്കാരന്റെ സുരക്ഷയുമായി ബന്ധപ്പെട്ട അതീവ ഗൗരവകരമായ വിഷയത്തില്‍ റെയില്‍വേ മന്ത്രാലയ ഉദ്യോഗസ്ഥര്‍ സ്വീകരിച്ച നിലപാടില്‍ കോടതി കടുത്ത നിരാശയും അതൃപ്തിയും രേഖപ്പെടുത്തി.'ഇക്കാര്യത്തില്‍ ആവശ്യമായ എല്ലാ നടപടികളും സ്വീകരിക്കുന്നുണ്ടെന്ന് റെയില്‍വേ ഈ കോടതിയില്‍ ആവര്‍ത്തിച്ച്‌ വ്യക്തമാക്കിയിട്ടുണ്ട്. എന്നാല്‍, അത്തരം ഉറപ്പുകള്‍ കടലാസില്‍ മാത്രമായി ഒതുങ്ങിപ്പോയെന്നും പ്രായോഗികതലത്തില്‍ കാര്യമായ മാറ്റമൊന്നും സംഭവിച്ചിട്ടില്ലെന്നുമാണ് മനസിലാകുന്നത്. സാധാരണക്കാരന്റെ സുരക്ഷയും അനിഷ്ട സംഭവങ്ങള്‍ ഒഴിവാക്കലും ലക്ഷ്യമിട്ടുള്ള പദ്ധതികള്‍ക്കായി വകയിരുത്തിയ ബജറ്റ് വിഹിതം പോലും പൂര്‍ണ്ണമായി വിനിയോഗിച്ചിട്ടില്ല,' ബെഞ്ച് നിരീക്ഷിച്ചു.കേന്ദ്ര സര്‍ക്കാരിനുവേണ്ടി അഡീഷണല്‍ സോളിസിറ്റര്‍ ജനറല്‍ വിക്രംജിത് ബാനര്‍ജിയാണ് ഹാജരായത്. കഴിഞ്ഞ ഒരു വര്‍ഷത്തിനിടെ പ്രായോഗികതലത്തില്‍ നടത്തിയ പ്രവര്‍ത്തനങ്ങള്‍ വിശദീകരിച്ചുകൊണ്ടും, നിശ്ചയിച്ച ലക്ഷ്യങ്ങള്‍ കൈവരിക്കാന്‍ കഴിയാത്തതിന്റെ കാരണങ്ങള്‍ വ്യക്തമാക്കിക്കൊണ്ടും കൃത്യമായ സത്യവാങ്മൂലം സമര്‍പ്പിക്കാന്‍ അവസാന ഒരവസരം കൂടി നല്‍കണമെന്ന് വിക്രംജിത് ബാനര്‍ജി ബെഞ്ചിനോട് അഭ്യര്‍ത്ഥിച്ചു.ഈ അഭ്യര്‍ത്ഥന അംഗീകരിച്ച കോടതി, റെയില്‍വേ ബോര്‍ഡ് ചെയര്‍മാനെയും അംഗങ്ങളെയും നേരിട്ട് ഹാജരാകാന്‍ ആവശ്യപ്പെട്ടുകൊണ്ടുള്ള ഉത്തരവ് തല്‍ക്കാലം മരവിപ്പിച്ചു. എന്നാല്‍ ഇന്‍ഷുറന്‍സ് പരിരക്ഷയുടെ കാര്യത്തില്‍ റെയില്‍വേ റിസര്‍വേഷന്‍ കൗണ്ടറുകളില്‍ നിന്ന് ടിക്കറ്റ് എടുക്കുന്ന സാമ്പത്തികമായി പിന്നാക്കം നില്‍ക്കുന്ന യാത്രക്കാര്‍ക്കും പരിരക്ഷ ലഭ്യമാക്കുന്നതിനുള്ള സംവിധാനം ആവിഷ്‌കരിക്കാന്‍ അധികൃതര്‍ക്ക് മതിയായ സമയം നല്‍കിയിരുന്നതായി ബെഞ്ച് ചൂണ്ടിക്കാട്ടി.
സ്വയംസഹായ സംഘത്തിലേക്ക് അപേക്ഷ ക്ഷണിച്ചു.
കോഴിക്കോട് കിർടാഡ്‌സ് വകുപ്പിന്റെ നേതൃത്വത്തിൽ നടപ്പിലാക്കുന്ന "മാകീര്ഖേ - ദി സ്പൈസ് സിംഫണി ഓഫ് വെസ്റ്റേൺ ഘട്‌സ് - എ മൊബൈൽ ട്രഡീഷണൽ കൽനറി വെഞ്ചർ" പദ്ധതിയുടെ ഭാഗമായി രൂപീകരിക്കുന്ന സ്വയംസഹായ സംഘത്തിലേക്ക് ജില്ലയിലെ പട്ടികവർഗ്ഗ വിഭാഗത്തിൽപ്പെട്ട യുവജനങ്ങളിൽ നിന്ന് അപേക്ഷ ക്ഷണിച്ചു. ജില്ലയിലെ വിവിധ പട്ടികവർഗ്ഗ സമൂഹങ്ങളുടെ തനത് ഭക്ഷണസംസ്കാരവും പരമ്പരാഗത പാചകരീതികളും സംരക്ഷിക്കുന്നതിനൊപ്പം ഇവയെ സംരംഭകത്വം, ഉപജീവനം, വിപണനം, മൊബൈൽ ഫുഡ് വെഞ്ചർ എന്നിവയുമായി ബന്ധിപ്പിക്കുകയാണ് പദ്ധതിയുടെ ലക്ഷ്യം. 45 വയസ്സിന് താഴെ പ്രായമുള്ള, പരമ്പരാഗത ഭക്ഷണ നിർമ്മാണത്തിൽ പ്രായോഗിക പരിജ്ഞാനമുള്ള ജില്ലയിലെ പട്ടികവർഗ്ഗക്കാർക്കാണ് അവസരം. താത്പര്യമുള്ളവർ www.kirtads.kerala.gov.in ൽ ലഭ്യമായ അപേക്ഷാഫോറം പൂരിപ്പിച്ച് ജാതി സർട്ടിഫിക്കറ്റ്, പ്രായം തെളിയിക്കുന്ന രേഖ, ആധാർ കാർഡ്, പ്രവൃത്തി പരിചയ രേഖകള്‍ എന്നിവയുടെ പകർപ്പുകൾ സഹിതം ഡയറക്ടർ, ഡയറക്ടറേറ്റ് ഓഫ് കിർടാഡ്‌സ്, ചേവായൂർ പി.ഒ, കോഴിക്കോട് - 673017 എന്ന വിലാസത്തില്‍ ഒക്ടോബർ 23-നകം സമർപ്പിക്കണം. ഫോൺ: 0495-2357329 ഇമെയിൽ: kirtads@gmail.com
പ്രോത്സാഹന ധനസഹായത്തിന് അപേക്ഷിക്കാം
ഐ.റ്റി.ഡി.പി ഓഫീസിന് കീഴിലുള്ള വൈത്തിരി താലൂക്കിലെ സർക്കാർ/എയ്ഡഡ് വിദ്യാഭ്യാസ സ്ഥാപനങ്ങളിൽ നിന്നും 2025-26 അധ്യയന വർഷത്തിൽ എസ്.എസ്.എൽ.സി, പ്ലസ് ടു, ബിരുദം, ബിരുദാനന്തര ബിരുദം പരീക്ഷകളിൽ ഉന്നതവിജയം കരസ്ഥമാക്കിയ പട്ടികവർഗ്ഗ വിദ്യാർഥികളില്‍ നിന്നും പ്രോത്സാഹന ധനസഹായത്തിന് അപേക്ഷ ക്ഷണിച്ചു. എസ്.എസ്.എൽ.സി പരീക്ഷയിൽ നാല് സി ഗ്രേഡും അതിന് മുകളിലും പ്ലസ് ടു പരീക്ഷയിൽ രണ്ട് സി ഗ്രേഡും അതിന് മുകളിലും ബിരുദ, ബിരുദാനന്തര ബിരുദ പരീക്ഷകളിൽ ഫസ്റ്റ് ക്ലാസും നേടിയ വിദ്യാർഥികൾക്കാണ് അവസരം. യോഗ്യരായവർ www.stddservice.kerala.gov.in എന്ന സർവീസ് പോർട്ടൽ മുഖേന വിദ്യാഭ്യാസ സ്ഥാപനം സ്ഥിതി ചെയ്യുന്ന ഗ്രാമപഞ്ചായത്ത് പരിധിയിലെ ട്രൈബൽ എക്സ്റ്റൻഷൻ ഓഫീസുകളിലേക്ക് നവംബർ 10 നകം ഓൺലൈനായി അപേക്ഷിക്കണം. അപേക്ഷയോടൊപ്പം മാർക്ക് ലിസ്റ്റ്, ജാതി സർട്ടിഫിക്കറ്റ്, ആധാർ കാർഡ് എന്നിവയുടെ സാക്ഷ്യപ്പെടുത്തിയ പകർപ്പുകൾ, ബാങ്ക് പാസ്സ് ബുക്ക് എന്നിവ അപ്‌ലോഡ് ചെയ്യണം. ഫോൺ: 04936-202232
ദാക്ഷായണി സ്വയംതൊഴിൽ പദ്ധതി: അപേക്ഷ ക്ഷണിച്ചു.
പട്ടികജാതി വിഭാഗത്തിലെ വനിതകളുടെ സാമ്പത്തിക സ്വയംപര്യാപ്തത ഉറപ്പാക്കുന്ന ദാക്ഷായണി സ്വയംതൊഴിൽ പദ്ധതിയിലേക്ക് അപേക്ഷ ക്ഷണിച്ചു. പട്ടികജാതി വിഭാഗത്തിൽപ്പെടുന്ന അഞ്ചോ അതിൽ അധികമോ വനിതകൾ അംഗങ്ങളായിട്ടുള്ളതും ജില്ലാ രജിസ്ട്രാർ ഓഫീസിൽ / കുടുംബശ്രീയിൽ / തദ്ദേശ സ്വയംഭരണ സ്ഥാപനങ്ങളിൽ രജിസ്റ്റർ ചെയ്തിട്ടുള്ളതുമായ സ്വയം സഹായ സംഘങ്ങൾക്കും പുതുതായി സംരംഭം ആരംഭിക്കുന്ന പട്ടികജാതി വിഭാഗം വനിതകൾക്കും (വ്യക്തിഗതം) അപേക്ഷിക്കാം. 21നും 55നുമിടയിൽ പ്രായമുള്ളവരായിരിക്കണം. കുടുംബ വാർഷിക വരുമാനം അഞ്ച് ലക്ഷം രൂപയിൽ കവിയരുത്. ഏഴാം ക്ലാസ് പാസായിരിക്കണം. അപേക്ഷകര്‍ ബന്ധപ്പെട്ട ബ്ലോക്ക് പട്ടികജാതി വികസന ഓഫീസുകളിൽ ഒക്ടോബർ 31നകം അപേക്ഷ സമർപ്പിക്കണം. ഫോൺ: 04936 203824
ശുഭയാത്ര പദ്ധതി: അപേക്ഷ ക്ഷണിച്ചു.
ചലനപരിമിതി നേരിടുന്ന ഭിന്നശേഷിക്കാരെ സ്വയം പര്യാപ്തരാക്കുക എന്ന ലക്ഷ്യത്തോടെ ജില്ലാ പഞ്ചായത്ത് നടപ്പാക്കുന്ന സൈഡ് വീല്‍ ഘടിപ്പിച്ച സ്‌കൂട്ടര്‍ അനുവദിക്കുന്ന ശുഭയാത്ര പദ്ധതിയിലേക്ക് അപേക്ഷ ക്ഷണിച്ചു. ജില്ലയിലെ ഗ്രാമപഞ്ചായത്ത് പരിധിയില്‍ താമസിക്കുന്നതും സ്‌കൂട്ടര്‍ ഓടിക്കാനുള്ള കായിക ക്ഷമതയുള്ള ഭിന്നശേഷിക്കാര്‍ക്ക് അപേക്ഷിക്കാം. കഴിഞ്ഞ എട്ട് വര്‍ഷത്തിനുള്ളില്‍ ഏതെങ്കിലും തദ്ദേശ സ്വയംഭരണ സ്ഥാപനങ്ങളില്‍ നിന്ന് സൈഡ് വീല്‍ ഘടിപ്പിച്ച സ്‌കൂട്ടര്‍ ലഭിച്ചവര്‍ അപേക്ഷിക്കേണ്ടതില്ല. അപേക്ഷ അനുബന്ധ രേഖകള്‍ സഹിതം നവംബര്‍ 10 നകം ബന്ധപ്പെട്ട ഗ്രാമപഞ്ചായത്ത് കാര്യാലയങ്ങളില്‍ സമര്‍പ്പിക്കണം. അപേക്ഷാഫോമിനും കൂടുതല്‍ വിവരങ്ങള്‍ക്കും ഗ്രാമപഞ്ചായത്തിലോ ജില്ലാ സാമൂഹ്യനീതി ഓഫീസിലോ ബന്ധപ്പെടാം. ഫോണ്‍: 04936 205307
ഗതാഗത നിയന്ത്രണം
നെന്മേനി ഗ്രാമപഞ്ചായത്തിലെ കല്ലുമുക്ക്-കഴമ്പ്-പുത്തൻകുന്ന് റോഡിൽ കൾവർട്ട് നിർമ്മാണ പ്രവൃത്തികൾ നടക്കുന്നതിനാൽ പുത്തൻകുന്ന് മുതൽ അരിമാനി വരെയുള്ള ഭാഗത്ത് ഒക്ടോബർ 16 മുതൽ ഒരു മാസത്തേക്ക് വാഹന ഗതാഗതം നിർത്തിവെച്ചതായി അക്രഡിറ്റഡ് എഞ്ചിനീയർ അറിയിച്ചു.
റവന്യൂ ജില്ലാ സ്കൂൾ കലോത്സവം: ലോഗോ ക്ഷണിച്ചു.
നവംബർ 23 മുതൽ 26 വരെ നടക്കുന്ന വയനാട് റവന്യൂ ജില്ലാ സ്കൂൾ കലോത്സവത്തിന് ലോഗോ ക്ഷണിച്ചു. കലയുമായി ബന്ധപ്പെട്ട പ്രതീകങ്ങൾ ഉൾപെടുന്നതായിരിക്കണം ലോഗോ. വയനാട് റവന്യൂ ജില്ല സ്കൂൾ കാലോസവം, 2026 നവംബർ 23-26, ഡബ്ല്യൂ ഒ വൊക്കേഷണൽ ഹയർ സെക്കന്‍ഡറി സ്കൂൾ, മുട്ടിൽ എന്ന് ആലേഖനം ചെയ്തിരിക്കണം. ഒക്ടോബർ 22 ന് വൈകിട്ട് അഞ്ചിനകം wovhss12065@gmail.com എന് ഇ മെയിലില്‍ അയക്കാം. അല്ലെങ്കിൽ ലോഗോയുടെ എ 3 സൈസ് പ്രിന്റ് സ്കൂൾ ഓഫീസിൽ എത്തിക്കാം. ഫോണ്‍- 996104667
കർഷക അവാർഡ്: 22 വരെ അപേക്ഷ നല്‍കാം
മൃഗസംരക്ഷണ മേഖലയിൽ മികച്ച പ്രകടനം കാഴ്ചവെച്ച കർഷകർക്ക് 2026–27 സാമ്പത്തിക വർഷത്തെ അവാർഡുകൾക്ക് മൃഗസംരക്ഷണ വകുപ്പ് അപേക്ഷ ക്ഷണിച്ചു. സംസ്ഥാനതലത്തിൽ മികച്ച ക്ഷീരകർഷകൻ, വാണിജ്യാടിസ്ഥാനത്തിലുള്ള മികച്ച ഡയറി ഫാം, മികച്ച സമ്മിശ്ര കർഷകൻ, മികച്ച പൗൾട്രി കർഷകൻ, മികച്ച യുവ കർഷകൻ, മികച്ച വനിതാ കർഷക/സംരംഭക അവാർഡുകളും ജില്ലാതലത്തിൽ മികച്ച ക്ഷീര കർഷകൻ, മികച്ച സമ്മിശ്ര കർഷകൻ അവാർഡുകളുമാണ് നല്‍കുന്നത്. നിശ്ചിത മാതൃകയിലുള്ള അപേക്ഷാ ഫോമുകൾ മൃഗാശുപത്രികളിലും വകുപ്പിന്റെ ഔദ്യോഗിക വെബ്സൈറ്റിലും ലഭ്യമാണ്. പൂരിപ്പിച്ച അപേക്ഷകൾ ഒക്ടോബർ 22 വരെ മൃഗാശുപത്രികളിൽ സമർപ്പിക്കാം. കൂടുതൽ വിവരങ്ങൾക്ക് സമീപത്തെ മൃഗാശുപത്രിയുമായി ബന്ധപ്പെടാം. ഫോണ്‍- 04936202292
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷനിലെ നടക്കൽ കൂവണ ഭാഗത്ത് നാളെ (ഒക്ടോബർ 16) രാവിലെ 8.30 മുതൽ വൈകിട്ട് 5.30 വരെ വൈദ്യുതി വിതരണം ഭാഗികമായി തടസ്സപ്പെടും.
കാരാപ്പുഴ ഇറിഗേഷൻ പ്രോജക്ട് ഉദ്യാനത്തിൽ നിയമനം
കൽപ്പറ്റ കാരാപ്പുഴ ഇറിഗേഷൻ പ്രോജക്ടിന്റെ ഭാഗമായുള്ള ഉദ്യാനത്തിലേക്ക് ഹോർട്ടികൾച്ചർ അസിസ്റ്റന്റ്, അക്കൗണ്ടന്റ്, ഡെസ്റ്റിനേഷൻ മാനേജർ, സെക്യൂരിറ്റി ഗാർഡ് തസ്തികകളിൽ ഒരു വർഷത്തേക്ക് കരാർ അടിസ്ഥാനത്തിൽ നിയമിക്കുന്നു. അപേക്ഷകർ പൂർണ്ണമായും വയനാട് ജില്ലയിൽ നിന്നുള്ളവരായിരിക്കണം. 25-നും 35-നും മധ്യേയാണ് പ്രായപരിധി. ഹോർട്ടികൾച്ചർ ബിരുദമോ തത്തുല്യ യോഗ്യതയും ഉദ്യാന പരിപാലനത്തിൽ ഒരു വർഷത്തെ പ്രവൃത്തിപരിചയവുമുള്ളവർക്ക് ഹോർട്ടികൾച്ചർ അസിസ്റ്റന്റ് തസ്തികയിലേക്ക് അപേക്ഷിക്കാം. മാസ്റ്റർ ബിരുദമുള്ളവർക്ക് മുൻഗണന ലഭിക്കും. ബി.കോം ബിരുദവും അക്കൗണ്ടിംഗ്, ഓഡിറ്റിംഗ്, ടാക്സേഷൻ, ടാലി, എം.എസ് എക്സൽ, കമ്പ്യൂട്ടർ അധിഷ്ഠിത അക്കൗണ്ടിംഗ് എന്നിവയിൽ പരിജ്ഞാനവും അക്കൗണ്ടിംഗ് മേഖലയിൽ കുറഞ്ഞത് രണ്ട് വർഷത്തെ പ്രവൃത്തിപരിചയവുമുള്ളവർക്ക് അക്കൗണ്ടന്റ് തസ്തികയിലേക്ക് അപേക്ഷിക്കാം. എം.കോം ബിരുദമുള്ളവർക്ക് മുൻഗണന ലഭിക്കും. അംഗീകൃത സർവ്വകലാശാലയിൽ നിന്ന് ട്രാവൽ ആന്‍ഡ് ടൂറിസം ഐച്ഛിക വിഷയമായി ലഭിച്ച ബിരുദവും ഇംഗ്ലീഷ്, ഹിന്ദി ഭാഷകളിൽ ആശയവിനിമയ ശേഷിയും ടൂറിസം മേഖലയിലെ പ്രവൃത്തിപരിചയവുമുള്ളവർക്ക് ഡെസ്റ്റിനേഷൻ മാനേജർ തസ്തികയിലേക്ക് അപേക്ഷിക്കാം. ഉദ്യാന സുരക്ഷയ്ക്കായി വിമുക്തഭടന്മാരായ നാല് പുരുഷന്മാർക്കാണ് സെക്യൂരിറ്റി ഗാർഡ് തസ്തികയിലേക്ക് അവസരം. താത്പര്യമുള്ളവർ വെള്ളക്കടലാസിൽ തയ്യാറാക്കിയ അപേക്ഷയും യോഗ്യതാ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം നവംബർ രണ്ടിന് വൈകിട്ട് അഞ്ചിനകം എക്സിക്യൂട്ടീവ് എഞ്ചിനീയർ, കാരാപ്പുഴ ഇറിഗേഷൻ പ്രോജക്ട് ഡിവിഷൻ, കൽപ്പറ്റ നോർത്ത്, പിൻ: 673122 എന്ന വിലാസത്തിൽ സമർപ്പിക്കണം. അഭിമുഖ തീയതി പിന്നീട് അറിയിക്കും. കൂടുതൽ വിവരങ്ങൾക്ക് കൽപ്പറ്റ കാരാപ്പുഴ ഇറിഗേഷൻ ഡിവിഷൻ ഓഫീസ്, വാഴവറ്റ കാരാപ്പുഴ സബ് ഡിവിഷൻ നമ്പർ-രണ്ട് എന്നീ ഓഫീസുകളുമായി ബന്ധപ്പെടാം. ഫോൺ : 04936 202246
ക്വട്ടേഷൻ ക്ഷണിച്ചു
കേരള ഖരമാലിന്യ പരിപാലന പദ്ധതിയുടെ (കെ.എസ്.ഡബ്ല്യു.എം.പി) ജില്ലാ പ്രോജക്ട് മാനേജ്‌മെന്റ് യൂണിറ്റ് ഓഫീസിലെ ഔദ്യോഗിക ആവശ്യങ്ങൾക്കായി വാഹനം വാടകയ്ക്ക് ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. 1200 സി.സിയിൽ കുറയാത്ത (2019 അല്ലെങ്കിൽ അതിനുശേഷമുള്ള മോഡൽ), ടൂറിസ്റ്റ് പെർമിറ്റുള്ള ഏഴ് സീറ്റുള്ള വാഹനങ്ങളാണ് ആവശ്യമായിട്ടുള്ളത്. ക്വട്ടേഷനുകൾ ഒക്ടോബർ 22 ന് വൈകിട്ട് അഞ്ച് വരെ സ്വീകരിക്കും. ഫോൺ: 9072195861, 9496332755.
തദ്ദേശ പ്രതിനിധികളുടെ ഓണറേറിയം വർധിപ്പിക്കാനുള്ള തീരുമാനം സ്വാഗതാർഹം;എൽജി എംഎൽ മാനന്തവാടി മണ്ഡലം കമ്മിറ്റി
തദ്ദേശസ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ടിട്ടുള്ള ജനപ്രതിനിധികൾക്ക് ലഭിക്കുന്ന ഓണറേറിയം കാലോചിതമായി വർദ്ധിപ്പിക്കുന്ന കാര്യം സർക്കാരിന്റെ പരിഗണനയിൽ ആണെന്നും ജനുവരി 1 മുതൽ വർദ്ധന പ്രാബല്യത്തിൽ വരുമെന്നും ഉള്ള തദ്ദേശ സ്വയംഭരണ വകുപ്പ് മന്ത്രിയുടെ പ്രഖ്യാപനം സ്വാഗതാർഹം ആണെന്ന് മാനന്തവാടി മണ്ഡലം എൽജിഎംഎൽ ജനറൽ ബോഡി യോഗം പറഞ്ഞു. സാധാരണക്കാരുമായി ഏറ്റവും താഴെത്തട്ടിൽ ഇടപെടുന്നത് ജനപ്രതിനിധികളായ പഞ്ചായത്ത് മെമ്പർമാരാണ്. ജനങ്ങളുടെ പ്രയാസങ്ങളും പ്രശ്നങ്ങളും നേരിട്ട അറിയുന്നത് ഇവർ കാണന്നും എംഎൽഎമാരെക്കാളും മന്ത്രിമാരേക്കാളും സാധാരണക്കാരന്റെ പ്രയാസങ്ങൾ പരിഹരിക്കുന്നതിന് പഞ്ചായത്ത് മെമ്പർമാരാണ് നേരിട്ട് ഇടപെടുന്നതും എന്നുമുള്ള മന്ത്രിയുടെ പ്രസ്താവന ജനപ്രതിനിധികൾക്ക് ഏറെ അഭിമാനവും ആവേശവും നൽകുന്നതാണ്. പാവപ്പെട്ട ഒരാൾക്ക് അയാൾക്ക് അവകാശപ്പെട്ട ഒരു കാര്യം ലഭിക്കുന്നതിന് നിലവിലെ നിയമം തടസ്സം നിൽക്കുന്നുണ്ടെങ്കിൽ അക്കാര്യം സർക്കാരിന്റെ ശ്രദ്ധയിൽ കൊണ്ടുവന്ന് ആവശ്യമായ നിയമനിർമ്മാണം നടത്തുന്നതിന് മെമ്പർമാർ മുൻകൈയെടുക്കണം എന്നുള്ള പഞ്ചായത്ത് വകുപ്പ് മന്ത്രിയുടെ പ്രസ്താവന ഏറെ പ്രതീക്ഷ നൽകുന്നു. പെൻഷൻ നടപടികൾ ലഘൂകരിക്കുവാനും. തദ്ദേശ വകുപ്പിലെ വിവിധ വിഭാഗങ്ങൾക്ക്. ജനപ്രതിനിധികൾ ഉൾപ്പെടെ യുള്ളവർക് നൽകിയ ഉത്സവബത്ത അടക്കമുള്ള കാര്യങ്ങൾ തദ്ദേശ വകുപ്പിന്റെ ചരിത്രത്തിൽ എന്നും ഓർമ്മിക്കപ്പെടും. എൻ ആർ ഇ ജി. എൽ എസ് ജി ഡി. ഉൾപ്പെടെയുള്ള പദ്ധതികളിൽ പൂർത്തീകരിച്ച പ്രവർത്തികൾക്ക് നൽകാനുള്ള തുക എത്രയും പെട്ടെന്ന് നൽകുന്നതിന് ആവശ്യമായിട്ടുള്ള നടപടികൾ സ്വീകരിക്കണമെന്നും യോഗം ആവശ്യപ്പെട്ടു. എൽജി എം എൽ ജില്ലാ ജനറൽ സെക്രട്ടറി അബ്ദുല്ല കേളോത്ത് അധ്യക്ഷത വഹിച്ചു. സംസ്ഥാന സെക്രട്ടറി ഹാരിസ് കണ്ടിയൻ യൻ ഉദ്ഘാടനം ചെയ്തു.ജില്ലാ സെക്രട്ടറി പി.കെസലാം സ്വാഗതം പറഞ്ഞുകമർലൈല വെള്ളമുണ്ട ഗ്രാമ പഞ്ചായത്ത് പ്രസിഡണ്ട് ലഷ്മിആലക്കാമുറ്റം, പനമരം ഗ്രാമപഞ്ചായത്ത് പ്രസിഡണ്ട് സി കുഞ്ഞബ്ദുല്ല, പ്രീതാരാമൻ. പി വി എസ് മൂസ, സൗജത്ത്ഉസ്‌മാൻ എന്നിവർ സംസാരിച്ചു.
മുന്‍ഗണനാ റേഷന്‍ കാര്‍ഡുകള്‍ സറണ്ടര്‍ ചെയ്യാന്‍ രണ്ട് മാസം സാവകാശം
ജീവിതസാഹചര്യങ്ങളിലെ മാറ്റം കാരണം അര്‍ഹത നഷ്ടപ്പെട്ടിട്ടും മുന്‍ഗണനാ വിഭാഗത്തില്‍ (എ.എ.വൈ/പി.എച്ച്.എച്ച്) ഉള്‍പ്പെട്ട റേഷന്‍ കാര്‍ഡുകള്‍ കൈവശം വച്ചിരിക്കുന്നവര്‍ക്ക് പിഴയില്ലാതെ കാര്‍ഡുകള്‍ സ്വമേധയാ സറണ്ടര്‍ ചെയ്യുന്നതിന് രണ്ട് മാസം സാവകാശം അനുവദിച്ചു. ബന്ധപ്പെട്ട രേഖകള്‍ സഹിതം അതത് താലൂക്ക് സപ്ലൈ ഓഫീസുകളില്‍ അപേക്ഷ സമര്‍പ്പിച്ച് റേഷന്‍ കാര്‍ഡുകള്‍ തരംമാറ്റാം. ഒരേക്കറിന് മുകളില്‍ ഭൂമിയുള്ളവര്‍, 1000 ചതുരശ്ര അടിക്ക് മുകളില്‍ വിസ്തീര്‍ണമുള്ള വീടുള്ളവര്‍, നാല് ചക്രവാഹനം സ്വന്തമായുള്ളവര്‍, സര്‍ക്കാര്‍ ജീവനക്കാര്‍, പ്രതിമാസം 25,000 രൂപയ്ക്ക് മുകളില്‍ വരുമാനമുള്ളവര്‍, ആദായനികുതി അടയ്ക്കുന്നവര്‍ എന്നിവര്‍ മുന്‍ഗണനാ റേഷന്‍ കാര്‍ഡുകള്‍ കൈവശം വച്ചിട്ടുണ്ടെങ്കില്‍ അര്‍ഹത പരിശോധിച്ച് കാര്‍ഡുകള്‍ തരംമാറ്റുന്നതിനുള്ള നടപടി സ്വീകരിക്കണം. ഫോണ്‍: വൈത്തിരി: 04936 255222, ബത്തേരി: 04936 220213, മാനന്തവാടി: 04935 240252.
