Kalpetta
ശോഭയുള്ള ഭാവിക്കായി പെൺകരുത്ത്: വേലിയമ്പം ഗേൾസ് ഹോസ്റ്റലിൽ 'തേജസ്സ്' സെമിനാർ ശ്രദ്ധേയമായി
വേലിയമ്പം ഗേൾസ് പ്രീ-മെട്രിക് ഹോസ്റ്റലിലെ വിദ്യാർത്ഥിനികൾക്കായി 'തേജസ്സ്' ബോധവൽക്കരണ സെമിനാർ സംഘടിപ്പിച്ചു. മാനസികാരോഗ്യവും ആത്മവിശ്വാസവും വളർത്തുക,തെറ്റായ പ്രവണതകളിൽ നിന്ന് സ്വയം സുരക്ഷിതരാകാൻ കുട്ടികളെ പ്രാപ്തരാക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിച്ചത്.എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം "തേജസ്സ്: ശോഭയുള്ള ഭാവിക്കായി ലഹരിമുക്ത ജീവിതം" സെമിനാർ ഉദ്ഘാടനം ചെയ്ത് വിഷയാവതരണം നടത്തി. താലൂക്ക് ലീഗൽ സർവ്വീസസ് അതോറിറ്റി പി.എൽ.വി ചിഞ്ചു മനോഹരൻ അധ്യക്ഷത വഹിച്ചു.ഹോസ്റ്റൽ വാച്ച് വുമൺ സി.സി.ദിവ്യ ,വിദ്യാർത്ഥിനികളായ വി.കവിത,പി.ജെ. അർച്ചന, ഹോസ്റ്റൽ ലീഡർ കെ. നന്ദന എന്നിവർ സംസാരിച്ചു.
മഴ കനക്കുന്നു; തിരുവനന്തപുരത്തും കൊല്ലത്തും അടക്കം വെള്ളക്കെട്ട് രൂക്ഷം, 10 ജില്ലകളിൽ ഇന്ന് യെല്ലോ അലേര്‍ട്ട്
തിരുവനന്തപുരം: തുലാവര്‍ഷം ശക്തമായതോടെ സംസ്ഥാനത്ത് ലഭിക്കുന്നത് വ്യാപക മഴ. ഇന്ന് തിരുവനന്തപുരം മുതല്‍ മലപ്പുറം വരെയുള്ള പത്ത് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. അടുത്ത അഞ്ച് ദിവസവും സംസ്ഥാനത്ത് വ്യാപക മഴ തുടരുമെന്നാണ് മുന്നറിയിപ്പ്. ഇന്നലെ രാത്രിയോടെ തെക്കന്‍ ജില്ലകളിലും മധ്യകേരളത്തിലും ശക്തമായ മഴയാണ് ലഭിച്ചത്. തിരുവനന്തപുരത്തും കൊല്ലത്തും അടക്കം വെള്ളക്കെട്ട് രൂക്ഷമായി.തിരുവനന്തപുരത്ത് മലയോര, തീരദേശ മേഖലകളില്‍ പലയിടത്തും വീടുകളില്‍ വെള്ളം കയറി. നദികളിലെ ജലനിരപ്പ് ഉയര്‍ന്നിട്ടുണ്ട്. മക്കി, മരുതാമല, പേപ്പാറ, ആനപ്പാറ തുടങ്ങിയ ഇടങ്ങളില്‍ ജാഗ്രതാ നിര്‍ദേശം നല്‍കിയിട്ടുണ്ട്. കൊല്ലത്ത് കനത്ത മഴയില്‍ പലയിടത്തും വെള്ളക്കെട്ട് രൂക്ഷമാണ്. ചാത്തന്നൂരില്‍ സര്‍വീസ് റോഡില്‍ വെള്ളം കയറി കാര്‍ പകുതിയോളം മുങ്ങി. വ്യാപാര സ്ഥാപനങ്ങളിലും വെള്ളം കയറി. ദേശീയപാത 66 ലും കരുനാഗപ്പള്ളി, കുണ്ടറ മേഖലകളിലും വെള്ളക്കെട്ട് രൂക്ഷമാണ്. അതേസമയം, ഏഴുകോണില്‍ ഇടിമിന്നലേറ്റ് യുവാവിന് പൊള്ളലേറ്റു. ഇടിമിന്നലില്‍ വീടുകളിലെ ഉപകരണങ്ങള്‍ക്കുള്‍പ്പെടെ കേടുപാടുകളും സംഭവിച്ചിട്ടുണ്ട്.
പോലീസ് സ്മൃതി ദിനാചരണം; രക്തദാന ക്യാമ്പുകളുമായി വയനാട് പോലീസ്
കല്‍പ്പറ്റ: ഈ വര്‍ഷത്തെ പോലീസ് സ്മൃതി ദിനം, പോലീസ് പതാക ദിനം എന്നിവയോടനുബന്ധിച്ച് ജില്ലയില്‍ ജില്ലാ പോലീസിന്റെ നേതൃത്വത്തില്‍ വിവിധ പരിപാടികള്‍ സംഘടിപ്പിക്കുന്നു. ഒക്ടോബര് 21ന് രാവിലെ പോലീസ് അനുസ്മരണദിന പരേഡ് വയനാട് ഡി.എച്ച്.ക്യൂ ക്യാമ്പ് പരേഡ് ഗ്രൗണ്ടില്‍ നടക്കും. ജില്ലാ പോലീസ് മേധാവി, അഡീഷണല്‍ എസ്.പി, സ്പെഷ്യല്‍ യൂണിറ്റ് മേധാവികള്‍, സബ് ഡിവിഷന്‍ മേധാവികള്‍, മറ്റു പോലീസ് ഉദ്യോഗസ്ഥർ തുടങ്ങിയവർ പങ്കെടുക്കും. തുടര്‍ന്ന്, കല്‍പ്പറ്റ, മാനന്തവാടി, ബത്തേരി സബ് ഡിവിഷനുകളില്‍ 'സംരക്ഷ-2026' എന്ന പേരില്‍ രക്തദാന ക്യാമ്പ് സംഘടിപ്പിക്കും. കല്‍പ്പറ്റയില്‍ ലിയോ ഹോസ്പിറ്റലുമായി സഹകരിച്ച് ലിയോ കോണ്‍ഫറന്‍സ് ഹാളില്‍ രാവിലെ 10.30 മുതല്‍ രക്തദാന ക്യാമ്പ് നടക്കും. ജില്ലാ പോലീസ് മേധാവി എസ്. ദേവമനോഹര്‍ ഐ.പി.എസ് ഉദ്ഘാനം ചെയ്യും. കല്‍പ്പറ്റ ഡിവൈ.എസ്.പി ടി.എ. അഗസ്റ്റിന്‍ അദ്ധ്യക്ഷനാകും. ഡോ. ടി.പി.എന്‍ സുരേന്ദ്രന്‍ രക്തദാന അവബോധ ക്ലാസെടുക്കും. മാനന്തവാടി സബ് ഡിവിഷനില്‍ മാനന്തവാടി മെഡിക്കല്‍ കോളജില്‍ രാവിലെ 10 മുതല്‍ നടക്കുന്ന ക്യാമ്പ് എസ്.എം.എസ് ഡിവൈ.എസ്.പി ഷജു ജോസഫ് ഉദ്ഘാടനം ചെയ്യും. ബത്തേരി സബ് ഡിവിഷനില്‍ ഒക്ടോബര് 22ന് ബത്തേരി ഗവ. ഹോസ്പിറ്റലില്‍ രാവിലെ 10 മുതല്‍ നടക്കുന്ന ക്യാമ്പ് ബത്തേരി ഡിവൈ.എസ്.പി എം.എം. അബ്ദുള്‍ കരീം ഉദ്ഘാടനം ചെയ്യും.
ടീ ഫോർ ചാരിറ്റി ബ്രോഷർ പ്രകാശനം ചെയ്തു.
കൽപ്പറ്റ: ജീവകാരുണ്യ മേഖലകളിൽ 14 വർഷമായി പ്രവർത്തിക്കുന്ന കൽപ്പറ്റ ചാരിറ്റബിൾ സൊസൈറ്റിയുടെ ടി ഫോർ ചാരിറ്റി പരിപാടിയുടെ ബ്രോഷർ ജില്ലാ പോലീസ് മേധാവി എസ് ദേവ മനോഹർ ഐ.പി.എസ് പ്രകാശനം ചെയ്തു. സംഘാടക സമിതി വൈസ് ചെയർമാൻ എ.പി വാസുദേവൻ നായർ, ജനറൽ കൺവീനർ സൂപ്പി കല്ലങ്കോടൻ, സൊസൈറ്റി സെക്രട്ടറി കെ പി .ബഷീർ, പി കെ അയ്യൂബ്, വി.വി.സലീം, പി പി മുഹമ്മദ് പങ്കെടുത്തു.ജീവകാരുണ്യ പ്രവർത്തനങ്ങൾക്ക് ഫണ്ട് ശേഖരിക്കുന്നതിനായാണ് ഒക്ടോബർ 31 ശനിയാഴ്ച കാലത്ത് 9 മണി മുതൽ രാത്രി 10 മണി വരെയാണ് കൽപ്പറ്റ യെസ് ഭാരത് ഗ്രൗണ്ടിൽ ടി ഫോർ ചാരിറ്റി ചായ സൽക്കാരം നടത്തുന്നത്. ഓട്ടിസം ബാധിതർക്ക് മാസാന്ത പെൻഷൻ നൽകുന്നതുൾപ്പെടെയുള്ള 14 ജീവകാരുണ്യ പ്രവർത്തനങ്ങൾക്ക് ധനശേഖരണമാണ് പരിപാടിയുടെ ലക്ഷ്യം.
എഐഎസ്എഫ് രാപകൽ സമരം 24, 25 തീയതികളിൽ
കൽപറ്റ: ഡൽഹിയിലെ ജന്തർ മന്തർ കേന്ദ്രീകരിച്ച് നടക്കുന്ന ജനാധിപത്യ സംരക്ഷണ പ്രക്ഷോഭങ്ങൾക്ക് ഐക്യദാർഢ്യം പ്രഖ്യാപിച്ച് ഓൾ ഇന്ത്യ സ്റ്റുഡന്റ്സ് ഫെഡറേഷൻ (എഐഎസ്എഫ്) വയനാട് ജില്ലാ കമ്മിറ്റി കൽപറ്റയിൽ രാപകൽ പ്രതിഷേധം സംഘടിപ്പിക്കുന്നു. "ഇതാണ് ജന്തർ മന്തർ" എന്ന മുദ്രാവാക്യവുമായി ഒക്ടോബർ 24, 25 തീയതികളിൽ കൽപറ്റ ഹെഡ് പോസ്റ്റ് ഓഫീസിനു മുൻപിലാണ് 24 മണിക്കൂർ നീളുന്ന പ്രതിഷേധ പരിപാടി. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് രാജ്യതലസ്ഥാനത്ത് നടക്കുന്ന പ്രതിഷേധങ്ങൾക്കും, വോട്ടർ പട്ടികയുടെ പ്രത്യേക തീവ്രപരിഷ്കരണവുമായി (എസ്ഐആർ) ബന്ധപ്പെട്ട് ഉയർന്നിട്ടുള്ള ഗുരുതര ആശങ്കകൾക്കും പശ്ചാത്തലമാക്കിയാണ് സമരം. വോട്ടർ പട്ടികയിൽ നിന്ന് ലക്ഷക്കണക്കിന് പേരെ ഒഴിവാക്കാനുള്ള നീക്കവും, തിരഞ്ഞെടുപ്പ് പ്രക്രിയയെ അട്ടിമറിക്കാനുള്ള ശ്രമങ്ങളും ജനാധിപത്യത്തിന്റെ അടിസ്ഥാന ശിലകളെ തകർക്കുമെന്ന് എഐഎസ്എഫ് ജില്ലാ കമ്മിറ്റി വാർത്താക്കുറിപ്പിൽ പറഞ്ഞു. രാഷ്ട്രീയ, സാംസ്കാരിക, കലാരംഗങ്ങളിലെ പ്രമുഖർ രാപ്പകൽ പ്രതിഷേധത്തിൽ പങ്കെടുത്ത് സംസാരിക്കും. വിദ്യാർഥികളെയും യുവജനങ്ങളെയും ജനാധിപത്യ വിശ്വാസികളെയും മുഴുവൻ അണിനിരത്തി ജനാധിപത്യ സംരക്ഷണത്തിനായുള്ള പോരാട്ടം ശക്തിപ്പെടുത്താനും ഭരണഘടനാ മൂല്യങ്ങൾ ഉയർത്തിപ്പിടിച്ചുകൊണ്ട് ജനങ്ങളുടെ അവകാശങ്ങൾ സംരക്ഷിക്കാനും ജനാധിപത്യവിരുദ്ധ പ്രവണതകൾക്കെതിരെ ശക്തമായ നിലപാട് സ്വീകരിക്കാനും ഈ പ്രതിഷേധം ആഹ്വാനം ചെയ്യുമെന്ന് ഭാരവാഹികൾ അറിയിച്ചു.
സംസ്ഥാനത്ത് സ്വർണ വിലയിൽ നേരിയ ഇടിവ്, പവന് കുറഞ്ഞത് 640 രൂപ
സംസ്ഥാനത്ത് സ്വർണ വിലയിൽ നേരിയ ഇടിവ്. ഇന്ന് 22 കാരറ്റ് സ്വർണത്തിന് ഗ്രാമിന് 80 രൂപയാണ് കുറഞ്ഞിരിക്കുന്നത്. പവനിൽ കണക്കു കൂട്ടുമ്പോൾ 640 രൂപയുടെ കുറവാണ് ഉണ്ടായിരിക്കുന്നത്. ഇതോടെ കേരളത്തിൽ 22 കാരറ്റ് സ്വർണം ഒരു ഗ്രാമിന് 13,490 രൂപയും പവന് 1,07,920 രൂപയുമായി. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെയും സ്വർണ വിലയെ സ്വാധീനിക്കാറുള്ളത്. അതേ സമയം, സംസ്ഥാനത്ത് വെള്ളി വിലയിൽ മാറ്റമില്ലാതെ തുടരുന്ന നിലയാണ്. നിലവിൽ വെള്ളി ഗ്രാമിന് 30 രൂപയിലും 10 ഗ്രാമിന് 2,300 രൂപയും എന്ന കണക്കിലാണ് വ്യാപാരം നടക്കുന്നത്.
എടക്കൽ ഊരാളി ഉന്നതിയിൽ മാറ്റത്തിന്റെ തിരിതെളിച്ച് 'പുനർജനി'
എടക്കൽ: സുൽത്താൻ ബത്തേരി ട്രൈബൽ എക്സ്റ്റൻഷൻ ഓഫീസിന്റെ പരിധിയിലുള്ള നെന്മേനി ഗ്രാമപഞ്ചായത്ത് 24-ാം വാർഡ് എടക്കൽ ഊരാളി ഉന്നതിയിൽ പുത്തൻ ഉണർവേകി ''പുനർജനി – പുതിയൊരു പ്രഭാതത്തിലേക്ക് ഒരുമിച്ചൊരു ചുവട് ബോധവൽക്കരണ സെമിനാർ സംഘടിപ്പിച്ചു. എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം സെമിനാർ ഉദ്ഘാടനം ചെയ്യുകയും മുഖ്യ വിഷയാവതരണം നടത്തുകയും ചെയ്തു.സമൂഹത്തിൽ വർധിച്ചുവരുന്ന ലഹരിയുടെ വിപത്തിനെതിരെ ശക്തമായ പ്രതിരോധം തീർക്കാൻ ഓരോ കുടുംബവും ജാഗരൂകരാകണമെന്ന് അദ്ദേഹം പറഞ്ഞു. ഉന്നതികളിലെ കുഞ്ഞുങ്ങളുടെ കൃത്യമായ വിദ്യാഭ്യാസവും പോഷകാഹാരവും ഉറപ്പുവരുത്താൻ ബന്ധപ്പെട്ട അധികൃതർ പ്രത്യേക ശ്രദ്ധ ചെലുത്തണം. കുട്ടികളുടെ സർഗാത്മകതയും കായികശേഷിയും വളർത്തിയെടുക്കാൻ കായികമേഖലയ്ക്ക് പ്രത്യേക പ്രാധാന്യം നൽകണമെന്നും,മികച്ച പ്രകടനം കാഴ്ചവെക്കുന്ന കുട്ടികൾക്ക് സമ്മാനങ്ങൾ നൽകി അവരെ ആദരിക്കാൻ സമൂഹം മുന്നോട്ടുവരണമെന്നും അദ്ദേഹം ആഹ്വാനം ചെയ്തു.പുതുതലമുറയ്ക്ക് കരുത്തും ദിശാബോധവും നൽകുന്നതിലൂടെ മാത്രമേ ലഹരിമുക്തവും സുരക്ഷിതവുമായ നല്ലൊരു നാളെ സൃഷ്ടിക്കാനാകൂ എന്നും അദ്ദേഹം വ്യക്തമാക്കി.ചടങ്ങിൽ ഊരുമൂപ്പൻ പി.ശാന്ത അധ്യക്ഷത വഹിച്ചു.ട്രൈബൽ പ്രമോട്ടർ വി.കെ.അനുപ്രിയ സ്വാഗതം ആശംസിച്ചു.ഇ.രാധ, എ.ജി.രഞ്ചിനി,എം. മിനി,കെ.കെ.ദേവി എന്നിവർ ആശംസകൾ അർപ്പിച്ചു സംസാരിച്ചു. ട്രൈബൽ പ്രമോട്ടർ ഇ.എം.സൗമ്യ ചടങ്ങിന് നന്ദി രേഖപ്പെടുത്തി. ഉന്നതി നിവാസികളും സാമൂഹിക പ്രവർത്തകരും ഉൾപ്പെടെ നിരവധി പേർ പരിപാടിയിൽ സജീവമായി പങ്കെടുത്തു.
പിക്കപ്പ് വാനും കാറും കൂട്ടിയിടിച്ച് അഞ്ചുപേർക്ക് പരിക്ക്
വരദൂർ മരമില്ലിന് സമീപം പിക്കപ്പ് വാനും കാറും കൂട്ടിയിടിച്ച് അഞ്ചു പേർക്ക് പരിക്കേറ്റു. ഇന്ന് ഉച്ചയ്ക്ക് രണ്ട് മണിയോടെയായിരുന്നു അപകടം. അപകടത്തിൽ പരിക്കേറ്റവരെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ബാലസഭ കുട്ടികളുടെ പോഷകാഹാര മേള സംഘടിപ്പിച്ചു.
വെങ്ങപ്പള്ളി CDS - ന് കീഴിൽ പഞ്ചായത്ത് ഹാളിൽ വെച്ച് കാർബൺ ന്യൂട്രൽ കേരളം എന്ന ആശയം ആസ്പദമാക്കി ബാലസഭ കുട്ടികളുടെ പോഷകാഹാര മേള സംഘടിപ്പിച്ചു. പരിപാടി പഞ്ചായത്ത് പ്രസിഡൻ്റ് ജാസർ പാലക്കൽ ഉദ്ഘാടനം ചെയ്തു. CDS ചെയർപേഴ്സൺ ഷംന പരിപാടിക്ക് അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻറ് ഷീജ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ മിഥില ,ആരോഗ്യ സ്റ്റാൻ്റിങ് കമ്മിറ്റി ചെയർമാൻ രാമൻ വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ ഹസീന മെമ്പർമാർ ആയിട്ടുള്ള ഷമീറ ,ശർബിന , വസന്ത ജില്ലാ ആർപി ബബിത, ബാലസഭ RP ധന്യ തുടങ്ങിയവർ സംസാരിച്ചു.
മുട്ടില്‍ സന്താന ഗോപാല മഹാവിഷ്ണു- വേട്ടക്കരുമന്‍ ക്ഷേത്രത്തിൽ കളമെഴുത്ത് പാട്ടുത്സവം നവംബര്‍ 8ന്
മുട്ടില്‍ :മുട്ടില്‍ സന്താനഗോപാല മഹാവിഷ്ണു- വേട്ടക്കരുമന്‍ ക്ഷേത്രത്തില്‍ കളമെഴുത്ത് പാട്ടുത്സവം നവംബര്‍ 8ന് നടത്തും . ക്ഷേത്രം തന്ത്രി പാടേരി ഇല്ലത്ത് സുനില്‍ നമ്പൂതിരിപ്പാടിന്റെ മുഖ്യകാര്‍മ്മികത്വത്തില്‍ അഷ്ടദ്രവ്യ ഗണപത്തി ഹോമത്തോടെ പാട്ടുത്സവത്തിന് തുടക്കം കുറിച്ചു. കളമെഴുത്ത് പാട്ടുല്‍സവത്തിന്റെ ധനശേഖരണ സമര്‍പ്പണം യു. വൃന്ദാദേവി സത്യശീലനില്‍ നിന്നു ക്ഷേത്ര ഭരണ സമിതി ജോയിന്റ് സെക്രട്ടറി കെ. നാണു ഏറ്റുവാങ്ങി. ക്ഷേത്രം സെക്രട്ടറി കെ. ശശിധരന്‍ നായര്‍, വി. കെ. ഗോപീദാസ്, സുന്ദര്‍രാജ് എടപ്പെട്ടി, ഓ. ശശിധരന്‍ കൊളവല്‍, എം. വിജയകുമാര്‍, കെ. അനില്‍കുമാര്‍, ലീന സി. നായര്‍, എം. നളിനി മഞ്ചരക്കണ്ടി, കെ. ഗംഗാധരന്‍, എം. സുഭദ്രാമ്മ, ആര്‍. ചന്ദ്രശേഖരന്‍, കെ. പ്രദീപ് കുമാര്‍, പി. റീജ അനില്‍കുമാര്‍, പി. പാര്‍വതി, പി. സുരേഷ് ബാബു, കെ. തങ്കം എന്നിവര്‍ സംസാരിച്ചു .
വയനാട് ദുരന്തബാധിതർക്ക് മലങ്കര ഓർത്തഡോക്സ് സഭയുടെ വീടുകൾ: ആദ്യഘട്ട ശിലാസ്ഥാപനം നിർവഹിച്ചു
വാഴവറ്റ: ചൂരൽമല - മുണ്ടക്കൈ ഉരുൾപൊട്ടൽ ദുരന്തബാധിതർക്കായി സ്വന്തമായി ഭൂമി വാങ്ങി വീടുകൾ നിർമ്മിച്ച് നൽകുന്ന മലങ്കര ഓർത്തഡോക്സ് സുറിയാനി സഭയുടെ പുനരധിവാസ പദ്ധതിക്ക് തുടക്കമായി.ആകെ വിഭാവനം ചെയ്തിട്ടുള്ള 50 വീടുകളിൽ ആദ്യഘട്ടത്തിലെ 13 ഭവനങ്ങളുടെ ശിലാസ്ഥാപനം സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ നിർവ്വഹിച്ചു. ഇതിനോടനുബന്ധിച്ച് നടന്ന പൊതുസമ്മേളനം ബഹു. കൃഷി വകുപ്പ് മന്ത്രി ശ്രീ. ടി. സിദ്ദിഖ് ഉദ്ഘാടനം ചെയ്തു.മെത്രാപ്പോലീത്തമാരായ ഡോ. ഏബ്രഹാം മാർ സെറാഫിം, ഡോ. ഗീവർഗീസ് മാർ ബർന്നബാസ്, സഭാ വൈദിക ട്രസ്റ്റി ഫാ. ഡോ. തോമസ് വർഗീസ് അമയിൽ, അൽമായ ട്രസ്റ്റി റോണി വർഗീസ് ഏബ്രഹാം, അസോസിയേഷൻ സെക്രട്ടറി അഡ്വ. ബിജു ഉമ്മൻ, സുൽത്താൻ ബത്തേരി ഭദ്രാസന സെക്രട്ടറി ഫാ. ബേബി ജോൺ, മേപ്പാടി പഞ്ചായത്ത് പ്രസിഡന്റ് റംല ഹംസ, മറ്റ് തദ്ദേശ സ്വയംഭരണ ജനപ്രതിനിധികൾ, വൈദികർ, ഗുണഭോക്താക്കൾ തുടങ്ങിയവർ പങ്കെടുത്തു. പുനരധിവാസ പദ്ധതിയുടെ രണ്ടാം ഘട്ടമായി വയനാട്ടിൽ ഒരു റിഹാബിലിറ്റേഷൻ സെന്റർ സ്ഥാപിക്കുമെന്നും, പ്രകൃതിദുരന്ത സാദ്ധ്യതയുള്ള മേഖലകളിൽ കഴിയുന്നവർക്ക് മഴക്കാലത്ത് ഇവിടെ സൗജന്യ താമസസൗകര്യം ഒരുക്കുമെന്നും സഭാ അധികൃതർ അറിയിച്ചു.
വയനാട് ജനമൈത്രി പോലീസിന്റെ നേതൃത്വത്തില്‍ നേത്ര പരിശോധന ക്യാമ്പുകള്‍ നടത്തി
കല്‍പ്പറ്റ: വയനാട് ജില്ലാ ജനമൈത്രി പോലീസിന്റെ നേതൃത്വത്തില്‍ പൊതുജനങ്ങള്‍ക്കായി പനമരം ജി.എല്‍.പി സ്‌കൂള്‍ ഓഡിറ്റോറിയം. കേണിച്ചിറ വ്യാപാരി ഭവന്‍, വടുവന്‍ചാല്‍ വാലുമ്മല്‍ കോംപ്ലക്‌സ് എന്നിവിടങ്ങളില്‍ മെഗാ നേത്ര പരിശോധന ക്യാമ്പുകള്‍ സംഘടിപ്പിച്ചു. വയോജന ക്ഷേമ പ്രവര്‍ത്തനങ്ങളുടെ ഭാഗമായ 'പ്രശാന്തി' പദ്ധതിയുമായി ബന്ധപ്പെട്ട് വ്യാപാരി വ്യവസായി ഏകോപന സമിതി, കോയമ്പത്തൂര്‍ അരവിന്ദ കണ്ണാശുപത്രി എന്നിവരുമായി സഹകരിച്ചാണ് ക്യാമ്പുകള്‍ സംഘടിപ്പിച്ചത്. ക്യാമ്പുകൾ പൊതു ജനങ്ങളുടെ സജീവ പങ്കാളിത്തം കൊണ്ട് ശ്രെദ്ധേയമായി.പനമരത്ത് മാനന്തവാടി എം.എല്‍.എ ഉഷാ വിജയൻ ക്യാമ്പ് ഉദ്ഘാടനം ചെയ്തു. പനമരം പോലീസ് സ്റ്റേഷൻ എസ്.എച്ച്.ഒ കെ.എസ്. ജിഷ്ണു അധ്യക്ഷത വഹിച്ചു. ജനമൈത്രി പ്രോജക്ട് ജില്ലാ എ.ഡി.എൻ.ഒ എൻ.കെ. ദാമോദരൻ, കേരളാ വ്യാപാരി വ്യവസായി ഏകോപന സമിതി സെക്രട്ടറി കെ. ഉസ്മാൻ, എം.കെ നാസർ, കെയർവെല്‍ ക്ലിനിക്ക് ഡോ. ചന്ദ്രശേഖരൻ, അരവിന്ദ ഐ കെയർ ഹോസ്പിറ്റൽ ഡോ. ജയകുമാർ, സി.എച്ച് നവാസ്, സുലൈമാൻ ഹാജി, എ.എസ്.ഐ വി.എസ്. സുബീഷ്, സീനിയർ സിവിൽ പോലീസ് ഓഫീസർ ടി.കെ ദീപ, സിവിൽ പോലീസ് ഓഫീസർമാരായ ബഷീർ, ഷൈജൽ, തുടങ്ങിയവർ സംസാരിച്ചു. 400-ഓളം പേർ പങ്കെടുത്തു.കേണിച്ചിറ വ്യാപാര ഭവനിൽ നടന്ന ക്യാമ്പ് കേണിച്ചിറ പോലീസ് സ്റ്റേഷൻ എസ്.എച്ച്.ഓ കെ.സിൻഷ ഉദ്ഘാടനം ചെയ്തു. കേരള വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡണ്ട് രവീന്ദ്രൻ അധ്യക്ഷത വഹിച്ചു. 190-ഓളം ആളുകൾ പങ്കെടുത്തു. സി.പി.ഒ സിയാദ് സൽമാൻ, എം.ആർ. സുരേഷ്ബാബു എന്നിവർ സംസാരിച്ചു.വടുവന്‍ചാലില്‍ കേരള വ്യാപാരി വ്യവസായി ഏകോപന സമിതി ജില്ലാ പ്രസിഡണ്ട് ജോജിന്‍ പി. ജോയി ക്യാമ്പ് ഉദ്ഘാടനം ചെയ്തു. കെ.വി.വി.ഇ.എസ് വടുവഞ്ചാൽ യൂണിറ്റ് പ്രസിഡണ്ട് വി.പി. ഖാദർ അധ്യക്ഷത വഹിച്ചു. മേപ്പാടി പോലീസ് സ്റ്റേഷൻ എസ്.എച്ച്.ഓ ഡി. മിഥുൻ, മുപ്പനാട് പഞ്ചായത്ത് പ്രസിഡണ്ട് വി. കേശവൻ, വി.എൻ. ശശീന്ദ്രൻ, ജോളി സ്കറിയ, ഡോ. അഭിഷേക്, ഡോ. ദ്രുവ്, വി.എൻ ബൈജു, ബാലസുബ്രഹ്മണ്യം, എസ്.സി.പിഓ കമറുദ്ദീൻ വട്ടക്കര തുടങ്ങിയവർ സംസാരിച്ചു. 400-ഓളം പേർ പങ്കെടുത്തു.
മേപ്പാടി താഞ്ഞിലോട് കാറും ഓട്ടോയും കൂട്ടിയിടിച്ചു.
അപകടത്തിൽ പെട്ട ഓട്ടോ വീട്ടുമുറ്റത്തേക്ക് മറിഞ്ഞു. പരിക്കേറ്റവരെ അരപ്പറ്റ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. വൈകിട്ട് നാല് മണിയോടെയായിരുന്നു അപകടം.
ലഹരിക്കെതിരെ ജാഗ്രതയോടെ പുളിയാർമല
പുളിയാർമല: ലഹരിയുടെ വിപത്തിൽ നിന്നും യുവതലമുറയെ സംരക്ഷിക്കുകയെന്ന ലക്ഷ്യത്തോടെ കൽപ്പറ്റ നഗരസഭ ഏഴാം വാർഡ് ജാഗ്രത സമിതിയുടെ ആഭിമുഖ്യത്തിൽ പുളിയാർമല അംഗൻവാടിയിൽ വച്ച് ലഹരി വിരുദ്ധ ബോധവൽക്കരണ സെമിനാർ സംഘടിപ്പിച്ചു. 'നേർവഴി – യുവത്വത്തെ കാക്കാം, നാടിനെ വീണ്ടെടുക്കാം' എന്ന സന്ദേശമുയർത്തി സംഘടിപ്പിച്ച സെമിനാർ എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി. സജിത്ത്കുമാർ അച്ചൂരാനം ഉദ്ഘാടനം ചെയ്ത് ക്ലാസ് നയിച്ചു. പുതുതലമുറയെ വഴിതെറ്റിക്കുന്ന ലഹരി മാഫിയകളെ പ്രതിരോധിക്കാൻ കുടുംബങ്ങളും പ്രാദേശിക ജാഗ്രതാ സമിതികളും ഒരുമിച്ച് കൈകോർക്കേണ്ടതുണ്ടെന്ന് അദ്ദേഹം ഓർമ്മിപ്പിച്ചു.ചടങ്ങിൽ വാർഡ് കൗൺസിലർ ജിതേഷ് വാകയിൽ അധ്യക്ഷത വഹിച്ചു.ജാഗ്രതാ സമിതി അംഗം കെ.ബി.വസന്ത സ്വാഗതം ആശംസിച്ച ചടങ്ങിൽ,കമ്മ്യൂണിറ്റി വിമൻ ഫെസിലിറ്റേറ്റർ സി.വിബിത വാർഡിലെ ജാഗ്രതാ സമിതി പ്രവർത്തനങ്ങളെക്കുറിച്ച് വിശദീകരിച്ചു.ബ്രഹ്മനാഥ പ്രകാശ്, വെള്ളൻ കരടിമണ്ണ്,സി. ശാരിക എന്നിവർ സംസാരിച്ചു. പ്രദേശവാസികളുടെയും കുടുംബശ്രീ പ്രവർത്തകരുടെയും സജീവ പങ്കാളിത്തത്തോടെ നടന്ന ചടങ്ങിൽ അംഗൻവാടി ടീച്ചർ എൻ.ഒ.മീന നന്ദി രേഖപ്പെടുത്തി.
അരിവയൽ ഭൂതാനത്ത് പുള്ളിമാനിൻ്റെ ജഡം കണ്ടെത്തി
മീനങ്ങാടി അരിവയൽ ഭൂതാനത്ത് പുള്ളിമാനിന്റെ പാതി ഭക്ഷിച്ച നിലയിലുള്ള ജഡം കണ്ടെത്തി. ഭൂതാനം കരീമിന്റെ കൃഷിയിടത്തിലാണ് ജഡം കണ്ടെത്തിയത്. വന്യജീവിയുടെ ആക്രമണമാണോ മാനിൻ്റെ മരണത്തിന് കാരണമെന്നത് ഇതുവരെ വ്യക്തമായിട്ടില്ല.
ലഹരിക്കെതിരെ കൈകോർത്ത് സൂര്യകാന്തി റസിഡന്റ്സ് അസോസിയേഷൻ
വാവാടി: കോവക്കുനിയിൽ ലഹരിയുടെ വിപത്തിനെതിരെ പ്രതിരോധം തീർക്കുകയെന്ന ലക്ഷ്യത്തോടെ സൂര്യകാന്തി റസിഡന്റ്സ് അസോസിയേഷന്റെ ആഭിമുഖ്യത്തിൽ ലഹരിവിരുദ്ധ ബോധവൽക്കരണ ക്യാമ്പയിനും സെമിനാറും സംഘടിപ്പിച്ചു. ചടങ്ങ് എക്സൈസ് ഇൻസ്പെക്ടർ സൻഫീർ മുഹമ്മദ് ഉദ്ഘാടനം നിർവഹിച്ചു.അസോസിയേഷൻ പ്രസിഡന്റ് വി.എസ്.മോഹൻദാസ് അധ്യക്ഷത വഹിച്ചു.എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം ലഹരിവിരുദ്ധ സന്ദേശം നൽകുകയും ബോധവൽക്കരണ സെമിനാർ "മയങ്ങില്ല കേരളം ഉണരുന്ന യുവത്വം" അവതരിപ്പിക്കുകയും ചെയ്തു.സമൂഹത്തിൽ വർദ്ധിച്ചുവരുന്ന ലഹരി ഉപയോഗങ്ങൾക്കെതിരെ കുടുംബങ്ങളും റസിഡന്റ്സ് അസോസിയേഷനുകളും കൃത്യമായ ജാഗ്രത പുലർത്തണമെന്ന് അദ്ദേഹം ആഹ്വാനം ചെയ്തു. വൈത്തിരി അസിസ്റ്റന്റ് സബ് ഇൻസ്പെക്ടർ ഓഫ് പോലീസ് മുരളീധരൻ കെ.പി.മുഖ്യപ്രഭാഷണം നടത്തി.കൽപ്പറ്റ ജനമൈത്രി ബിറ്റ് ഓഫീസർ കെ.വിനോദ് മുഖ്യാതിഥിയായിരുന്നു. അസോസിയേഷൻ ജോയിന്റ് സെക്രട്ടറി അനിൽ കാരാട്ട് സ്വാഗതവും,സെക്രട്ടറി ഇ.എൻ.ദിലീപ് കുമാർ പ്രവർത്തന വിശദീകരണവും നടത്തി. ഡബ്ല്യു.സി.സി.(WCC) പ്രസിഡന്റ് ബിന്ദു മിൽട്ടൺ, കെ.എസ്.ഇ.ബി.ഉദ്യോഗസ്ഥൻ ഹരികുമാർ,എക്സൈസ് പ്രിവൻ്റീവ് ഓഫീസർ പി.വി.രജിത്ത് തുടങ്ങിയവർ സംസാരിച്ചു.ചടങ്ങിൽ ഇൻഷ ഫാത്തിമ പ്രാർത്ഥന ഗാനം ആലപിക്കുകയും ലഹരിവിരുദ്ധ സത്യപ്രതിജ്ഞ ചൊല്ലിക്കൊടുക്കുകയും ചെയ്തു.റസിഡന്റ്സ് അസോസിയേഷൻ ഭാരവാഹികളും കുടുംബാംഗങ്ങളും ചടങ്ങിൽ സജീവമായി പങ്കെടുത്തു.
വയനാട്ജില്ലയിൽ ഓറഞ്ച് അലർട്ട് വിനോദസഞ്ചാര കേന്ദ്രങ്ങൾ- ക്വാറികൾ- മണ്ണ് നീക്കം ചെയ്യൽ പ്രവർത്തികൾക്ക് നിയന്ത്രണം
കേന്ദ്ര കാലാവസ്ഥ വകുപ്പ് ജില്ലയിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ ദുരന്ത സാധ്യത മേഖലകളിലെ ഹോംസ്റ്റേകൾ, ടൂറിസ്റ്റ് കേന്ദ്രങ്ങൾ, സാഹസിക വിനോദ സഞ്ചാര കേന്ദ്രങ്ങൾ,ട്രക്കിങ് പ്രവർത്തനങ്ങൾ നിർത്തിവെക്കാൻ ജില്ലാ ദുരന്ത നിവാരണ അതോറിറ്റി ചെയർപേഴ്സൺ കൂടിയായ ജില്ലാ കളക്ടർ വി ചെൽസാസിനി ഉത്തരവിട്ടു. ജില്ലയിലെ മുഴുവൻ ക്വാറികൾ, യന്ത്ര സഹായത്തോടെയുള്ള മണ്ണ് നീക്കം ചെയ്യൽ പ്രവർത്തികൾ ഇനിയൊരു ഉത്തരവ് വരെ നിർത്തി വെയ്ക്കും. ദുർബല പ്രദേശങ്ങളിൽ നിന്നും ആളുകളെ മാറ്റിപ്പാർപ്പിക്കേണ്ട സാഹചര്യമുണ്ടെങ്കിൽ അതത് ഗ്രാമപഞ്ചായത്ത് സെക്രട്ടറിമാർ ആവശ്യമായ നടപടി സ്വീകരിക്കണം. ടൗൺഷിപ്പിൽ മണ്ണൊലിപ്പ് ഭീഷണിയുള്ള പ്രദേശങ്ങളിലെ ആളുകളെ മാറ്റി താമസിപ്പിക്കേണ്ട സാഹചര്യം ഉണ്ടായാൽ കൽപ്പറ്റ നഗരസഭ സെക്രട്ടറി, വില്ലേജ് ഓഫീസർ, ടൗൺഷിപ്പ് ചീഫ് ഓപ്പറേറ്റിങ് ഓഫീസർ എന്നിവർ സംയുക്തമായി നടപടി സ്വീകരിക്കാൻ ജില്ലാ കളക്ടർ ഉത്തരവിട്ടു. ആനക്കാംപൊയിൽ-കള്ളാടി തുരങ്ക പാത നിർമ്മാണ പ്രദേശത്തും മുണ്ടക്കൈ- ചൂരൽമല ദുരന്തബാധിത പ്രദേശത്തും ഉരുൾപൊട്ടൽ ഭീഷണി നിലനിൽക്കുന്ന ദുർബല പ്രദേശങ്ങളിലെയും ആളുകളെ മാറ്റി താമസിപ്പിക്കേണ്ട ആവശ്യമുണ്ടെങ്കിൽ മേപ്പാടി ഗ്രാമപഞ്ചായത്ത് സെക്രട്ടറി നടപടി സ്വീകരിക്കണം. ഉത്തരവ് ലംഘിക്കുന്നവർക്കെതിരെ ദുരന്ത നിവാരണ നിയമം 2005 സെക്ഷൻ 51 (ബി) പ്രകാരം ശിക്ഷാ നടപടികൾ സ്വീകരിക്കുമെന്നും ജില്ലാ കളക്ടർ അറിയിച്ചു.
എൻ ഊര് ഇന്ന് തുറന്നു പ്രവർത്തിക്കില്ല
ജില്ലയിൽ ഓറഞ്ച് അലർട്ട് പ്രഖ്യാപിച്ച സാഹചര്യത്തിൽ നാളെ (ഒക്ടോബർ 18) എൻ ഊര് ഗോത്ര പൈതൃക ഗ്രാമം സന്ദർശകർക്കായി തുറന്നു പ്രവർത്തിക്കില്ലെന്ന് അധികൃതർ അറിയിച്ചു.
ടൗണ്‍ഷിപ്പ്: രണ്ടാംഘട്ടത്തിലെ 149 വീടുകള്‍ പൂര്‍ത്തിയാവുന്നു
മുണ്ടക്കൈ-ചൂരല്‍മല ദുരന്ത അതിജീവിതര്‍ക്കായുള്ള ടൗണ്‍ഷിപ്പിലെ രണ്ടാംഘട്ട നിര്‍മ്മാണത്തില്‍ 149 വീടുകള്‍ പൂര്‍ത്തിയാവുന്നു. വീടുകളുടെ നിര്‍മ്മാണം പൂര്‍ത്തിയാകുന്നതോടെ ദുരന്ത ബാധിത കുടുംബങ്ങള്‍ക്ക് സുരക്ഷിത താമസ സൗകര്യം ഉറപ്പാക്കുകയാണ് സര്‍ക്കാര്‍. ആദ്യഘട്ടത്തില്‍ 178 വീടുകളാണ് ഗുണഭോക്താക്കള്‍ക്കായി കൈമാറിയത്. എല്ലാം നഷ്ടമായവര്‍ക്ക് സ്വന്തമായി വീട്, സമ്പൂര്‍ണ ജീവിതസാഹചര്യങ്ങള്‍ ഒരുക്കുകയാണ് ടൗണ്‍ഷിപ്പിലൂടെ. ദ്രുതഗതിയില്‍ നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്ന അങ്കണവാടി, ആരോഗ്യ കേന്ദ്രം, മാര്‍ക്കറ്റ്, പൊതുശുചിമുറി, റോഡ് എന്നിവ ഡിസംബറോടെ ടൗണ്‍ഷിപ്പില്‍ സജ്ജമാക്കും. കുട്ടികളുടെ പരിചരണം, ആരോഗ്യസംരക്ഷണം, ദൈനംദിന ആവശ്യങ്ങള്‍ എന്നിവയ്ക്ക് ആവശ്യമായ സൗകര്യങ്ങള്‍ ഒരുങ്ങുന്നതോടെ ടൗണ്‍ഷിപ്പ് കൂടുതല്‍ ജനസൗഹൃദമാകും. പരിസ്ഥിതി സൗഹൃദ വികസനം ലക്ഷ്യമാക്കി ഗുണഭോക്താക്കള്‍ക്ക് കൈമാറിയ എല്ലാ വീടുകളിലും ഉത്പാദിപ്പിക്കുന്ന മാലിന്യങ്ങള്‍ വേര്‍തിരിച്ച് സംസ്‌കരിക്കാന്‍ ത്രീ-ലെയര്‍ ബയോ കമ്പോസ്റ്റ് ബിന്നുകള്‍ നല്‍കിയിട്ടുണ്ട്. ഓരോ വീടിനും രണ്ട് കിലോവാട്ട് ശേഷിയുള്ള നെറ്റ് മീറ്ററിങ് സംവിധാനത്തില്‍ പ്രവര്‍ത്തിക്കുന്ന റൂഫ്ടോപ്പ് സൗരോര്‍ജ പ്ലാന്റ് ജില്ലയിലെ റസിഡന്‍ഷ്യല്‍ സൗരോര്‍ജ കൂട്ടായ്മകളിലൊന്നായി ടൗണ്‍ഷിപ്പിനെ മാറ്റി. പൊതുസൗകര്യങ്ങള്‍ക്കായുള്ള അധിക സൗരോര്‍ജ സംവിധാനം വൈദ്യുതി ഗ്രിഡിനെ ആശ്രയിക്കുന്നത് കുറയ്ക്കാന്‍ സഹായിക്കും. ആദ്യഘട്ടത്തിലെ 178 വീടുകളും രണ്ടാംഘട്ടത്തില്‍ പൂര്‍ത്തിയാവുന്ന 149 വീടുകളും കൈമാറുന്നതോടെ 327 കുടുംബങ്ങള്‍ക്ക് സുരക്ഷിത ഇടം ഒരുക്കി ദുരന്ത പുന:രധിവാസത്തിന് മാതൃകയാവുകയാണ് ടൗണ്‍ഷിപ്പ്.
CWSA 15 -ാമത് ജില്ലാ കൺവെൻഷൻ സ്വാഗത സംഘം രൂപീകരിച്ചു
കൽപ്പറ്റ :കൺസ്ട്രക്ഷൻ വർക്കേഴ്സ് സൂപ്രവൈസേർസ് അസോസിയേഷൻ 15ാം മത് വയനാട് ജില്ലാ കൺവെൻഷൻ സ്വാഗത സംഘം രൂപീകരിച്ചു. ചെയർമാനായി അഹമ്മദ്കുട്ടി മേപ്പാടി, കൺവീനറായി റോബിൻസൺ ആന്റണി ചുണ്ടേൽ എന്നിവരെ ചുമതലപ്പെടുത്തി. കൺവെൻഷനും കുടുംബ സംഗമവും മേപ്പാടി എംഎസ്‌ ഓഡിറ്റേറിയത്തിൽ ഒക്ടോബർ -26 ന് രാവിലെ 9 മണിക്ക് കൊടിയേറ്റം തുടർന്ന് പ്രതിനിധി സമ്മേളനവും ഉച്ചയ്ക്ക് ശേഷം കുടുംബ സംഗമവും ആശ്വാസ് പദ്ധതി ഉദ്ഘാടനവും 4 മണിക്ക് പ്രകടനവും നടത്തുന്നതായിരിക്കും. പ്രതിനിധി സമ്മേളനം കൃഷി മന്ത്രി ടി.സിദ്ധിഖ് ഉദ്ഘാടനം ചെയ്യും. കുടുംബ സംഗമം ജില്ലാ പഞ്ചായത്ത് പ്രസിഡന്റ ചന്ദ്രികാ കൃഷ്ണൻ ഉദ്ഘാടനം ചെയ്യും. സംസ്ഥാന ജില്ലാ നേതാക്കൾ പങ്കെടുക്കും. കൺവെൻഷൻ വിജയത്തിനായി 51 പേരുടെ സ്വാഗത സംഘം രൂപീകരിച്ചു. ജില്ലാ പ്രസിഡന്റ് കെ ആർ രാജേഷ്, ജില്ലാ സെക്രടറി സോജൻ പിസി, ട്രഷറർ നിഷാന്ത്, സംസ്ഥാന കമ്മിറ്റി അംഗം ഹൈദ്രു , ടെക്നിക്കൽ എഞ്ചിനീയർ അനൂപ് കുമാർ എന്നിവർ സംസാരിച്ചു
പവർ ബ്രിഗേഡ് റോഡ് സുരക്ഷാ അംഗങ്ങൾ കലക്ടർക്ക് നിവേദനം നൽകി
കൽപ്പറ്റ : എസ് കെ എം ജെ ഹയർസെക്കൻഡറി സ്കൂൾ പവർ ബ്രിഗേഡ് റോഡ് സുരക്ഷാ അംഗങ്ങൾ, ദേശീയപാതയോരത്ത് കൈവരിയോട് കൂടിയ നടപ്പാത നിർമ്മിക്കണമെന്ന് ആവശ്യപ്പെട്ട് വയനാട് ജില്ലാ കലക്ടർ വി.ചെൽസ സിനിക്ക് നിവേദനം നൽകി. ഹയർസെക്കൻഡറി വിഭാഗത്തിന് മുൻവശത്തുള്ള റോഡരികിൽ നിലവിൽ നടക്കാനുള്ള സൗകര്യം ഇല്ല എന്നത് മുൻനിർത്തിയാണ് വിദ്യാർത്ഥികൾ കലക്ടർക്ക് നിവേദനം നൽകിയത്. വാഹനങ്ങൾ നിരനിരയായി നിർത്തിയിട്ടിരിക്കുന്നതിനാൽ വിദ്യാർത്ഥികൾക്കും കാൽനടയാത്രക്കാർക്കും ടാർ റോഡിലേക്ക് കയറി മാത്രമേ യാത്ര ചെയ്യാൻ നിലവിൽ സൗകര്യമുള്ളൂ. കൈവരിയോട് കൂടിയ നടപ്പാത നിർമ്മിച്ചാൽ കാൽനടയാത്രക്കാർക്ക് സുഗമമായി സഞ്ചരിക്കാനുള്ള സാഹചര്യം ഉണ്ടാകും.ദിയ. പി.ബിനോയ്, അവന്തിക.യു, അർച്ചന ജെ എസ് ശ്രീലക്ഷ്മി ടി. എസ് എന്നീ വിദ്യാർത്ഥികളാണ് കലക്ടർക്ക് നിവേദനം നൽകിയത്. പവർബ്രിഗേഡ് കോ ഓർഡിനേറ്റർ ഷാജി.കെ, ജോയിൻറ് കോ ഓർഡിനേറ്റർ ആതിര.വി, കരിയർ ഗൈഡ് പ്രസാദ് കെ എന്നിവർ നേതൃത്വം നൽകി.
ഡിജിറ്റൽ സ്ക്വയർ പദ്ധതി ഉദ്ഘാടനം ചെയ്തു.
വൈത്തിരി: എച്ച്.ഐ.എം .യു.പി സ്കൂളിൽ സംസ്ഥാന സർക്കാറിൻ്റെ നൂറുദിന കർമ്മ പദ്ധതിയിൽ ഉൾപ്പെടുത്തി നടത്തുന്ന "ഡിജിറ്റൽ സ്ക്വയർ " പദ്ധതി പി.ടി.എ പ്രസിഡണ്ട് പി.ഇ.ഷംസുദ്ദീൻ്റെ അധ്യക്ഷതയിൽ വാർഡ് മെംബർ രഞ്ജിത. ആർ ഉദ്ഘാടനം ചെയ്തു.പ്രധാനാധ്യാപിക സിസ്റ്റർ ജിജി സെബാസ്റ്റ്യൻ, അബ്‌ദുൾ സലാം മാഷ്, സന്തോഷ് കുമാർ, ഷീജ.വി.എൻ, ജമാൽ, അഭിലാഷ്, വിജേഷ്, സുബിന ,അലിഫ്ന,സജ്ന, ഷാഹിദ ടീച്ചർ, ധന്യ ജോണി, ജസ്ന, ഷഹാന എന്നിവർ സംസാരിച്ചു.
കോളേരി ജി.എച്ച്.എസ്.എസിൽ ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു
ലോക ഭക്ഷ്യദിനത്തോടനുബന്ധിച്ച് പൊതുവിദ്യാഭ്യാസ വകുപ്പ് കരിയർ ഗൈഡൻസ് ആൻഡ് അഡോളസന്റ് കൗൺസിലിംഗ് സെല്ലിന്റെ 'പവർ ബ്രിഗേഡ്' പദ്ധതിയുടെ ഭാഗമായി കോളേരി ഗവൺമെന്റ് ഹയർ സെക്കൻഡറി സ്കൂളിൽ ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു. "വിശപ്പടയാളങ്ങൾ:- വിശപ്പ് സ്വപ്നങ്ങളോടാവട്ടെ, ലഹരിയോടല്ല" എന്ന സന്ദേശത്തിൽ സംഘടിപ്പിച്ച സെമിനാർ എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി. സജിത്ത്കുമാർ അച്ചൂരാനം ഉദ്ഘാടനം ചെയ്യുകയും മുഖ്യവിഷയാവതരണം നടത്തുകയും ചെയ്തു.വയറിന്റെ വിശപ്പടക്കാൻ ആഹാരം അനിവാര്യമായിരിക്കുന്നതുപോലെ,മനസ്സിന്റേയും ഭാവിയുടേയും വിശപ്പ് ലക്ഷ്യങ്ങളോടും സ്വപ്നങ്ങളോടും ആകണമെന്നും, ഒരിക്കലും ലഹരിയോടാകരുതെന്നും അദ്ദേഹം ഓർമ്മിപ്പിച്ചു. കൗമാരപ്രായക്കാരിൽ വർധിച്ചുവരുന്ന ലഹരി ഉപയോഗ പ്രവണതകൾക്കെതിരെ ശക്തമായ പ്രതിരോധം തീർക്കുക, വിദ്യാർത്ഥികളിൽ ആരോഗ്യകരമായ ജീവിതശൈലിയും ലക്ഷ്യബോധവും വളർത്തിയെടുക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിച്ചത്. ലഹരിവസ്തുക്കൾ വ്യക്തിജീവിതത്തിലും കുടുംബത്തിലും സമൂഹത്തിലും ഉണ്ടാക്കുന്ന ഗുരുതര വിപത്തുകളെക്കുറിച്ചും, തെറ്റായ വഴികളിൽ നിന്ന് സ്വപ്നങ്ങളുടെ ഉയരങ്ങളിലേക്ക് ചിറകടിച്ചുയരേണ്ടതിന്റെ പ്രാധാന്യത്തെക്കുറിച്ചും അദ്ദേഹം ക്ലാസ്സിൽ വിശദീകരിച്ചു.സ്കൂൾ പ്രിൻസിപ്പൾ ബി. ബിനേഷ് അദ്ധ്യക്ഷത വഹിച്ച ചടങ്ങിൽ പവർ ബ്രിഗേഡ് കോർഡിനേറ്റർ സുധ കെ.രാജൻ, പവർ ബ്രിഗേഡ് ജോയിന്റ് കോർഡിനേറ്റർ സി.കെ. നിത്യ,എൻ.എസ്.എസ്. പ്രോഗ്രാം ഓഫീസർ വി.എസ്.അമൃത,മനോജ് ജോൺ എന്നിവർ ആശംസകൾ നേർന്നു. വിദ്യാലയത്തിലെ പവർ ബ്രിഗേഡ് അംഗങ്ങളും അധ്യാപകരും വിദ്യാർത്ഥികളും പരിപാടിയിൽ സജീവമായി പങ്കെടുത്തു. ലഹരിക്കെതിരെ നിരന്തരം ജാഗ്രത പുലർത്തുമെന്നും കൂട്ടുകാരിലേക്ക് ലഹരിവിരുദ്ധ സന്ദേശം പകർന്നുനൽകുമെന്നും വിദ്യാർത്ഥികൾ പ്രതിജ്ഞയെടുത്തു.പവർ ബ്രിഗേഡ് ലീഡർ പാർവ്വതി സുനിൽ സ്വാഗതവും എൻ.എസ്.എസ് വൊണ്ടിയർ ലീഡർ തപൻ ദീപ് നന്ദിയും രേഖപ്പെടുത്തി.
ലോക കൈ കഴുകൽ ദിനം ആചരിച്ചു
കൽപ്പറ്റ:കൽപ്പറ്റ എസ് കെ എം ജെ ഹയർ സെക്കൻഡറി സ്കൂളിലെ പവർബ്രിഗേഡ് അംഗങ്ങൾ ലോക കൈകഴുകൽ ദിനം ആചരിച്ചു. സേഫ്റ്റി ബ്രിഗേഡ് അംഗങ്ങൾ കൈ കഴുകലിന്റെ പ്രാധാന്യത്തെക്കുറിച്ച് വിദ്യാർത്ഥികൾക്ക് ബോധവൽക്കരണം നടത്തി. വിദ്യാർത്ഥികൾക്ക് കൈകഴുകാൻ ആവശ്യമായ സോപ്പ് ലായനി വിതരണം ചെയ്തു. പവർ ബ്രിഗേഡ് സ്കൂൾ കോ ഓർഡിനേറ്റർ ഷാജി.കെ,ജോയിൻറ് കോ ഓർഡിനേറ്റർ ആതിര.വി , അധ്യാപകനായ ഫെബിൻ സനിൽ എന്നിവർ നേതൃത്വം നൽകി.
ലഹരിക്കെതിരെ ജാഗ്രതയുണർത്തി കുടുംബശ്രീ; കൽപ്പറ്റയിൽ ഏകദിന പരിശീലനം സംഘടിപ്പിച്ചു
കൽപ്പറ്റ: സമൂഹത്തിൽ വർദ്ധിച്ചുവരുന്ന ലഹരി വിപത്തിനെതിരെ ശക്തമായ പ്രതിരോധം തീർക്കാൻ കുടുംബശ്രീ പ്രവർത്തകർ മുന്നിട്ടിറങ്ങണമെന്ന് ആഹ്വാനം.കുടുംബശ്രീ വയനാട് ജില്ലാ മിഷൻ ജെൻഡർ വികസന വിഭാഗവും കൽപ്പറ്റ നഗരസഭാ സി.ഡി.എസും സംയുക്തമായി ജി.പി.പി മാർക്കായി സംഘടിപ്പിച്ച ഏകദിന പരിശീലന പരിപാടിയിലാണ് ലഹരി വിരുദ്ധ സന്ദേശം മുഖ്യവിഷയമായത്.പരിപാടിയിൽ എക്സൈസ് വിമുക്തി മിഷൻ വയനാട് ജില്ലാ കോഡിനേറ്റർ എൻ.സി.സജിത്ത്കുമാർ അച്ചൂരാനം ലഹരി വിരുദ്ധ സെമിനാർ "*മാതൃസ്പർശം; ലഹരിക്കെതിരെ സ്നേഹത്തിന്റെ പ്രതിരോധം"*അവതരിപ്പിച്ച്അമ്മമാർക്കായി ലഹരി വിരുദ്ധ സന്ദേശം നൽകി. ലഹരിയുടെ കാണാപ്പുറങ്ങളെക്കുറിച്ചും പുതുതലമുറയെ ഇതിൽനിന്ന് സംരക്ഷിക്കേണ്ടതിന്റെ ആവശ്യകതയെക്കുറിച്ചും, കുടുംബശ്രീ പ്രവർത്തകർക്ക് ഓരോ വീടുകളിലും സമൂഹത്തിലും ലഹരിക്കെതിരെ എങ്ങനെ ശക്തമായ കാവലാളാകാമെന്നും അദ്ദേഹം വിശദീകരിച്ചു.പരിശീലന പരിപാടി കൽപ്പറ്റ നഗരസഭാ ചെയർമാൻ പി. വിശ്വനാഥൻ ഉദ്ഘാടനം ചെയ്തു.സി.ഡി.എസ്. ചെയർപേഴ്സൺ സഫിയ അസീസ് ചടങ്ങിൽ അദ്ധ്യക്ഷത വഹിച്ചു.ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശശിധരൻ മാസ്റ്റർ, പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ ടി.വി. വർഗ്ഗീസ്,ജെൻഡർ പ്രോഗ്രാം മാനേജർ ആശ പോൾ,നാടൻപാട്ട് കലാകാരൻ പി.ടി. മാത്യൂസ് എന്നിവർ ആശംസകൾ അർപ്പിച്ചു സംസാരിച്ചു.നഗരസഭ മെമ്പർ സെക്രട്ടറി സി.എസ്.ബിജു സ്വാഗതവും സി.ഡി.എസ്. വൈസ് ചെയർപേഴ്സൺ ബീന രതീഷ് നന്ദിയും രേഖപ്പെടുത്തി.
കൽപ്പറ്റ എൻ.എസ്.എസ്.ഹയർ സെക്കൻഡറി സ്കൂളിൽ 'പ്രഭ' ലഹരിവിരുദ്ധ സെമിനാർ സംഘടിപ്പിച്ചു
കൽപ്പറ്റ:കൽപ്പറ്റ എൻ.എസ്.എസ്.ഹയർ സെക്കൻഡറി സ്കൂളിലെ ഒന്നാം വർഷ എൻ.എസ്.എസ്. വൊളണ്ടിയർമാർക്കായി എക്സൈസ് വിമുക്തി മിഷന്റെ നേതൃത്വത്തിൽ ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു. "പ്രഭ – ഇരുളിൽ നിന്ന് വെളിച്ചത്തിലേക്ക്" എന്ന പേരിൽ സംഘടിപ്പിച്ച സെമിനാർ എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം ഉദ്ഘാടനം ചെയ്യുകയും ക്ലാസ് നയിക്കുകയും ചെയ്തു. യുവതലമുറ ലഹരിയുടെ കാണാപ്പുറങ്ങളിലേക്ക് വഴിതെറ്റിപ്പോകാതിരിക്കാൻ നിരന്തര ജാഗ്രതയും സാമൂഹിക പ്രതിബദ്ധതയും അനിവാര്യമാണെന്ന് അദ്ദേഹം ഓർമ്മിപ്പിച്ചു.ചടങ്ങിൽ എൻ.എസ്.എസ്. പ്രോഗ്രാം ഓഫീസർ അനിജ കെ.പോൾ അധ്യക്ഷത വഹിച്ചു. എൻ.എസ്.എസ്. വൊളണ്ടിയർ ലീഡർ വി.അനുനന്ദ സ്വാഗതം ആശംസിച്ചു. അധ്യാപകരായ പി.വി.സിന്ദു,സി.എൽ.ഷർമിള,എ.വി.സന്ദീപ് എന്നിവർ ആശംസകൾ അർപ്പിച്ചു സംസാരിച്ചു.വിദ്യാർത്ഥി പ്രതിനിധിയും വളണ്ടിയറുമായ ഹംന ഫാത്തിമ ചടങ്ങിന് നന്ദി രേഖപ്പെടുത്തി. ക്യാമ്പസുകളിലും പൊതുസമൂഹത്തിലും ലഹരിക്കെതിരെയുള്ള പോരാട്ടം ശക്തമാക്കുമെന്ന പ്രതിജ്ഞയോടെയാണ് സെമിനാർ സമാപിച്ചത്.
പത്മശ്രീ ചെറുവയൽ രാമേട്ടന്റെ നിര്യാണത്തിൽ മടക്കിമല മെഡിക്കൽ കോളേജ് ആക്ഷൻ കൗൺസിൽ അനുശോചനം രേഖപ്പെടുത്തി.
വയറുവേദനയെ തുടർന്ന് മാനന്തവാടി വയനാട് മെഡിക്കൽ കോളേജിൽ ചികിത്സ തേടിയ രാമേട്ടനെ മാനന്തവാടി സർക്കാർ മെഡിക്കൽ കോളേജിലെ ചികിത്സയുടെ ലഭ്യത കുറവ് കാരണം കൽപ്പറ്റയിലെ സ്വകാര്യ ഹോസ്പിറ്റലിലേക്ക് പ്രവേശിപ്പിക്കേണ്ടി വരികയും തുടർന്ന് കോഴിക്കോട് മെഡിക്കൽ കോളേജ് ഹോസ്പിറ്റലിലേക്ക് പ്രവേശിപ്പിച്ച നടപടിയിൽ മടക്കമല മെഡിക്കൽ കോളേജ് ആക്ഷൻ കമ്മിറ്റി പ്രതിഷേധം രേഖപ്പെടുത്തി. ദാനമായി ലഭിച്ച മടക്കിമല ഭൂമിയിൽസർക്കാർ മെഡിക്കൽ കോളേജ് നിർമ്മാണം ആരംഭിക്കണമെന്ന് ആക്ഷൻ കൗൺസിൽ ആവശ്യപ്പെട്ടു... അനുശോചന യോഗത്തിൽ മടക്കിമല മെഡിക്കൽ കോളേജ് ആക്ഷൻ കമ്മറ്റി ചെയർമാൻ ഇ.പി ഫിലിപ്പ് കുട്ടി,കൺവീനർ മൊയ്തു കാവുങ്ങൽ, വൈസ് ചെയർമാൻ ലത്തീഫ് പഞ്ചാര, ശാന്തി ചേനംമ്പാടി, വർക്കിംഗ് കൺവീനർ ഇക്ബാൽ മുട്ടിൽ,രാമചന്ദ്രൻ തെക്കേപ്പറ്റ,ഖാലിദ് പി ,റഫീഖ് കുമ്മാളി , ഹംസക്കുട്ടി അമ്പലപുറം, മൊയ്തീൻ കുട്ടി കണ്ണൻ തൊടി , അലവിക്കുട്ടി പി എം കൽപ്പറ്റ, ശശീന്ദ്രൻ പി.കെ, ഷാജി പോൾ കൽപ്പറ്റ തുടങ്ങിയവർ പങ്കെടുത്തു
നെടുമ്പാശേരി വാഹനാപകടം: ദേവികയുടെ വീട്ടില്‍ കൃഷിമന്ത്രി ടി സിദ്ദിഖ് സന്ദര്‍ശനം നടത്തി
പ്രതികളെ സഹായിക്കുന്ന ആരെയും സംരക്ഷിക്കില്ലെന്ന് കൃഷിമന്ത്രികല്‍പ്പറ്റ: നെടുമ്പാശേരി വിമാനത്താവള റോഡില്‍ ഉണ്ടായ വാഹനാപകടത്തില്‍ മരിച്ച മടക്കിമല സ്വദേശിനി ദേവികയുടെ വീട്ടില്‍ കൃഷിമന്ത്രി ടി സിദ്ദിഖ് സന്ദര്‍ശനം നടത്തി. അപകടത്തില്‍ മരിച്ച കര്‍ണാടക സ്വദേശിയായ യുവാവിന്റെ പിതാവും ബന്ധുക്കളും മന്ത്രിയെ കാണാന്‍ ദേവികയുടെ വീട്ടിലെത്തിയിരുന്നു. എല്ലാവരുമായി ആശയവിനിമയം നടത്തിയ മന്ത്രി സര്‍ക്കാര്‍ കുടുംബങ്ങളോടൊപ്പം ഉണ്ടാകുമെന്ന് അവര്‍ക്ക് ഉറപ്പുനല്‍കി. നീതിപൂര്‍വകമായ അന്വേഷണം ഉള്‍പ്പെടെ നിരവധി ആവശ്യങ്ങള്‍ അടങ്ങിയ നിവേദനം കുടുംബാംഗങ്ങള്‍ മന്ത്രിക്ക് സമര്‍പ്പിച്ചു. വിഷയങ്ങള്‍ ഗൗരവമായി മുഖ്യമന്ത്രിയുടെയും മറ്റ് വകുപ്പ് മന്ത്രിമാരുടെയും ശ്രദ്ധയില്‍പ്പെടുത്തുമെന്ന് മന്ത്രി സിദ്ദീഖ് പറഞ്ഞു. പ്രതികളെ സഹായിക്കുന്ന ആരെയും സംരക്ഷിക്കില്ലെന്ന് സന്ദര്‍ശനത്തിന് ശേഷം മന്ത്രി മാധ്യമപ്രവര്‍ത്തകരോട് പറഞ്ഞു. കുടുംബത്തിന് സഹായം ഉള്‍പ്പെടെ നല്‍കുന്ന കാര്യം പരിഗണനയിലാണെന്നും അദ്ദേഹം പറഞ്ഞു. വാഹനാപകടത്തില്‍ മരിച്ച മൂന്ന് പേരുടേയും കുടുംബത്തിന് സര്‍ക്കാര്‍ നീതി ലഭ്യമാക്കും. സ്പെഷല്‍ പ്രോസിക്യൂട്ടറെ നിയമിക്കുമെന്നും എല്ലാവിധ നിയമസഹായങ്ങളും ചെയ്യുമെന്നും അദ്ദേഹം പറഞ്ഞു. കുടുംബത്തിന്റെ ആധിയും പ്രയാസങ്ങളും പരാതികളും കേള്‍ക്കുന്നതിനും പരിഹാരം കാണുന്നതിനുമായി ഉദ്യോഗസ്ഥയായ നിശാന്തിനി ഐ പി എസിനെ ചുമതലപ്പെടുത്തി കഴിഞ്ഞു. പ്രതിയെ സഹായിക്കുന്ന ആരെങ്കിലുമുണ്ടെങ്കില്‍ അവര്‍ ഈ സിസ്റ്റത്തില്‍ തന്നെയുണ്ടാവില്ലെന്നും മന്ത്രി കൂട്ടിച്ചേര്‍ത്തു. ഏറെനേരം കുടുംബാംഗങ്ങളോടും ബന്ധുക്കളോടൊപ്പം ഒപ്പം ചിലവഴിച്ചശേഷം രാത്രിയോ ഏഴുമണിയോടെയാണ് മന്ത്രി ദേവികയുടെ മടക്കിമലയിലെ വീട്ടില്‍ നിന്ന് മടങ്ങിയത്.ക്യാപ്ഷന്‍നെടുമ്പാശേരി വാഹനാപകടത്തില്‍ മരിച്ച ദേവികയുടെ വീട്ടിലെത്തിയ കൃഷിമന്ത്രി ടി സിദ്ദിഖ് കുടുംബാംഗങ്ങളുമായി സംസാരിക്കുന്നു
ബസും ലോറിയും കൂട്ടിയിടിച്ചു
കർണാടക ഹുൻസൂരിൽ ബസും ലോറിയും കൂട്ടിയിടിച്ചു.അപകടത്തിൽ നാല് പേർ മരിച്ചു.നിരവധി പേർക്ക് പരിക്ക്. ഇന്ന് പുലർച്ചെയാണ് കോഴിക്കോട് നിന്നും ബാംഗ്ലൂരിലേക്ക് പോവുകയായിരുന്ന ബസും ലോറിയും തമ്മിൽ കൂട്ടിയിടിച്ചത്.
പന്തിപ്പൊയിലിൽ വൻ മയക്കുമരുന്ന് വേട്ട; പ്രതിക്കായി തിരച്ചിൽ
പടിഞ്ഞാറത്തറ: പന്തിപ്പൊയിൽ നരിപ്പാറയിൽ എക്സൈസ് നടത്തിയ പരിശോധനയിൽ ഏകദേശം 30 ലക്ഷം രൂപ വിപണിവില കണക്കാക്കുന്ന മയക്കു മരുന്നുകൾ പിടികൂടി. ഐക്കാരൻ വീട്ടിൽ സുബൈർ എ.കെ. (36) എന്നയാ ളുടെ വീട്ടിൽ നിന്നാണ് 323 ഗ്രാം ഹാഷിഷ് ഓയിലും 1.362 ഗ്രാം മെത്താം ഫെറ്റാമിനുമാണ് പിടിച്ചെടുത്തത്.കൽപ്പറ്റ എക്സൈസ് സർക്കിൾ ഇൻസ്പെ ക്ടർ ഷറഫുദ്ദീൻ ടി.യുടെ നേതൃത്വത്തിൽ രഹസ്യവിവരത്തിൻ്റെ അടിസ്ഥാന ത്തിൽ പുലർച്ചെ നടത്തിയ പരിശോധനയിലാണ് മയക്കുമരുന്നുകൾ കണ്ടെ ത്തിയത്. വീട്ടിലെ അലമാരയിൽ 190 പ്ലാസ്റ്റിക് കുപ്പികളിലായി സൂക്ഷിച്ച നിലയിലായിരുന്നു ഹാഷിഷ് ഓയിൽ കണ്ടെത്തിയത്. വയനാട്ടിലും മറ്റ് പ്രദേ ശങ്ങളിലും ഹാഷിഷ് ഓയിലിൻ്റെ മൊത്തവിതരണം നടത്തുന്നയാളാണ് സുബൈർ എ.കെ. എന്നാണ് എക്സൈസ് നൽകുന്ന വിവരം. ഇയാളെ കണ്ട ത്തുന്നതിനായി അന്വേഷണം ഊർജിതമാക്കിയിട്ടുണ്ട്. പിടിച്ചെടുത്ത മയക്കു മരുന്നുകളുടെ ഉറവിടം കണ്ടെത്തുന്നതിനും വിതരണ ശൃംഖലയെക്കുറിച്ച് കൂടുതൽ അന്വേഷണം നടത്തുമെന്നും എക്സൈസ് അറിയിച്ചു.പരിശോ ധനയിൽ എക്സൈസ് ഇൻസ്പെക്ടർ സെൻഫീർ മുഹമ്മദ്, സിവിൽ എക് സൈസ് ഓഫീസർമാരായ ശശികുമാർ പി.എൻ,അരുൺ പി.ഡി, റഷീദ്.കെ, മുനീറ എന്നിവർ പങ്കെടുത്തു.
