general
അടുത്ത വർഷം പൊതു അവധി ദിനങ്ങളുടെ എണ്ണം 21, പുറമെ എല്ലാ രണ്ടാം ശനിയാഴ്ചകളും ഞായറാഴ്ചകളും സര്‍ക്കാര്‍ ഓഫീസുകള്‍ക്ക് അവധി
2027ലെ കേരളത്തിലെ പൊതു അവധി ദിനങ്ങള്‍ സംസ്ഥാന സര്‍ക്കാര്‍ പ്രഖ്യാപിച്ചു. ഒക്ടോബര്‍ 18ന് പ്രസിദ്ധീകരിച്ച കേരള ഗസറ്റിലാണ് അവധി ദിനങ്ങള്‍ സംബന്ധിച്ച വിജ്ഞാപനമുള്ളത്. റിപ്പബ്ലിക് ദിനം, വിഷു, ഈസ്റ്റര്‍, ബക്രീദ്, ഓണം, ക്രിസ്മസ് തുടങ്ങി 21 ദിവസങ്ങളാണ് പട്ടികയില്‍ പൊതു അവധികളായി ഉള്‍പ്പെടുത്തിയിരിക്കുന്നത്. ഇതിന് പുറമെ എല്ലാ ഞായറാഴ്ചകളും മാസത്തിലെ രണ്ടാം ശനിയാഴ്ചകളും സര്‍ക്കാര്‍ ഓഫീസുകള്‍ക്ക് അവധിയായിരിക്കും.ജനുവരി രണ്ടിന് മന്നം ജയന്തിയോടെയാണ് 2027ലെ പൊതു അവധി ദിനങ്ങള്‍ ആരംഭിക്കുന്നത്. മാര്‍ച്ചില്‍ മഹാശിവരാത്രി, റംസാന്‍, പെസഹ വ്യാഴം, ദുഃഖവെള്ളി തുടങ്ങിയ അവധി ദിനങ്ങളുണ്ട്. ഏപ്രിലില്‍ അംബേദ്കര്‍ ജയന്തിയും വിഷുവും മെയില്‍ മെയ് ദിനവും ബക്രീദും അവധികളാണ്. ഓണം സെപ്റ്റംബറിലാണ്. മൂന്നാം ഓണം സെപ്റ്റംബര്‍ 13നും നാലാം ഓണം സെപ്റ്റംബര്‍ 14നും ശ്രീനാരായണ ഗുരു ജയന്തി സെപ്റ്റംബര്‍ 15നുമാണ്. സെപ്റ്റംബര്‍ 22ന് ശ്രീനാരായണ ഗുരു സമാധി ദിനവും അവധിയായിരിക്കും.ഒക്ടോബര്‍ രണ്ടിന് ഗാന്ധി ജയന്തിയും ഒക്ടോബര്‍ 28ന് ദീപാവലിയും ഡിസംബര്‍ 25ന് ക്രിസ്മസും പൊതു അവധി ദിനങ്ങളാണ്. റംസാന്‍, ബക്രീദ്, മുഹറം എന്നീ അവധി ദിനങ്ങള്‍ ചന്ദ്രദര്‍ശനത്തിന് അനുസരിച്ച് മാറാന്‍ സാധ്യതയുണ്ടെന്ന് വിജ്ഞാപനത്തില്‍ വ്യക്തമാക്കിയിട്ടുണ്ട്.2027ലെ കേരളത്തിലെ പൊതു അവധി ദിനങ്ങള്‍മന്നം ജയന്തി – ജനുവരി 2 ശനിറിപ്പബ്ലിക് ദിനം – ജനുവരി 26 ചൊവ്വമഹാശിവരാത്രി – മാര്‍ച്ച് 6 ശനിഇദുല്‍ ഫിത്തര്‍ (റംസാന്‍) – മാര്‍ച്ച് 10 ബുധന്‍പെസഹ വ്യാഴം – മാര്‍ച്ച് 25 വ്യാഴംദുഃഖവെള്ളി – മാര്‍ച്ച് 26 വെള്ളിADVERTISINGഡോ. ബി.ആര്‍. അംബേദ്കര്‍ ജയന്തി – ഏപ്രില്‍ 14 ബുധന്‍വിഷു – ഏപ്രില്‍ 15 വ്യാഴംമെയ് ദിനം – മെയ് 1 ശനിഇദുല്‍ അദ്ഹ (ബക്രീദ്) – മെയ് 17 തിങ്കള്‍മുഹറം – ജൂണ്‍ 15 ചൊവ്വകര്‍ക്കടക വാവ് – ഓഗസ്റ്റ് 2 തിങ്കള്‍ശ്രീകൃഷ്ണ ജയന്തി – ഓഗസ്റ്റ് 24 ചൊവ്വഅയ്യങ്കാളി ജയന്തി| ഓഗസ്റ്റ് 28 ശനിമൂന്നാം ഓണം – സെപ്റ്റംബര്‍ 13 തിങ്കള്‍നാലാം ഓണം – സെപ്റ്റംബര്‍ 14 ചൊവ്വശ്രീനാരായണ ഗുരു ജയന്തി – സെപ്റ്റംബര്‍ 15 ബുധന്‍ശ്രീനാരായണ ഗുരു സമാധി സെപ്റ്റംബര്‍ 22 ബുധന്‍ഗാന്ധി ജയന്തി – ഒക്ടോബര്‍ 2 ശനിദീപാവലി – ഒക്ടോബര്‍ 28 വ്യാഴംക്രിസ്മസ് – ഡിസംബര്‍ 25 ശനി
സമാധാന കരാറില്‍ അമേരിക്കയും ഇറാനും നേര്‍ക്കുനേര്‍; ഉപാധികള്‍ അംഗീകരിക്കാതെ ഹോര്‍മൂസ് തുറക്കില്ലെന്ന് ഇറാന്‍
ഇറാനുമായി സമാധാന കരാറില്‍ ഏര്‍പ്പെടുന്നത് വളരെ പ്രയാസകരമാണെന്ന് യുഎസ് സ്റ്റേറ്റ് സെക്രട്ടറി മാര്‍ക്കോ റൂബിയോ. ഹോര്‍മൂസില്‍ വാണിജ്യ കപ്പലുകള്‍ക്ക് നേരെയുള്ള ആക്രമണം ഇറാന്‍ അവസാനിപ്പിക്കുന്നത് വരെ സാമ്പത്തിക ഉപരോധം തുടരുമെന്നും അദ്ദേഹം പറഞ്ഞു. അതേസമയം അമേരിക്ക തങ്ങളുടെ ഉപാധികള്‍ അംഗീകരിക്കുന്നത് വരെ ഹോര്‍മൂസ് കടലിടുക്ക് അടഞ്ഞ് കിടക്കും എന്ന് ഇറാന്‍ വിദേശകാര്യ മന്ത്രി അബ്ബാസ് അരാഗ്ചിയും പ്രതികരിച്ചു. എന്നാല്‍ പാകിസ്ഥാന്റെയും ഖത്തറിന്റെയും മധ്യസ്ഥതയില്‍ ചര്‍ച്ചകള്‍ നടന്നു വരികയാണെന്നും അദ്ദേഹം സ്ഥിരീകരിച്ചു.ചര്‍ച്ചകള്‍ക്ക് മുമ്പായി അമേരിക്ക എല്ലാ സാമ്പത്തിക ഉപരോധങ്ങളും ഭീഷണികളും നീക്കം ചെയ്യണമെന്ന് ഇറാന്‍ പ്രസിഡന്റ് മസൂദ് പെസെഷ്‌കിയാന്‍ പറഞ്ഞു. തങ്ങള്‍ക്ക് അമേരിക്കയെ വിശ്വാസമില്ലെന്നും അദ്ദേഹം കൂട്ടിച്ചേര്‍ത്തു. തങ്ങള്‍ ഇറാനെതിരായ അടുത്ത ഘട്ട സൈനിക നടപടികള്‍ക്ക് സജ്ജമാണെന്നായിരുന്നു യുഎസ് പ്രതിരോധ സെക്രട്ടറി പീറ്റ് ഹെഗ്‌സെത്തിന്റെ മുന്നറിയിപ്പ്. ഇറാന്‍ ആണവായുധം നിര്‍മ്മിക്കുന്നില്ല എന്ന് തങ്ങള്‍ക്ക് ഉറപ്പ് വരുത്തണെമന്നാണ് അദ്ദേഹം പ്രതികരിച്ചത്.
സമുദ്രത്തിനടിയിലെ ആശയവിനിമയ കേബിളുകള്‍ ലക്ഷ്യം; ആഗോള ഇന്റര്‍നെറ്റ് സംവിധാനം തകര്‍ക്കുമെന്ന് ഇറാന്റെ മുന്നറിയിപ്പ്
പ്രാദേശിക സുരക്ഷയ്ക്ക് വെല്ലുവിളിയുണ്ടായാല്‍ സമുദ്രത്തിനടിയിലൂടെ കടന്നുപോകുന്ന ആശയവിനിമയ കേബിളുകള്‍ ലക്ഷ്യമിടുമെന്ന് ഇറാൻ.ഇതിലൂടെ ആഗോള ഇന്റർനെറ്റ് സംവിധാനത്തെ തകർക്കുമെന്നാണ് ഇറാന്റെ ഇസ്‌ലാമിക് റെവല്യൂഷണറി ഗാർഡ് കോർപ്‌സിന്റെ (ഐആർജിസി) ഭീഷണി. അതേസമയം, ഇറാനെതിരായ യുദ്ധത്തില്‍ ഇടപെടാതിരുന്ന റഷ്യയോട് നന്ദി അറിയിച്ച്‌ അമേരിക്കൻ പ്രസിഡന്റ് ഡോണള്‍ഡ് ട്രംപ് രംഗത്തെത്തി. അമേരിക്ക സാമ്പത്തികമായും സൈനികമായും ഇറാനെ നേരിടുകയാണെന്നും റഷ്യയുടെ നിലപാട് സ്വാഗതാർഹമാണെന്നും ട്രംപ് പറഞ്ഞു.അതിനിടെ, യെമനില്‍ ഹൂതികളുടെ ആക്രമണത്തില്‍ കൊല്ലപ്പെട്ടവരുടെ എണ്ണം 58 ആയി ഉയർന്നു. സൈനിക പരിശീലന കേന്ദ്രത്തിന് നേരെയുണ്ടായ ആക്രമണത്തില്‍ 200 പേർക്ക് പരിക്കേറ്റതായാണ് റിപ്പോർട്ട്. പരിശീലന ക്യാമ്പിലേക്ക് ഹൂതികള്‍ മൂന്ന് ബാലിസ്റ്റിക് മിസൈലുകള്‍ തൊടുത്തതായും വിവരമുണ്ട്. യെമൻ തീരത്ത് ആയുധങ്ങളുമായി എത്തിയ കപ്പല്‍ പിടിച്ചെടുത്തതായി സൗദി സഖ്യസേന അറിയിച്ചു. രാജ്യത്തെ ഊർജസമ്പന്നമായ ഷബ്വ പ്രവിശ്യയില്‍ സ്ഥിതിചെയ്യുന്ന ബല്‍ഹാഫ് ദ്രവീകൃത പ്രകൃതിവാതക കേന്ദ്രത്തിന് നേരെയും ആക്രമണമുണ്ടായതായി റിപ്പോർട്ടുകളുണ്ട്.അതേസമയം, തായ്സ് ഗവർണറേറ്റിലെ ഹൂതി കേന്ദ്രങ്ങള്‍ക്ക് നേരെ യെമൻ സൈന്യം വ്യോമാക്രമണം നടത്തിയിരുന്നു. വിവിധ മേഖലകളിലായി കഴിഞ്ഞ ദിവസങ്ങളില്‍ നടന്ന ആക്രമണങ്ങളില്‍ 129 ഹൂതി വിമതർ കൊല്ലപ്പെടുകയും 176 പേർക്ക് പരിക്കേല്‍ക്കുകയും ചെയ്തതായാണ് വിവരം. ഇതിനിടെ, ഇറാനെതിരായ അമേരിക്കയുടെയും ഇസ്രയേലിന്റെയും ആക്രമണങ്ങളെ ചൈനീസ് പ്രധാനമന്ത്രി ലി ക്വിയാങ് അപലപിച്ചു. സമാധാന ചർച്ചകള്‍ നടക്കുന്നതിനിടെയാണ് ആക്രമണങ്ങളുണ്ടായതെന്നും ഐക്യരാഷ്ട്രസഭയുടെ സുരക്ഷാ കൗണ്‍സിലുമായി കൂടിയാലോചിക്കാതെയാണ് നടപടികളുണ്ടായതെന്നും അദ്ദേഹം വിമർശിച്ചു.
ട്രെയിനിൽ ഉച്ചത്തിലുള്ള ഫോൺവിളിക്കും പാട്ടിനും പൂട്ട്; 1000 രൂപ പിഴ, ആവർത്തിച്ചാൽ 6 മാസം തടവോ 5000 രൂപ പിഴയോ!
ട്രെയിൻ യാത്രയ്ക്കിടെ സ്പീക്കറിലിട്ട് പാട്ട് കേൾക്കുകയോ ഉച്ചത്തിൽ ഫോണിൽ സംസാരിക്കുകയോ ചെയ്യുന്ന ശീലമുണ്ടോ? എങ്കിൽ ശ്രദ്ധിക്കണം. സഹയാത്രികർക്ക് ബുദ്ധിമുട്ടുണ്ടാക്കുന്ന ഇത്തരം പ്രവൃത്തികൾക്കെതിരെ നടപടി കർശനമാക്കുകയാണ് ദക്ഷിണ റെയിൽവേ. ട്രെയിനുകളിലും റെയിൽവേ സ്റ്റേഷനുകളിലും ഉച്ചത്തിൽ പാട്ടുകളും വീഡിയോകളും പ്ലേ ചെയ്യുന്നതും മറ്റുള്ളവർക്ക് ശല്യമാകുന്ന തരത്തിൽ സംസാരിക്കുന്നതും ഇനി പിഴയ്ക്ക് കാരണമാകാം. ഇതുസംബന്ധിച്ച് ദക്ഷിണ റെയിൽവേ ഡിവിഷനുകൾക്ക് നിർദേശം നൽകിയിട്ടുണ്ട്. യാത്രക്കാരെ ബോധവത്കരിക്കുന്നതിനായി ട്രെയിനുകളിലും സ്റ്റേഷനുകളിലും പ്രാദേശിക ഭാഷകൾ, ഹിന്ദി, ഇംഗ്ലീഷ് എന്നിവയിൽ അറിയിപ്പുകൾ നൽകാനും നോട്ടീസുകൾ പ്രദർശിപ്പിക്കാനും നിർദേശിച്ചിട്ടുണ്ട്. റെയിൽവേ നിയമത്തിലെ 145-ാം വകുപ്പുമായി ബന്ധപ്പെട്ട വ്യവസ്ഥകൾ പ്രകാരം യാത്രക്കാർക്ക് ശല്യമുണ്ടാക്കുന്ന പ്രവൃത്തികൾക്കെതിരെ നടപടിയെടുക്കാം. നിയമലംഘനത്തിന് 1000 രൂപ വരെ പിഴയും മറ്റ് നടപടികളും നേരിടേണ്ടിവരാം. ശല്യമുണ്ടാക്കുന്ന യാത്രക്കാരെ ട്രെയിനിൽനിന്നോ റെയിൽവേ പരിസരത്തുനിന്നോ നീക്കാനും ടിക്കറ്റോ പാസോ റദ്ദാക്കാനും വ്യവസ്ഥയുണ്ട്. റെയിൽവേ ജീവനക്കാരന്റെ നിർദേശം ലഭിച്ചിട്ടും ശല്യം തുടരുകയാണെങ്കിൽ ആറുമാസം വരെ തടവോ 5000 രൂപ വരെ പിഴയോ രണ്ടും കൂടിയോ ലഭിക്കാം. മൊബൈൽ ഫോണിൽ പാട്ട് കേൾക്കുന്നതും വീഡിയോകൾ കാണുന്നതും നിരോധിക്കുകയല്ല ലക്ഷ്യം. മറിച്ച്, മറ്റുള്ളവർക്ക് ബുദ്ധിമുട്ടുണ്ടാക്കാത്ത രീതിയിൽ ഉപയോഗിക്കണമെന്നാണ് റെയിൽവേയുടെ നിർദേശം. പാട്ടുകളും വീഡിയോകളും കേൾക്കാൻ ഇയർഫോൺ ഉപയോഗിക്കണമെന്നും ഫോൺവിളികൾക്കിടെ ശബ്ദം നിയന്ത്രിക്കണമെന്നും യാത്രക്കാരോട് ആവശ്യപ്പെട്ടിട്ടുണ്ട്. ട്രെയിനിൽ ദീർഘനേരം ഉച്ചത്തിൽ സംസാരിക്കുന്നതും റിങ്ടോണുകൾ ഉയർന്ന ശബ്ദത്തിൽ മുഴങ്ങുന്നതും സഹയാത്രികരുടെ യാത്രാസുഖത്തെ ബാധിക്കാറുണ്ട്. ഇത്തരം പരാതികൾ പരിഗണിച്ചാണ് ബോധവത്കരണവും നിയമനടപടികളും ശക്തമാക്കുന്നത്. സഹയാത്രികരുടെ സൗകര്യവും യാത്രയിലെ സമാധാനവും ഉറപ്പാക്കുക എന്നതാണ് നടപടിയുടെ ലക്ഷ്യം. അതിനാൽ ട്രെയിനിൽ പാട്ട് കേൾക്കുമ്പോഴും വീഡിയോകൾ കാണുമ്പോഴും ഇയർഫോൺ ഉപയോഗിക്കാനും ഫോണിൽ സംസാരിക്കുമ്പോൾ ശബ്ദം നിയന്ത്രിക്കാനും ശ്രദ്ധിക്കുക.
സൗദി യാത്രയിൽ മരുന്നുകൾ കൊണ്ടുപോകുന്നോ? മരുന്നുകൾ കൊണ്ടുവരുമ്പോൾ ഡോക്ടറുടെ കുറിപ്പടി എപ്പോഴും കൈയിൽ കരുതണം:പ്രവാസികൾ അറിയേണ്ട സുപ്രധാന വിവരങ്ങൾ
സൗദി അറേബ്യയിലേക്ക് യാത്ര ചെയ്യുമ്പോൾ മരുന്നുകൾ കൊണ്ടുപോകുന്നതിൽ കർശന ജാഗ്രത വേണമെന്ന് അധികൃതരുടെ നിരന്തര മുന്നറിയിപ്പ്. ജിദ്ദ എയർപോർട്ടിൽ മലയാളി നഴ്സിനുണ്ടായ ദുരനുഭവം ഉൾപ്പെടെയുള്ള സംഭവങ്ങൾ വലിയ ആശങ്കയ്ക്ക് ഇടയാക്കിയ പശ്ചാത്തലത്തിൽ, പ്രവാസികൾ നിർബന്ധമായും അറിഞ്ഞിരിക്കേണ്ട കാര്യങ്ങൾ പരിശോധിക്കാം.മരുന്നുകൾ കൊണ്ടുപോകുന്നവർ എന്തൊക്കെ ശ്രദ്ധിക്കണം?1. ഡോക്ടറുടെ കുറിപ്പടി നിർബന്ധം: മരുന്നുകൾ കൊണ്ടുവരുമ്പോൾ ഡോക്ടറുടെ കുറിപ്പടി എപ്പോഴും കൈയിൽ കരുതണം. എന്നാൽ കുറിപ്പടിയുണ്ടെന്ന് കരുതി എല്ലാ മരുന്നുകളും സൗദിയിലേക്ക് കൊണ്ടുവരാൻ സാധിക്കില്ല. ചില മരുന്നുകൾക്ക് പ്രത്യേക അനുമതി ആവശ്യമാണ്.""2. നിരോധിച്ചതും നിയന്ത്രിതവുമായ മരുന്നുകൾ: നിരോധിച്ച മരുന്നുകൾ ഒരു കാരണവശാലും കൊണ്ടുവരാൻ പാടില്ല. നിയന്ത്രണമുള്ള മരുന്നുകളാണെങ്കിൽ സൗദി ഫുഡ് ആന്റ് ഡ്രഗ് അതോറിറ്റിയുടെ അനുമതിയും ആവശ്യമായ രേഖകളും വേണം. നാട്ടിൽ സാധാരണയായി ഉപയോഗിക്കുന്ന ചില ചുമമരുന്നുകളിൽ പോലും 'കോഡീൻ' അടങ്ങിയിട്ടുണ്ടാകാം. ഇത്തരം മരുന്നുകൾ സൗദി എയർപോർട്ടിൽ വലിയ പരിശോധനയ്ക്കും നിയമനടപടികൾക്കും കാരണമാവാം.1. പ്രത്യേക ശ്രദ്ധ വേണ്ട മരുന്നുകൾ: നമ്മൾ കഴിക്കാറുള്ള അൽപ്രസൊലം, ക്ലോണസെപാം, ഡയസെപാം, ട്രമഡോൾ തുടങ്ങിയ മരുന്നുകൾ കൊണ്ടുവരുന്നതിന് മുമ്പ് കടുത്ത മുൻകരുതൽ ഉറപ്പാക്കണം. സാധാരണയായി ഒരു മാസത്തേക്കുള്ള മരുന്നുകൾ മാത്രമേ കൊണ്ടുവരാവൂ എന്നാണ് നിർദേശം. കൂടാതെ, മരുന്നുകൾ കമ്പനി നൽകിയ യഥാർഥ പാക്കറ്റിൽ തന്നെ സൂക്ഷിക്കണം." "4. വെബ്സൈറ്റ് വഴി മുൻകൂർ അനുമതി തേടാം: മരുന്നുകൾ കൊണ്ടുവരുന്നതിന് മുമ്പ് സൗദി ഫുഡ് ആന്റ് ഡ്രഗ് അതോറിറ്റിയുടെ cds.sfda.gov.sa എന്ന വെബ്സൈറ്റിൽ വിവരങ്ങൾ പരിശോധിക്കാം. ആവശ്യമായ മുൻകൂർ അനുമതിയും ഈ വെബ്സൈറ്റ് വഴി അപേക്ഷിക്കാവുന്നതാണ്. മരുന്നുമായി ബന്ധപ്പെട്ട ഡോക്ടറുടെ കുറിപ്പടിയും മറ്റ് രേഖകളും ആറുമാസത്തിൽ കൂടുതൽ പഴക്കമുള്ളതാകരുത്.1. പാഴ്സലുകളും മറ്റുള്ളവരുടെ ബാഗുകളും സൂക്ഷിക്കുക: മറ്റൊരാൾക്കുവേണ്ടിയാണ് മരുന്ന് കൊണ്ടുവരു ന്നതെങ്കിലും ആവശ്യമായ രേഖകളു അനുമതികളും ഉണ്ടെന്ന്ഉറപ്പാക്കണം. മറ്റുള്ളവർ നൽകുന്ന പാഴ്സലുകളബാഗുക ളോ ഉള്ളടക്കം പരിശോധി ക്കാതെ ഒരിക്കലും വിമാന യാത്രയ്ക്കകൊണ്ടു പോകരുത്.സൗദി എയർപോർട്ടുകളിൽ നിരോധിതവും നിയന്ത്രിതവുമായ മരുന്നുകൾ കണ്ടെത്താൻ കർശന പരിശോധനകളാണ് ഉള്ളത്. നിയമം ലംഘിച്ചാൽ കടുത്ത ശിക്ഷകളാണ് പ്രവാസികളെ കാത്തിരിക്കുന്നത്. ഇന്ത്യൻ എംബസിയും കോൺസുലേറ്റും ഉൾപ്പെടെയുള്ള അധികൃതർ നിരന്തരം മുന്നറിയിപ്പ് നൽകുന്നുണ്ടെങ്കിലും, വേണ്ടത്ര വിവരമില്ലാതെ മരുന്നുകളുടെ പേരിൽ പ്രവാസികളും തീർഥാടകരും വിമാനത്താവളങ്ങളിൽ കുടുങ്ങുന്ന വാർത്തകൾ ആവർത്തിക്കുകയാണ്. യാത്രയ്ക്കും മുമ്പ് നിയമങ്ങൾ കൃത്യമായി പാലിക്കുക.
വാട്‌സ് ആപ്പ് കോളില്‍ ചേരാന്‍ ഇനി അക്കൗണ്ട് ആവശ്യമില്ല; ഗസ്റ്റ് കോളിംഗ് ഫീച്ചര്‍ എത്തിയിട്ടുണ്ട്
വീഡിയോ കോള്‍ ചെയ്യാന്‍ ശ്രമിക്കുമ്പോള്‍ മറുവശത്തുള്ളയാള്‍ക്ക് വാട്സ്ആപ്പ് അക്കൗണ്ട് ഇല്ലാത്തതുകൊണ്ട് ബുദ്ധിമുട്ട് നേരിട്ടിട്ടുണ്ടോ?. ഓണ്‍ലൈന്‍ മീറ്റിങ്ങുകള്‍, പഠനവുമായി ബന്ധപ്പെട്ട ചര്‍ച്ചകള്‍, സുഹൃത്തുക്കളുമായുള്ള സംഭാഷണങ്ങള്‍ എന്നിവയ്ക്കിടെ ഇത്തരം സാഹചര്യം ഉണ്ടാകാറുണ്ട്. എന്നാല്‍ ഇനി ഈ പ്രശ്നത്തിന് ഒരു പരിഹാരമുണ്ട്. വാട്സ്ആപ്പ് അവതരിപ്പിച്ചിരിക്കുന്ന പുതിയ ഗസ്റ്റ് കോളിങ് ഫീച്ചര്‍ ഉപയോഗിച്ച് അക്കൗണ്ട് ഇല്ലാത്തവരെയും വോയ്സ്, വീഡിയോ കോളുകളിലേക്ക് ക്ഷണിക്കാം.കോളില്‍ ചേരാന്‍ ക്ഷണിക്കപ്പെടുന്നയാള്‍ക്ക് വാട്സ്ആപ്പ് അക്കൗണ്ട് ഉണ്ടാകണമെന്നില്ല. ആപ്പ് ഇന്‍സ്റ്റാള്‍ ചെയ്യാതെ തന്നെ കമ്പ്യൂട്ടറിലെ വെബ് ബ്രൗസറിലൂടെ കോളില്‍ പ്രവേശിക്കാനാകും. ഇതോടെ വിവിധ ആവശ്യങ്ങള്‍ക്കായി ഓണ്‍ലൈന്‍ കോളുകള്‍ സംഘടിപ്പിക്കുന്നത് കൂടുതല്‍ എളുപ്പമാകും. Guest calling feature to join WhatsApp എന്താണ് ഗസ്റ്റ് കോളിങ് ഫീച്ചര്‍?വാട്സ്ആപ്പ് അക്കൗണ്ടുള്ള ഒരാള്‍ക്ക് ഒരു കോള്‍ ലിങ്ക് തയ്യാറാക്കി മറ്റുള്ളവരുമായി പങ്കുവയ്ക്കാം. ഈ ലിങ്ക് ലഭിക്കുന്നവര്‍ക്ക് വാട്സ്ആപ്പ് അക്കൗണ്ട് ഇല്ലെങ്കിലും കോളില്‍ ചേരാന്‍ അപേക്ഷിക്കാം. എന്നാല്‍ കോളിന്റെ നിയന്ത്രണം ലിങ്ക് തയ്യാറാക്കിയ വ്യക്തിക്കായിരിക്കും.ഗസ്റ്റ് ആയി എത്തുന്നവര്‍ക്ക് കോളില്‍ പ്രവേശിക്കുന്നതിന് മുമ്പ് അവരുടെ പേര് നല്‍കേണ്ടിവരും. തുടര്‍ന്ന് ഹോസ്റ്റിന്റെ അനുമതിക്കായി കാത്തിരിക്കണം. ഹോസ്റ്റ് അനുമതി നല്‍കിയാല്‍ മാത്രമേ കോളില്‍ പ്രവേശിക്കാനാകൂ. ആവശ്യമായ സാഹചര്യങ്ങളില്‍ ഗസ്റ്റിനെ കോളില്‍നിന്ന് പുറത്താക്കാനും ഹോസ്റ്റിന് സാധിക്കും.
പെട്രോൾ, ഡീസൽ കമ്പനികൾക്ക് 'ചെക്ക്' വച്ച് കേന്ദ്രം! വിൻഡ്‌ഫോൾ നികുതി പുതുക്കി, സാധാരണക്കാരെ ബാധിക്കുമോ?
ഇന്ധന കയറ്റുമതിക്കുള്ള വിൻഡ്‌ഫോൾ നികുതി നിരക്കുകൾ പുതുക്കി നിശ്ചയിച്ച് കേന്ദ്ര സർക്കാർ. പെട്രോൾ കയറ്റുമതിക്കുള്ള നികുതി അഞ്ചിരട്ടി വർദ്ധിപ്പിച്ച് ലിറ്ററിന് 50 പൈസയിൽ നിന്ന് 2.50 രൂപയാക്കിയിരിക്കുകയാണ്. അതേ സമയം, ഡീസലിന്റെ കയറ്റുമതി ഡ്യൂട്ടിയിൽ ലിറ്ററിന് 7.50 രൂപയുടെ കാര്യമായ കുറവ് വരുത്തി 16 രൂപയിൽ നിന്ന് 8.50 രൂപയായി കുറച്ചിട്ടുണ്ട്. ധനമന്ത്രാലയം പുറത്തിറക്കിയ ഉത്തരവ് പ്രകാരം പുതുക്കിയ നിരക്കുകൾ ഒക്ടോബർ 16 മുതൽ പ്രാബല്യത്തിൽ വന്നു. അതേ സമയം, രാജ്യത്തിനുള്ളിലെ സാധാരണക്കാർക്ക് വിൽക്കുന്ന പെട്രോൾ, ഡീസൽ ചില്ലറ വിൽപ്പന നിരക്കുകളിൽ യാതൊരു മാറ്റവും ഉണ്ടാകില്ല.അന്താരാഷ്ട്ര വിപണിയിൽ ക്രൂഡ് ഓയിൽ, പെട്രോളിയം ഉൽപ്പന്നങ്ങൾ എന്നിവയുടെ വിലയിലുണ്ടാകുന്ന വ്യതിയാനങ്ങൾക്കനുസരിച്ചാണ് വിൻഡ്‌ഫോൾ നികുതി നിരക്കുകൾ സാധാരണയായി ക്രമീകരിക്കുന്നത്. രാജ്യാന്തര തലത്തിൽ ഊർജ്ജ വില ഉയർന്നു നിൽക്കുമ്പോൾ ആഭ്യന്തര ശുദ്ധീകരണ കമ്പനികൾ വിദേശത്തേക്ക് ഇന്ധനം കയറ്റി അയച്ച് കൂടുതൽ ലാഭമുണ്ടാക്കുന്നത് തടയാനാണ് 2022 ജൂലൈയിൽ ഇന്ത്യ ആദ്യമായി വിൻഡ്‌ഫോൾ നികുതി ഏർപ്പെടുത്തിയത്.പിന്നീട് ഇത് പിൻവലിച്ചെങ്കിലും, യുഎസ്- ഇസ്രായേൽ- ഇറാൻ സംഘർഷങ്ങളെത്തുടർന്ന് ആഗോളതലത്തിൽ ക്രൂഡ് ഓയിൽ വില കുതിച്ചുയർന്ന സാഹചര്യത്തിൽ 2026 മാർച്ചിൽ സർക്കാർ നികുതി പുനഃസ്ഥാപിക്കുകയായിരുന്നു. ഓരോ രണ്ടാഴ്ച കൂടുമ്പോഴുമാണ് ഇന്ധന കയറ്റുമതി തീരുവകൾ പുനഃപരിശോധിച്ച് നിശ്ചയിക്കുന്നത്. പെട്രോളിന് നികുതി വർദ്ധിപ്പിക്കുകയും ഡീസലിന് നികുതി കുറയ്ക്കുകയും ചെയ്തതിന്റെ കൃത്യമായ കാരണം കേന്ദ്രം വ്യക്തമാക്കിയിട്ടില്ല.
സുപ്രധാന അറിയിപ്പുമായി എയർ ഇന്ത്യ; സൗദിയിലേക്കുള്ള എല്ലാ സർവീസുകളും താത്കാലികമായി നിർത്തി; ഹൂതി ആക്രമണം കാരണം
ഹൂതി വിമതരുടെ അതിരൂക്ഷ ആക്രമണം നേരിടുന്ന സാഹചര്യത്തിൽ സൗദി അറേബ്യയിലേക്കുള്ള എല്ലാ വിമാനസർവീസുകളും ഒക്ടോബർ 20 വരെ നിർത്തിവച്ചതായി എയർ ഇന്ത്യ അറിയിച്ചു. റിയാദ്, ദമ്മാം, ജിദ്ദ എന്നിവിടങ്ങളിലേക്കും തിരിച്ചുമുള്ള വിമാന സർവീസുകളാണ് നിർത്തിവെച്ചിരിക്കുന്നത്. സൗദി അറേബ്യയിലെ വിമാനത്താവളങ്ങൾക്ക് നേരെ നടന്ന ആക്രമണങ്ങളെ അന്താരാഷ്ട്ര സിവിൽ ഏവിയേഷൻ ഓർഗനൈസേഷൻ കൗൺസിൽ അപലപിച്ചിരുന്നു. സുരക്ഷാ മുൻകരുതലെന്നോണമാണ് സർവീസുകൾ നിർത്തിവച്ചത്.രാജ്യത്തെ നിലവിലെ സാഹചര്യങ്ങൾ സൂക്ഷ്മമായി നിരീക്ഷിച്ചു വരികയാണെന്നും, സർവീസുകൾ സുരക്ഷിതമായി പുനരാരംഭിക്കാൻ കഴിയുന്ന സാഹചര്യം വിലയിരുത്തി വരികയാണെന്നും എയർ ഇന്ത്യ എക്സിൽ പങ്കുവെച്ച പ്രസ്താവനയിൽ വ്യക്തമാക്കി. സർവീസുകൾ റദ്ദാക്കിയത് മൂലം ബുദ്ധിമുട്ടിലായ യാത്രക്കാർക്ക് ടിക്കറ്റ് തുക മുഴുവനായും റീഫണ്ട് നൽകും. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് പ്രഥമ പരിഗണനയെന്നും എയർ ഇന്ത്യ വ്യക്തമാക്കി.
വിമാനങ്ങളില്ലാത്തതിനാല്‍ സൗദിയിലേക്ക് മടങ്ങാന്‍ കഴിയാത്ത ഇന്ത്യക്കാര്‍ക്ക് ആശ്വാസം; വിസ കാലാവധി കഴിഞ്ഞവര്‍ക്ക് പിഴയില്ലാതെ തിരികെയെത്താം
വിമാനങ്ങള്‍ ലഭ്യമല്ലാത്തത് കാരണം വിസ കാലാവധി കഴിഞ്ഞ ഇന്ത്യക്കാര്‍ക്ക് യാതൊരുവിധ പിഴയും ഇല്ലാതെ സൗദി അറേബ്യയില്‍ നിന്ന് മടങ്ങാന്‍ അധികൃതര്‍ അനുവാദം നല്‍കി. ഇന്ത്യന്‍ എംബസിയാണ് ഇക്കാര്യം അറിയിച്ചത്. രാജ്യത്തെ നിലവിലെ പശ്ചാത്തലത്തില്‍ ഇന്ത്യന്‍ പൗരന്മാര്‍ അതീവ ജാഗ്രത പാലിക്കണമെന്ന് ഇന്ത്യന്‍ എംബസി കര്‍ശന നിര്‍ദ്ദേശം പുറപ്പെടുവിച്ചു.വിമാനത്താവളങ്ങളുടെ പ്രവര്‍ത്തനവും വിമാന സര്‍വീസുകളും താളം തെറ്റിയത് മൂലം സൗദിയില്‍ കുടുങ്ങിയ നിരവധി ഇന്ത്യക്കാരുണ്ട്. സന്ദര്‍ശക വിസയിലും, ടൂറിസ്റ്റ് വിസയിലും, ഉംറ വിസയിലും, ബിസിനസ് വിസയിലുമൊക്കെ സൗദിയിലെത്തിയ ഇവരില്‍ പലരുടെയും വിസാ കാലാവധി ഇതിനകം തീര്‍ന്നു. ഇങ്ങിനെയുള്ളവര്‍ക്ക് ഏറെ ആശ്വാസം നല്‍കുന്നതാണ് പുതിയ തീരുമാനം. വിമാനങ്ങള്‍ ലഭ്യമല്ലാത്തത് കാരണം വിസാ കാലാവധി തീര്‍ന്നവര്‍ക്ക് യാതൊരുവിധ പിഴയും ഒടുക്കാതെ രാജ്യം വിടാമെന്ന് സൗദിയിലെ ഇന്ത്യന്‍ എംബസി അറിയിച്ചു. എങ്കിലും വിമാന സര്‍വീസുകള്‍ ലഭ്യമാകുന്ന മുറയ്ക്ക് എത്രയും പെട്ടെന്ന് രാജ്യം വിടേണ്ടതാണ്. നാട്ടിലേക്ക് മടങ്ങാന്‍ ആഗ്രഹിക്കുന്നവര്‍ക്ക് ഖത്തര്‍, ബഹ്‌റൈന്‍ തുടങ്ങിയ അയല്‍രാജ്യങ്ങളിലെ വിമാനത്താവളങ്ങള്‍ വഴി ലഭ്യമാകുന്ന വിമാനങ്ങളും ഉപയോഗപ്പെടുത്താവുന്നതാണ് എന്നും എംബസി ഓര്‍മിപ്പിച്ചു.സൗദിയിലെ നിലവിലെ സാഹചര്യത്തില്‍ രാജ്യത്തുള്ള എല്ലാ ഇന്ത്യന്‍ പൗരന്മാരും അതീവ ജാഗ്രത പാലിക്കണമെന്ന് എംബസി കര്‍ശന നിര്‍ദ്ദേശം നല്‍കി. റിയാദ് വിമാനത്താവള ആക്രമണത്തില്‍ പരിക്കേറ്റ ഇന്ത്യന്‍ പൗരന്മാരില്‍ 4 പേര് തീവ്രപരിചരണ വിഭാഗത്തിലും 4 പേര് സാധാരണ വാര്‍ഡിലും ചികിത്സയിലാണെന്ന് എംബസി അറിയിച്ചു. ആക്രമനങ്ങളുമായി ബന്ധപ്പെട്ട വീഡിയോകളും ചിത്രങ്ങളും പോസ്റ്റ് ചെയ്യുന്നതും പ്രചരിപ്പിക്കുന്നതും ഒഴിവാക്കണമെന്ന് എംബസി നിര്‍ദേശിച്ചു.
വിമാനങ്ങളില്ലാത്തതിനാല്‍ സൗദിയിലേക്ക് മടങ്ങാന്‍ കഴിയാത്ത ഇന്ത്യക്കാര്‍ക്ക് ആശ്വാസം; വിസ കാലാവധി കഴിഞ്ഞവര്‍ക്ക് പിഴയില്ലാതെ തിരികെയെത്താം
വിമാനങ്ങള്‍ ലഭ്യമല്ലാത്തത് കാരണം വിസ കാലാവധി കഴിഞ്ഞ ഇന്ത്യക്കാര്‍ക്ക് യാതൊരുവിധ പിഴയും ഇല്ലാതെ സൗദി അറേബ്യയില്‍ നിന്ന് മടങ്ങാന്‍ അധികൃതര്‍ അനുവാദം നല്‍കി. ഇന്ത്യന്‍ എംബസിയാണ് ഇക്കാര്യം അറിയിച്ചത്. രാജ്യത്തെ നിലവിലെ പശ്ചാത്തലത്തില്‍ ഇന്ത്യന്‍ പൗരന്മാര്‍ അതീവ ജാഗ്രത പാലിക്കണമെന്ന് ഇന്ത്യന്‍ എംബസി കര്‍ശന നിര്‍ദ്ദേശം പുറപ്പെടുവിച്ചു.വിമാനത്താവളങ്ങളുടെ പ്രവര്‍ത്തനവും വിമാന സര്‍വീസുകളും താളം തെറ്റിയത് മൂലം സൗദിയില്‍ കുടുങ്ങിയ നിരവധി ഇന്ത്യക്കാരുണ്ട്. സന്ദര്‍ശക വിസയിലും, ടൂറിസ്റ്റ് വിസയിലും, ഉംറ വിസയിലും, ബിസിനസ് വിസയിലുമൊക്കെ സൗദിയിലെത്തിയ ഇവരില്‍ പലരുടെയും വിസാ കാലാവധി ഇതിനകം തീര്‍ന്നു. ഇങ്ങിനെയുള്ളവര്‍ക്ക് ഏറെ ആശ്വാസം നല്‍കുന്നതാണ് പുതിയ തീരുമാനം. വിമാനങ്ങള്‍ ലഭ്യമല്ലാത്തത് കാരണം വിസാ കാലാവധി തീര്‍ന്നവര്‍ക്ക് യാതൊരുവിധ പിഴയും ഒടുക്കാതെ രാജ്യം വിടാമെന്ന് സൗദിയിലെ ഇന്ത്യന്‍ എംബസി അറിയിച്ചു. എങ്കിലും വിമാന സര്‍വീസുകള്‍ ലഭ്യമാകുന്ന മുറയ്ക്ക് എത്രയും പെട്ടെന്ന് രാജ്യം വിടേണ്ടതാണ്. നാട്ടിലേക്ക് മടങ്ങാന്‍ ആഗ്രഹിക്കുന്നവര്‍ക്ക് ഖത്തര്‍, ബഹ്‌റൈന്‍ തുടങ്ങിയ അയല്‍രാജ്യങ്ങളിലെ വിമാനത്താവളങ്ങള്‍ വഴി ലഭ്യമാകുന്ന വിമാനങ്ങളും ഉപയോഗപ്പെടുത്താവുന്നതാണ് എന്നും എംബസി ഓര്‍മിപ്പിച്ചു.സൗദിയിലെ നിലവിലെ സാഹചര്യത്തില്‍ രാജ്യത്തുള്ള എല്ലാ ഇന്ത്യന്‍ പൗരന്മാരും അതീവ ജാഗ്രത പാലിക്കണമെന്ന് എംബസി കര്‍ശന നിര്‍ദ്ദേശം നല്‍കി. റിയാദ് വിമാനത്താവള ആക്രമണത്തില്‍ പരിക്കേറ്റ ഇന്ത്യന്‍ പൗരന്മാരില്‍ 4 പേര് തീവ്രപരിചരണ വിഭാഗത്തിലും 4 പേര് സാധാരണ വാര്‍ഡിലും ചികിത്സയിലാണെന്ന് എംബസി അറിയിച്ചു. ആക്രമനങ്ങളുമായി ബന്ധപ്പെട്ട വീഡിയോകളും ചിത്രങ്ങളും പോസ്റ്റ് ചെയ്യുന്നതും പ്രചരിപ്പിക്കുന്നതും ഒഴിവാക്കണമെന്ന് എംബസി നിര്‍ദേശിച്ചു.
മെഗാ ക്ലീനിംഗ് ഡ്രൈവിന് തുടക്കമായി
'എന്റെ നാട് എന്റെ ഉത്തരവാദിത്തം, എല്ലാവരും പങ്കാളികളാകുക' എന്ന മുദ്രാവാക്യമുയർത്തി കൈപ്പഞ്ചേരി ഡിവിഷനിലെ സർവജന സ്കൂൾ പരിസരത്ത് നിന്നാണ് ശുചീകരണ പ്രവർത്തനങ്ങൾ ആരംഭിച്ചത്.ക്ലീനിംഗ് ഡ്രൈവിന്റെ ഉദ്ഘാടനം പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ ഷിഫാനത്ത് വി. കെ നിർവഹിച്ചു. സുൽത്താൻ ബത്തേരി ഒരു ക്ലീൻ സിറ്റിയായത് കൊണ്ടാണ് എല്ലാവരും ഇവിടം ഇഷ്ടപ്പെടുന്നതെന്നും, ടൗൺ മാത്രമല്ല നഗരസഭയിലെ എല്ലാ ഡിവിഷനുകളിലും ശുചിത്വ നിലവാരം നിലനിർത്താനുള്ള നിരന്തര ശ്രമത്തിലാണ് സു.ബത്തേരി ഭരണസമിതിയെന്നും അവർ പറഞ്ഞു.ചടങ്ങിൽ വാർഡ് വികസന സമിതി കൺവീനർ പി. സജ്ന സ്വാഗതം ആശംസിച്ചു. സ്കൂൾ പ്രിൻസിപ്പാൾ പി.എ. അബ്ദുൽ നാസർ അധ്യക്ഷത വഹിച്ചു. ഹൈസ്കൂൾ പ്രധാനാധ്യാപിക ബിജി വർഗീസ്, പിടിഎ പ്രസിഡന്റ് എൻ.സി. അനീഷ് എന്നിവർ സംസാരിച്ചു. വി.എച്ച്.എസ്.ഇ. പ്രിൻസിപ്പാൾ ദില്ലിൻ സത്യനാഥ് നന്ദി രേഖപ്പെടുത്തി. എ.ഡി.എസ്. ഭാരവാഹികൾ, തൊഴിലുറപ്പ് തൊഴിലാളികൾ, എൻ.എസ്.എസ്. വളണ്ടിയർമാർ എന്നിവർ ശുചീകരണ പ്രവർത്തനങ്ങൾക്ക് പങ്കാളികളായി
സൗദിയിൽ കാണാതായ മലയാളി നഴ്‌സ് പോലീസ് കസ്റ്റഡിയിൽ; നടപടി നിരോധിത മരുന്നുകൾ കൈവശം വെച്ചതിന്
ജിദ്ദ: അവധിക്ക് നാട്ടിലെത്തി മടങ്ങുന്നതിനിടെ കാണാതായ വയനാട് അയ്യൻകൊല്ലിസ്വദേശിനിയായ മലയാളി നഴ്‌സ് ഫിലോമിന സൗദി അറേബ്യയിലെ ജിദ്ദ പോലീസിന്റെകസ്റ്റഡിയിലാണെന്ന് സ്ഥിരീകരിച്ചു. സൗദിയിൽ നിരോധിച്ച മരുന്നുകൾ കൈവശം വെച്ചതുമായിബന്ധപ്പെട്ട കേസിലാണ് ഇവരെ കസ്റ്റഡിയിലെടുത്തതെന്ന് ജിദ്ദയിലെ ഇന്ത്യൻ കോൺസുലേറ്റ്അറിയിച്ചു.അവധിക്കുശേഷം ജോലിസ്ഥലത്തേക്ക് മടങ്ങു ന്നതിനായി യാത്ര തിരിച്ച ഫിലോമിനയെകഴിഞ്ഞ പത്താം തീയതി മുതലാണ് ബന്ധപ്പെടാൻ കഴിയാതായത്. ജിദ്ദ വിമാനത്താവളത്തിൽഎത്തിയപ്പോഴാണ് അധി കൃതർ ഇവരുടെ പാസ്പോർട്ടും ലഗേജും പിടിച്ചുവെച്ചത്. പിന്നീട്വിവരങ്ങളൊന്നും ലഭിക്കാതായതോടെ കുടുംബം കടുത്ത ആശങ്കയിലായിരുന്നു. ഫിലോമിനയെക്കുറിച്ച് വിവരങ്ങൾ ലഭിക്കാത്തതിനെ തുടർന്ന് ഇന്ത്യൻ കോൺസുലേറ്റ് നടത്തിയ ഇട പെടലുംഅന്വേഷണവുമാണ് ഇവർ പോലീസ് കസ്റ്റഡിയിലാണെന്ന വിവരം പുറത്തു കൊണ്ടുവന്നത്. നിരോധിതമരുന്നുകൾ കൈവശം വെച്ചതുമായി ബന്ധപ്പെട്ട് ഡ്രഗ് ട്രാഫിക്കിംഗ് കേസിലാണ്നടപടിയെന്നാണ് ലഭിക്കുന്ന വിവരം
₹2,000-ന് മുകളിലുള്ള UPI ഇടപാടുകൾക്കുള്ള ചാർജ് നീട്ടിവെച്ചു.
ന്യൂഡൽഹി: ₹2,000-ന് മുകളിലുള്ള നിശ്ചിത UPI വ്യാപാര ഇടപാടുകൾക്ക് ചാർജ് ഏർപ്പെടുത്താനുള്ള തീരുമാനം നീട്ടിവെച്ചു. ഒക്ടോബർ 15 മുതൽ നടപ്പാക്കാനിരുന്ന പുതിയ മർച്ചന്റ് ഡിസ്കൗണ്ട് റേറ്റ് (MDR) സംവിധാനം ദീപാവലിക്ക് ശേഷമായിരിക്കും നടപ്പാക്കുകയെന്ന് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (NPCI) അറിയിച്ചു. പുതുക്കിയ തീയതി പിന്നീട് പ്രഖ്യാപിക്കും.പുതിയ തീരുമാനപ്രകാരം, നിശ്ചിത വിഭാഗങ്ങളിലുള്ള വ്യാപാരികൾക്ക് ലഭിക്കുന്ന ₹2,000-ന് മുകളിലുള്ള UPI പേയ്‌മെന്റുകൾക്ക് 0.4 ശതമാനം MDR ചാർജ് ബാധകമാകും. ഉത്സവകാലത്ത് വ്യാപാര മേഖലയിലുണ്ടാകുന്ന തിരക്കും ഡിജിറ്റൽ ഇടപാടുകളുടെ വർധനയും പരിഗണിച്ചാണ് നടപ്പാക്കൽ നീട്ടിവെച്ചത്.ഈ ചാർജ് നേരിട്ട് ഉപഭോക്താക്കളിൽനിന്ന് ഈടാക്കുന്ന സർക്കാർ നികുതിയല്ല; വ്യാപാരികളുടെ ഇടപാടുകൾക്ക് ബാധകമായ MDR നിരക്കാണ്. വ്യക്തികൾ തമ്മിലുള്ള UPI പണമിടപാടുകൾക്കും നിശ്ചിത പരിധിക്കുള്ളിലുള്ള ഇടപാടുകൾക്കും ഈ ചാർജ് ബാധകമല്ല. വ്യാപാരികൾക്ക് താൽക്കാലിക ആശ്വാസം നൽകുന്നതാണ് പുതിയ തീരുമാനം.ദീപാവലിക്ക് ശേഷം പുതിയ സംവിധാനം നിലവിൽ വരുമെങ്കിലും കൃത്യമായ തീയതി ഇതുവരെ പ്രഖ്യാപിച്ചിട്ടില്ല.
മുതിർന്ന പൗരന്മാരെ ഉപദ്രവിച്ചാൽ മൂന്ന് വർഷം വരെ തടവ്: സമഗ്ര നിയമനിർമ്മാണത്തിനൊരുങ്ങി കേരള സർക്കാർ
മുതിർന്ന പൗരന്മാരുടെ സംരക്ഷണവും ക്ഷേമവും ഉറപ്പാക്കുന്നതിനായി കൂടുതൽ ശക്തമായ വ്യവസ്ഥകൾ ഉൾപ്പെടുത്തി തയ്യാറാക്കിയ 'മുതിർന്ന പൗരന്മാരുടെ സംരക്ഷണവും ക്ഷേമവും (ഭേദഗതി) ബില്ല്' നിയമസഭയുടെ നിലവിലെ സമ്മേളനത്തിൽ സർക്കാർ അവതരിപ്പിക്കും. വയോജനങ്ങൾക്ക് നേരെയുള്ള അതിക്രമങ്ങൾ തടയുന്നതിനും അവരുടെ അവകാശങ്ങൾ സംരക്ഷിക്കുന്നതിനും കടുത്ത ശിക്ഷാനടപടികളാണ് പുതിയ ബില്ലിൽ വ്യവസ്ഥ ചെയ്യുന്നത്.പ്രധാന വ്യവസ്ഥകളും വിവരങ്ങളും മുതിർന്ന പൗരന്മാരെ ശാരീരികമായോ മാനസികമായോ ഉപദ്രവിക്കുക, പരിചരിക്കാതെ ഉപേക്ഷിക്കുക, വീടുകളിൽ നിന്ന് ഇറക്കിവിടുക എന്നിവ 3 വർഷം വരെ തടവുശിക്ഷ ലഭിക്കാവുന്ന കുറ്റകൃത്യമായി മാറും. ഇതിനൊപ്പം സാമ്പത്തിക പിഴയും ഈടാക്കും. മാതാപിതാക്കളുടെയോ മുതിർന്ന പൗരന്മാരുടെയും സ്വത്ത് വ്യാജ രേഖകൾ വഴിയോ ഭീഷണിപ്പെടുത്തിയോ കൈക്കലാക്കാൻ ശ്രമിച്ചാൽ സമാനമായ ശിക്ഷ ലഭിക്കും. സ്വത്ത് കൈമാറിയ ശേഷം പരിചരണം നിഷേധിച്ചാൽ ആ സ്വത്ത് കൈമാറ്റം റദ്ദാക്കാൻ വയോജനങ്ങൾക്ക് ട്രൈബ്യൂണലിനെ സമീപിക്കാവുന്നതാണ്.മുതിർന്ന പൗരന്മാരുടെ പരാതികൾ വേഗത്തിൽ തീർപ്പാക്കുന്നതിനും അവരുടെ സുരക്ഷ ഉറപ്പാക്കുന്നതിനുമായി സംസ്ഥാനത്തെ എല്ലാ പോലീസ് സ്റ്റേഷനുകളിലും പ്രത്യേക ചുമതലയുള്ള സബ് ഇൻസ്പെക്ടർ തലത്തിലുള്ള നോഡൽ ഓഫീസറെ നിയമിക്കും. പരാതികൾ വൈകാതെ തീർപ്പാക്കാൻ വയോജന സംരക്ഷണ ട്രൈബ്യൂണലുകളുടെ പ്രവർത്തനം കൂടുതൽ കാര്യക്ഷമമാക്കും. കേസ് രജിസ്റ്റർ ചെയ്ത് നിശ്ചിത ദിവസങ്ങൾക്കകം തീരുമാനം ഉണ്ടാക്കണമെന്ന് ബില്ലിൽ നിർദ്ദേശമുണ്ട്.മക്കളോ നിയമപരമായ അവകാശികളോ മാതാപിതാക്കൾക്ക് നൽകേണ്ട മാസാന്ത സംരക്ഷണ തുക തടസ്സപ്പെടുത്തിയാൽ ശക്തമായ നിയമനടപടികൾ സ്വീകരിക്കും. മുതിർന്ന പൗരന്മാർക്ക് അന്തസ്സോടെയും ഭയരഹിതമായും ജീവിക്കാനുള്ള അന്തരീക്ഷം സംസ്ഥാനത്ത് ഉറപ്പാക്കുകയാണ് ഈ ഭേദഗതി ബില്ലിലൂടെ സർക്കാർ ലക്ഷ്യമിടുന്നത്.
തെരഞ്ഞെടുപ്പ് കമ്മീഷണർക്കെതിരെ ഹർജി നൽകുമെന്ന് രാഹുൽ ഗാന്ധി; 'ഇത് ഒരു ദിവസത്തെ യുദ്ധമല്ല, ഈ യുദ്ധം എപ്പോൾ അവസാനിക്കുമെന്ന് പറയാനാകില്ല'
മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ നിയമനടപടിക്കൊരുങ്ങുകയാണെന്ന് ലോക്സഭ പ്രതിപക്ഷ നേതാവ് രാഹുൽഗാന്ധി. തെരഞ്ഞെടുപ്പ് കമ്മീഷണർക്കെതിരെ ഹർജി നൽകുമെന്ന് രാഹുൽ ഗാന്ധി പറഞ്ഞു. 5 ക്രിമിനലുകളെ നിയമത്തിന് മുന്നിൽ കൊണ്ടുവരും വരെ പോരാട്ടം തുടരും. മോദി, അമിത്ഷാ, മോഹൻ ഭാഗവത്, ഗ്യാനേഷ് കുമാർ, അജിത് ഡോവൽ എന്നിവരാണ് 5ക്രിമിനലുകൾ. ഇത് ഒരു ദിവസത്തെ യുദ്ധമല്ല, ഈ യുദ്ധം എപ്പോൾ അവസാനിക്കുമെന്ന് പറയാനാകില്ലെന്നും എത്ര കൊല്ലം വേണമെങ്കിലും പോരാടുമെന്നും രാഹുൽ ഗാന്ധി പറഞ്ഞു.ദില്ലി നഗരം ജയിലിലാണ്. ഇവിടേക്ക് എത്തുന്ന ആളുകളെ തടയുകയാണ്. എല്ലായിടത്തും പൊലീസ് ആണ്. പതിനായിരക്കണക്കിന് സേനകളെ വിന്യസിച്ചിരിക്കുന്നു. മോദിയും സർക്കാരും ഗ്യാനേഷ്കുമാറിനെ സംരക്ഷിക്കുകയാണ്. എത്ര സംരക്ഷിക്കുന്നുവോ പ്രതിഷേധം അത്ര ശക്തമാകും. ആർഎസ്എസ് ബിജെപി ഗുണ്ടകളെകൂടി വിന്യസിച്ചിരിക്കുകയാണ്. അവർ സ്ത്രീകളയും യുവാക്കളെയും തല്ലിച്ചതക്കുന്നു. പ്രതിപക്ഷത്തെയും ഗുണ്ടകളെ ഉപയോഗിച്ച് ആക്രമിക്കുന്നു. എന്തുകൊണ്ട് ഗ്യാനേഷ്കുമാർ രാജിവയ്ക്കുന്നില്ല? പക്ഷേ ഞങ്ങൾ വെറുതെ വിടില്ല. നിങ്ങളെ കുറിച്ചുള്ള എല്ലാ വിവരങ്ങളും ഞങ്ങളുടെ കൈയിലുണ്ട്. നിങ്ങളുടെ അഴിമതികളെ കുറിച്ചുള്ള വിവരങ്ങൾ ഞങ്ങൾക്ക് കിട്ടിയിട്ടുണ്ട്. കാലം കണക്ക് ചോദിക്കാതെ പോകില്ലെന്നും സുപ്രീംകോടതിയിലേക്ക് മാർച്ച് നടത്തുമെന്നും രാഹുൽ ഗാന്ധി പറഞ്ഞു.
വാതിലുകള്‍ തുറന്നുവെച്ച് സര്‍വീസ് നടത്തുന്ന ബസുകള്‍ക്കെതിരെ പരിശോധനയുമായി കേരള പോലീസ് ;ഒരാഴ്ചയ്ക്കിടെ 2,021 ബസുകള്‍ക്കെതിരെ കേസെടുത്തു.
വാതിലുകള്‍ തുറന്നുവെച്ച് സര്‍വീസ് നടത്തുന്ന ബസുകള്‍ക്കെതിരെ പരിശോധനയുമായി കേരള പോലീസ്. സെപ്റ്റംബര്‍ 23 മുതല്‍ 30 വരെ സംസ്ഥാനവ്യാപകമായി സംഘടിപ്പിച്ച സ്പെഷ്യല്‍ ഡ്രൈവില്‍ നിയമലംഘനം നടത്തിയ 2021 ബസുകള്‍ക്കെതിരെ നടപടിയെടുത്തു. തുറന്നുവെച്ച വാതിലിലൂടെ യാത്രക്കാര്‍ തെറിച്ചുവീണുണ്ടായ അപകടങ്ങളില്‍ മരണങ്ങളും ഗുരുതര പരിക്കുകളും റിപ്പോര്‍ട്ട് ചെയ്ത സാഹചര്യത്തിലാണ് പോലീസ് പരിശോധന നടത്തിയത്. തിരുവനന്തപുരം, എറണാകുളം ജില്ലകളില്‍ തുറന്നുവച്ച വാതിലിലൂടെ തെറിച്ചുവീണുണ്ടായ അപകടങ്ങളില്‍ യാത്രക്കാര്‍ മരണപ്പെടുകയും, തൃശൂര്‍ ജില്ലയില്‍ യാത്രക്കാരന് പരിക്കേല്‍ക്കുകയും ചെയ്തിരുന്നു. ഈ സാഹചര്യത്തില്‍ ബസുകള്‍ ഓടുമ്പോള്‍ വാതിലുകള്‍ നിര്‍ബന്ധമായും അടച്ചിടുന്നുണ്ടെന്നും അവ സുരക്ഷിതമാണെന്നും ഉറപ്പുവരുത്താനാണ് ഡ്രൈവ് സംഘടിപ്പിച്ചത്. ഡ്രൈവിന്റെ ഭാഗമായി 31,408 ബസ്സുകള്‍ പരിശോധിക്കുകയും നിയമലംഘനം നടത്തിയ 2021 ബസ്സുകള്‍ക്കായി 5,57,000 രൂപ പിഴ ഈടാക്കുകയും ചെയ്തു. ഡ്രൈവിന്റെ ഭാഗമായി 2014 ബോധവല്‍ക്കരണ പരിപാടികള്‍ നടത്തിയതില്‍ 10,784 പേര് പങ്കെടുത്തു. ട്രാഫിക് ആന്‍ഡ് റോഡ് സേഫ്റ്റി മാനേജ്മെന്‍റ് ഇന്‍സ്പെക്ടര്‍ ജനറലിന്‍റെ മേല്‍നോട്ടത്തില്‍ ജില്ലാ പോലീസ് മേധാവിമാര്‍, ട്രാഫിക് സോണല്‍ എസ്.പിമാര്‍, എന്‍ഫോഴ്സ്മെന്‍റ് വിഭാഗം എന്നിവരുടെ പങ്കാളിത്തത്തോടെയായിരുന്നു ഡ്രൈവ് നടത്തിയത്. ഹൈവേ പട്രോള്‍ യൂണിറ്റുകളും എന്‍ഫോഴ്സ്മെന്‍റ് വിഭാഗവും തുടര്‍ന്നുള്ള ദിവസങ്ങളിലും പരിശോധനകള്‍ തുടരും.നിയമലംഘനങ്ങള്‍ ശ്രദ്ധയില്‍പ്പെട്ടാല്‍, ട്രാഫിക് ആന്‍ഡ് റോഡ് സേഫ്റ്റി മാനേജ്മെന്‍റിന്‍റെ റോഡ് സുരക്ഷാ സംരംഭമായ ശുഭയാത്ര വാട്സ്ആപ്പ് നമ്പര്‍ (9747001099) മുഖേന നിയമലംഘനങ്ങളുടെ ഫോട്ടോ, ഓഡിയോ, വീഡിയോ എന്നിവയോടൊപ്പം നിയമലംഘനം നടന്ന ജില്ല, സ്ഥലം, തീയതി, സമയം, വാഹനത്തിന്‍റെ നമ്പര്‍ ഉള്‍പ്പെടെ പൊതുജനങ്ങള്‍ക്ക് അറിയിക്കാവുന്നതാണ്.
പ്രവാസികളുടെ ഗൾഫ് യാത്രയ്ക്ക് ഇനി ചെലവേറും; മിഡിൽ ഈസ്റ്റ് റൂട്ടുകളിൽ ഇന്ധന സർചാർജ് വർധിപ്പിച്ച് എയർ ഇന്ത്യയും എയർ ഇന്ത്യ എക്സ്പ്രസും
ഇൻഡിഗോയ്ക്ക് പിന്നാലെ മിഡിൽ ഈസ്റ്റ് റൂട്ടുകളിൽ ഇന്ധന സർചാർജ് വർധിപ്പിച്ച് എയർ ഇന്ത്യയും എയർ ഇന്ത്യ എക്സ്പ്രസും. വിമാന ഇന്ധന വിലയിലുണ്ടായ വർധനവും ഉയർന്ന പ്രവർത്തനച്ചെലവും ചൂണ്ടിക്കാട്ടിയാണ് മിഡിൽ ഈസ്റ്റ് റൂട്ടുകളിൽ ഇന്ധന സർചാർജ് വർധിപ്പിച്ചത്. 55 ഡോളറോളമാണ് (ഏകദേശം 200 ദിർഹത്തിലധികം) ഇരു വിമാനക്കമ്പനികളും സർചാർജ് വർധിപ്പിച്ചത്. നിരക്ക് ഉയർത്തിയതോടെ മലയാളികളടക്കമുള്ള പ്രവാസികളുടെ നാട്ടിലേക്കും തിരിച്ചുമുള്ള യാത്രകൾക്ക് ചെലവേറും. പുതിയ നിരക്കുകൾ പ്രകാരം ആഭ്യന്തര സർവീസുകളിൽ 1,001 മുതൽ 1,500 കിലോമീറ്റർ വരെയുള്ള യാത്രകൾക്ക് 850 രൂപയും, 1,500 കിലോമീറ്ററിന് മുകളിലുള്ള ദീർഘദൂര യാത്രകൾക്ക് 1,200 രൂപയുമാണ് ഫ്യുവൽ സർചാർജ് ഈടാക്കുക.വ്യാഴാഴ്ചയാണ് ഇന്ത്യൻ വിമാനക്കമ്പനികൾ ഈ വർധനവ് പ്രഖ്യാപിച്ചത്. യുഎഇ ഉൾപ്പെടെയുള്ള വിവിധ ഗൾഫ് രാജ്യങ്ങളിലേക്കും മിഡിൽ ഈസ്റ്റ് ലക്ഷ്യസ്ഥാനങ്ങളിലേക്കും ഇരു കമ്പനികളും നേരിട്ടുള്ള സർവീസുകൾ നടത്തുന്നുണ്ട്. സമീപകാലത്തെ ജിയോപൊളിറ്റിക്കൽ മാറ്റങ്ങളും ആഗോള ഊർജ്ജ വിപണിയിലെ സമ്മർദ്ദവും കാരണം വിമാന ഇന്ധനമായ എടിഎഫ് വിലയിൽ വൻ ചാഞ്ചാട്ടമാണ് ഉണ്ടായത്. ഇത് എയർലൈനുകളുടെ പ്രവർത്തനച്ചെലവ് കുത്തനെ ഉയർത്തി. മിഡിൽ ഈസ്റ്റ് സംഘർഷം ആരംഭിച്ചതിനുശേഷം ജെറ്റ് ഫ്യുവൽ വില 70 ശതമാനം വരെ വർധിച്ചിട്ടുണ്ട്. ഇതിന്‍റെ ആഘാതം ലഘൂകരിക്കുന്നതിന്‍റെ ഭാഗമായി ഈ ആഴ്ച ആദ്യം മറ്റൊരു ഇന്ത്യൻ ബജറ്റ് എയർലൈനായ ഇൻഡിഗോയും മിഡിൽ ഈസ്റ്റ് റൂട്ടുകളിൽ 55 ഡോളർ സർചാർജ് വർധിപ്പിച്ചിരുന്നു.
റിയാദ് വിമാനത്താവളത്തിന് നേരെ ഹൂതി ആക്രമണം; 12 മരണം, മുന്നൂറോളം പേര്‍ക്ക് പരിക്ക്
കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ ശനിയാഴ്ചയുണ്ടായ ഹൂതി ആക്രമണത്തില്‍ 12 പേര് കൊല്ലപ്പെട്ടതായി സൗദി അധികൃതര്‍. 300ലധികം പേര്‍ക്ക് പരിക്കേറ്റതായാണ് വിവരം. ഈ ആഴ്ചയില്‍ മാത്രം നടക്കുന്ന മൂന്നാമത്തെ ആക്രമണമാണിത്.നാല് സൗദി പൗരന്മാര്‍, രണ്ട് ബംഗ്ലാദേശി പൗരന്മാര്‍ യുഎസ്, ജോര്‍ദ്ദാന്‍, പലസ്തീന്‍, സിറിയ, സുഡാന്‍, ഈജിപ്ത് എന്നിവിടങ്ങളില്‍ നിന്നുള്ള ഓരോരുത്തരുമാണ് കൊല്ലപ്പെട്ടതെന്ന് സിവില്‍ ഏവിയേഷന്‍ അതോറിറ്റി അറിയിച്ചു. ആശുപത്രികള്‍ ഇതിനകം തന്നെ പരിക്കേറ്റവരെ കൊണ്ട് നിറഞ്ഞെന്നും അതോറിറ്റി വിശദീകരിച്ചു.ശനിയാഴ്ച റിയാദില്‍ നിന്നുള്ള എല്ലാ വിമാനങ്ങളും വഴിതിരിച്ചുവിട്ടു. 'റിയാദ് അന്താരാഷ്ട്ര വിമാനത്താവളം അടച്ചുപൂട്ടി' എന്ന് ആക്രമണത്തിന് ശേഷം ഹൂതി മീഡിയ ഓഫീസ് മേധാവി എക്സില്‍ കുറിച്ചു. സൗദി പിന്തുണയുള്ള യെമന്‍ സര്‍ക്കാര്‍ തിങ്കളാഴ്ച ഹൂതികള്‍ക്കെതിരെ ആക്രമണം ആരംഭിച്ചതോടെ വിമാനങ്ങള്‍ സൗദി വ്യോമാതിര്‍ത്തികള്‍ ഒഴിവാക്കണമെന്ന് ഹൂതികള്‍ അറിയിച്ചിരുന്നു
ഇനി 'ഇൻഡ്യ'യുടെ ഊഴം; തിങ്കളാഴ്ച ഡല്‍ഹിയില്‍ പ്രതിഷേധ മാര്‍ച്ച്.
ഗ്യാനേഷ് കുമാറിനെതിരെ പ്രതിഷേധം കടുപ്പിക്കാനൊരുങ്ങി ഇൻഡ്യ സഖ്യം. തിങ്കളാഴ്ച എല്ലാ സഖ്യകക്ഷി നേതാക്കളെയും ഉൾപ്പെടുത്തി വമ്പൻ പ്രതിഷേധ മാർച്ച് സംഘടിപ്പിക്കും.കോൺഗ്രസ് സംഘടനാ ജനറൽ സെക്രട്ടറി കെ സി വേണുഗോപാൽ ആണ് പ്രതിഷേധ മാർച്ചിന്റെ കാര്യം അറിയിച്ചത്. ഇന്ത്യൻ ജനാധിപത്യത്തിന്റെ നിലനിൽപ്പിന് ആശങ്കയുള്ള ഓരോ ഇന്ത്യക്കാരനും പ്രതിഷേധത്തിൽ പങ്കെടുക്കണമെന്നും കഴിഞ്ഞ ദിവസം എല്ലാ നേതാക്കളുമായും ചർച്ചകൾ നടത്തിയെന്നും കെ സി വേണുഗോപാൽ പറഞ്ഞു. സഖ്യത്തിലെ മുതിർന്ന നേതാക്കൾ ചീഫ് ജസ്റ്റിസിന് മെമ്മോറാണ്ടം നൽകുമെന്നും കെ സി വേണുഗോപാൽ പറഞ്ഞു. ഗ്യാനേഷ് രാജിവെക്കണമെന്നും ഈ ആവശ്യത്തിൽ നിന്ന് പിന്നോട്ടില്ലെന്നും കെ സി വേണുഗോപാൽ പറഞ്ഞു.അതേസമയം, സിജെപി പ്രതിഷേധത്തിന്റെ പശ്ചാത്തലത്തിൽ ഡൽഹി നഗരത്തിൽ കർശന നിയന്ത്രണം ഏർപ്പെടുത്തിയതിലുള്ള കോടതിയലക്ഷ്യ ഹർജി സുപ്രീംകോടതി നാളെ പരിഗണിക്കും. ഞായറാഴ്ചയായതിനാൽ പ്രത്യേക സിറ്റിങ് നടത്തിയാണ് ഹർജികൾ പരിഗണിക്കുക. ജസ്റ്റിസ് ജോയ്മല്യ ബാഗ്ചി, ജസ്റ്റിസ് വി മോഹന എന്നിവരാണ് ഹർജികൾ പരിഗണിക്കുക.
രാജ്യത്താകെ ആഞ്ഞുവീശാൻ പോകുന്ന പ്രക്ഷോഭ കൊടുങ്കാറ്റിന്റെ തുടക്കം മാത്രം, ഒരിഞ്ച് പിന്നോട്ടില്ല: പിണറായി വിജയൻ
തെരഞ്ഞെടുപ്പുകള്‍ അട്ടിമറിച്ച് ജനാധിപത്യ പ്രക്രിയയെ നോക്കുകുത്തിയാക്കിയ മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍ രാജിവെക്കുന്നതുവരെ പോരാട്ടത്തില്‍ നിന്നും ഒരിഞ്ചുപോലും പിന്നോട്ട് പോകില്ലെന്ന് പ്രതിപക്ഷ നേതാവ് പിണറായി വിജയന്‍. ഭരണകൂട ഭീകരതയുടെ ബാരിക്കേഡുകള്‍ കൊണ്ട് തടഞ്ഞുനിര്‍ത്താന്‍ കഴിയുന്നതല്ല ഇന്ത്യന്‍ ജനതയുടെ പോരാട്ടവീറെന്നും അദ്ദേഹം ഫേസ്ബുക്കില്‍ കുറിച്ചു.ഡല്‍ഹി ജന്തര്‍ മന്തറില്‍ ഇന്ന് ആഞ്ഞടിച്ച ജനരോഷം ഭരണഘടനയും ജനാധിപത്യ മൂല്യങ്ങളും തച്ചുടയ്ക്കാന്‍ ശ്രമിക്കുന്ന സംഘപരിവാര്‍ അജണ്ടകള്‍ക്കെതിരെയുള്ള അതിശക്തമായ താക്കീതാണ്. അടിയന്തരാവസ്ഥയുടെ ഇരുണ്ട നാളുകളെ ഓര്‍മ്മിപ്പിക്കുകയാണ് സംഘപരിവാര്‍ നേതൃത്വം നല്‍കുന്നകേന്ദ്ര സര്‍ക്കാരെന്നും അദ്ദേഹം ആരോപിച്ചു. ലാത്തി കൊണ്ടോ, തടവറ കൊണ്ടോ, നിരോധനാജ്ഞ കൊണ്ടോ ജനതയുടെ ഇച്ഛാശക്തിയെ അടിച്ചമര്‍ത്താമെന്നത് സംഘപരിവാറിന്റെ വ്യാമോഹം മാത്രമാണെന്നും ഭയത്തിന്റെ മതിലുകള്‍ തകര്‍ത്ത് രാജ്യത്തിന്റെ വീണ്ടെടുപ്പിനായി തെരുവിലിറങ്ങിയ യുവത്വം ഈ രാജ്യത്തിന്റെ പ്രതീക്ഷാ നാളമാണെന്നും പിണറായി വിജയന്‍ കൂട്ടിച്ചേര്‍ത്തു
മൂന്നര മണിക്കൂർ പിണറായിയെ വട്ടംകറക്കി ദില്ലി പൊലീസ്, മരുന്നും ഭക്ഷണവും മുടങ്ങി; ഒടുവിൽ മന്ദിർ മാർഗ് പൊലീസ് സ്റ്റേഷനിലെത്തിച്ചു, പ്രതിഷേധം തുടരുന്നു.
മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലിയിൽ പ്രതിഷേധത്തിനെത്തിയ മുൻ മുഖ്യമന്ത്രി പിണറായി വിജയനെ കസ്റ്റഡിയിലെടുത്ത പൊലീസ്, വാഹനത്തിൽ മൂന്നര മണിക്കൂറോളം വട്ടംകറക്കി. രാവിലെ പതിനൊന്ന് മണിയോടെ പിണറായിയടക്കമുള്ളവരെ കസ്റ്റഡിയിലെടുത്ത പൊലീസ് മൂന്നര മണിക്കൂറിന് ശേഷമാണ് മന്ദിർ മാർഗ് പൊലീസ് സ്റ്റേഷനിലെത്തിച്ചത്. പിണറായിക്കൊപ്പം വാഹനത്തിലുണ്ടായിരുന്ന കെ എൻ ബാലഗോപാൽ, ജോൺ ബ്രിട്ടാസ് എന്നിവർ പ്രതിഷേധിച്ചെങ്കിലും ദില്ലി പൊലീസ് അവഗണന തുടരുകയായിരുന്നു. പിണറായിയുടെ ഭക്ഷണവും മരുന്നുമടക്കം മുടങ്ങിയെന്ന് ഒപ്പമുള്ള നേതാക്കൾ ലൈവ് വീഡിയോയിലൂടെ വ്യക്തമാക്കുകയും ചെയ്തു. പ്രായമായ ഒരു നേതാവിനോട് തികച്ചും മോശമായാണ് പെരുമാറിയതെന്നും നേതാക്കൾ ചൂണ്ടിക്കാട്ടി. നേരത്തെ സി പി എം ജനറൽ സെക്രട്ടറി എം എ ബേബി, സി പി എം സംസ്ഥാന സെക്രട്ടറി എം വി ഗോവിന്ദന്‍, പി കെ ശ്രീമതി, കെ കെ ശൈലജ അടക്കമുള്ള നേതാക്കളെയും ദില്ലി പൊലീസ് കസ്റ്റഡിയിലെടുത്തിരുന്നു. കേരള ഹൗസില്‍ നിന്ന് മാര്‍ച്ചിന് ഒരുങ്ങുന്നതിനിടെയായിരുന്നു നടപടി. സി പി എം പിബി അംഗം വിജു കൃഷ്ണൻ, സി ഐ ടി യു നേതാക്കൾ, എസ് എഫ് ഐ ദേശീയ അധ്യക്ഷൻ ആദർശ് സജി എന്നിവരെയും കസ്റ്റഡിയിലെടുത്ത് നീക്കി.
പിണറായി ദില്ലി പൊലീസിന്‍റെ കസ്റ്റഡിയിൽ തുടരുന്നതിൽ അതിവേഗ ഇടപെടലുമായി മുഖ്യമന്ത്രി; സ്ഥിതിഗതികൾ അന്വേഷിക്കാൻ ചീഫ് സെക്രട്ടറിക്ക് നിർദേശം നൽകി
മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലിയിൽ പ്രതിഷേധിക്കാനെത്തിയ മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയൻ ദില്ലി പൊലീസ് കസ്റ്റഡിയിൽ തുടരുന്നതിൽ അതിവേഗ ഇടപെടലുമായി മുഖ്യമന്ത്രി വി ഡി സതീശൻ. പിണറായി കസ്റ്റഡിയിലുള്ള സ്ഥിതി ഗതികൾ അന്വേഷിക്കാൻ ചീഫ് സെക്രട്ടറിക്ക് നിർദേശം നൽകി. റെസിഡൻസ് കമ്മീഷണറുമായി ബന്ധപ്പെടാനും ഇടപെടാനും മുഖ്യമന്ത്രി നിർദ്ദേശം നൽകി. പിണറായിയെ കസ്റ്റഡിയിലെടുത്ത പൊലീസ് മൂന്നര മണിക്കൂറോളം വാഹനത്തിൽ വട്ടംകറക്കിയതിനെ തുടർന്ന് അദ്ദേഹത്തിന് ശാരീരിക അസ്വസ്ഥത അനുഭവപ്പെട്ടെന്ന റിപ്പോർട്ടുകൾക്ക് പിന്നാലെയാണ് മുഖ്യമന്ത്രിയുടെ ഇടപെടലുണ്ടായത്.
ഗ്യാനേഷ് കുമാറിന്റെ രാജിക്കായുള്ള പ്രതിഷേധം; പിണറായി അടക്കമുള്ള സിപിഎം നേതാക്കളെ കൂട്ടത്തോടെ കസ്റ്റഡിയിലെടുത്ത് ദില്ലി പൊലീസ്
മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലിയിൽ സിജെപി സംഘടിപ്പിക്കുന്ന പ്രതിഷേധത്തിന് പിന്തുണയുമായി എത്തിയ സിപിഎം നേതാക്കളെ കൂട്ടത്തോടെ കസ്റ്റഡിയിലെടുത്ത് ദില്ലി പൊലീസ്. പിണറായി വിജയന്‍, സിപിഎം ജനറൽ സെക്രട്ടറി എം എ ബേബി, സിപിഎം സംസ്ഥാന സെക്രട്ടറി എം വി ഗോവിന്ദന്‍, പി കെ ശ്രീമതി, കെ കെ ശൈലജ, എന്നിവരെ ദില്ലി പൊലീസ് കസ്റ്റഡിയിലെടുത്തു. കേരള ഹൈസില്‍ നിന്ന് മാര്‍ച്ചിന് ഒരുങ്ങുന്നതിനിടെയായിരുന്നു നടപടി. നടക്കുന്നത് ജനാധിപത്യ ധ്വംസനമെന്ന് പിണറായി വിജയന്‍ മാധ്യമങ്ങളോട് പ്രതികരിച്ചു. സിജെപി സമരത്തിന് പിന്തുണ കൊടുക്കേണ്ടത് ജനാധിപത്യത്തിന് അനിവാര്യമാണെന്നും അദ്ദേഹം കൂട്ടിച്ചേര്‍ത്തു.
ഇറാനിൽ നിന്ന് ഇന്ധന ഇറക്കുമതി നടത്തി'; ഇന്ത്യൻ കമ്പനികൾക്ക് ഉപരോധം ഏർപ്പെടുത്തി യുഎസ്
വാഷിങ്ടൺ: ഇന്ത്യന്‍ കമ്പനികള്‍ക്ക് ഉപരോധം ഏര്‍പ്പെടുത്തി യു എസ്. ഇറാനില്‍ നിന്ന് ഇന്ധന ഇറക്കുമതി നടത്തിയെന്ന് ആരോപിച്ചാണ് അമേരിക്കയുടെ ഉപരോധം. മുംബൈ ആസ്ഥാനമാക്കിയുള്ള രണ്ട് ഇന്ത്യന്‍ കമ്പനികള്‍ക്കും അഞ്ച് വ്യക്തികള്‍ക്കുമാണ് ഉപരോധം ഏര്‍പ്പെടുത്തിയത്. SSPL സൊലൂഷന്‍സ്, സമുദ്ര മറൈന്‍ സര്‍വീസ് പ്രൈവറ്റ് ലിമിറ്റഡ് എന്നീ കമ്പനികള്‍ക്കാണ് ഉപരോധം. രണ്ട് സ്ഥാപനങ്ങളുമായി ബന്ധപ്പെട്ട അഞ്ച് വ്യക്തികളെ അവരുടെ കമ്പനികളുമായി ബന്ധപ്പെട്ട ഇടപാടുകള്‍ നടത്തുന്നതില്‍ നിന്നും തടഞ്ഞതായാണ് റിപ്പോര്‍ട്ട്.'ഓപ്പറേഷന്‍ ഇക്കണോമിക് ഔട്ട്കാസ്റ്റ്' എന്ന പേരില്‍ ഇറാനെതിരായി യുഎസ് നടത്തുന്ന നടപടിയുടെ ഭാഗമാണ് ഇന്ത്യന്‍ സ്ഥാപനങ്ങള്‍ക്കും വ്യക്തികള്‍ക്കുമെതിരായ ഉപരോധങ്ങള്‍. ഇറാനിയന്‍ പെട്രോളിയം, പെട്രോളിയം ഉല്‍പ്പന്നങ്ങള്‍, പെട്രോകെമിക്കല്‍ ഉല്‍പ്പന്നങ്ങള്‍ എന്നിവയുടെ വ്യാപാരവുമായി ബന്ധപ്പെട്ട് പത്ത് സ്ഥാപനങ്ങള്‍ക്കും ആറ് വ്യക്തികള്‍ക്കും അഞ്ച് കപ്പലുകള്‍ക്കും സ്റ്റേറ്റ് ഡിപ്പാര്‍ട്ട്മെന്റ് ഉപരോധം ഏര്‍പ്പെടുത്തുന്നു,' യുഎസ് സ്റ്റേറ്റ് ഡിപ്പാര്‍ട്ട്മെന്റ് ഒരു ഔദ്യോഗിക പ്രസ്താവനയില്‍ പറഞ്ഞു. ഇറാനിയന്‍ പെട്രോകെമിക്കല്‍ ഉല്‍പ്പന്നങ്ങൾ വില്‍ക്കുന്നവര്‍ക്കും വാങ്ങുന്നവര്‍ക്കും മേല്‍ യുഎസ് സര്‍ക്കാര്‍ ഉപരോധം ഏര്‍പ്പെടുത്തുകയാണ്, എന്നാണ് അമേരിക്കയുടെ ഔദ്യോഗിക വിശദീകരണം.
കാന്‍സര്‍ ഉള്‍പ്പെടെ ജീവന്‍രക്ഷാ മരുന്നുകളുടെ വില കുത്തനെ കുറച്ചേക്കും; പേറ്റന്റുള്ള മരുന്നുകളിലും ആശ്വാസം
ന്യൂഡല്‍ഹി: കാന്‍സര്‍ ഉള്‍പ്പടെയുള്ള ജീവന്‍രക്ഷാ മരുന്നുകളുടെ വില കുത്തനെ കുറഞ്ഞേക്കുമെന്ന് സൂചന. സുപ്രീംകോടതിയുടെ കടുത്ത വിമര്‍ശനത്തിന് പിന്നാലെയാണ് കേന്ദ്ര സര്‍ക്കാര്‍ നടപടി. പേറ്റന്റുള്ള മരുന്നുകള്‍ക്കും തീരുമാനം ബാധകമാക്കാനാണ് ശ്രമം. വ്യാപാര ലാഭവിഹിതം 30 ശതമാനമായി പരിമിതപ്പെടുത്തിയേക്കും. വിതരണക്കാര്‍ക്ക് നല്‍കുന്ന വിലയ്ക്ക് മുകളിലായി വ്യാപാര മാര്‍ജിന്‍ പരിമിതപ്പെടുത്താനാണ് സര്‍ക്കാര്‍ നീക്കം. അതോടെ ജീവന്‍രക്ഷാ മരുന്നുകള്‍ക്ക് 70 ശതമാനം വരെ വിലകുറയും. വില കൂടിയ ജീവന്‍രക്ഷാ മരുന്നുകള്‍ക്കും വില നിയന്ത്രണം വരുമെന്നാണ് റിപ്പോര്‍ട്ടുകള്‍.
യുപിഐ ഫീസ് തീരുമാനം നീട്ടിയേക്കും; ജനുവരി ഒന്നിലേക്ക് മാറ്റാൻ ആലോചന
തിരുവനന്തപുരം :യുപിഐ ഇടപാടുകള്‍ക്ക് ഫീസ് ഏർപ്പെടുത്താനുള്ള തീരുമാനം നീട്ടിവയ്ക്കാൻ സാധ്യത. ഒക്ടോബർ 15ന് നിലവില്‍ വരാനിരുന്ന മർച്ചന്റ് ഡിസ്കൗണ്ട് റേറ്റ് (MDR) ജനുവരി ഒന്നിലേക്ക് നീട്ടാനാണ് ആലോചന.അന്തിമ തീരുമാനം അടുത്ത ദിവസങ്ങളില്‍ ഉണ്ടായേക്കുമെന്നാണ് റിപ്പോർട്ട്.ഉത്സവകാലത്ത് യുപിഐ ഇടപാടുകള്‍ക്ക് അധിക ചാർജ് ഏർപ്പെടുത്തുന്നത് ഒഴിവാക്കണമെന്ന് വ്യാപാരി സംഘടനകള്‍ ആവശ്യപ്പെട്ടിരുന്നു. ദസറ, ദീപാവലി, ക്രിസ്മസ് ഉള്‍പ്പെടെയുള്ള ഉത്സവ സീസണ്‍ കഴിയുന്നതുവരെ തീരുമാനം നീട്ടിവയ്ക്കുന്നതാണ് പരിഗണിക്കുന്നത്. വ്യാപാരികള്‍ക്ക് അധിക ചെലവ് ഉണ്ടാകുമെന്ന ആശങ്കയാണ് പ്രധാനമായും ഉയർന്നത്.നിലവിലെ നിർദേശപ്രകാരം 2,000 രൂപയ്ക്ക് മുകളിലുള്ള ചില യുപിഐ വ്യാപാരി ഇടപാടുകള്‍ക്ക് 0.4 ശതമാനം MDR ആണ് ഏർപ്പെടുത്തുക. വ്യക്തിയില്‍ നിന്ന് വ്യക്തിയിലേക്കുള്ള (P2P) ഇടപാടുകള്‍ക്ക് ഫീസ് ഉണ്ടാകില്ല. 2,000 രൂപ വരെയുള്ള വ്യാപാരി ഇടപാടുകളും ചെറുകിട വ്യാപാരികള്‍ക്ക് ബാധകമായ ഇളവുകളും തുടരും. ഏകദേശം 96 ശതമാനം വ്യാപാരി ഇടപാടുകളും ഫീസില്‍നിന്ന് ഒഴിവാകുമെന്ന് കേന്ദ്ര സർക്കാർ വ്യക്തമാക്കിയിട്ടുണ്ട്.അതേസമയം, ഉത്സവ സീസണില്‍ ഫീസ് ഏർപ്പെടുത്തുന്നതിനെതിരെ വ്യാപാര മേഖലയില്‍നിന്ന് എതിർപ്പ് ഉയർന്നിട്ടുണ്ട്. യുപിഐ ചാർജ് സംബന്ധിച്ച്‌ ബിജെപിക്കുള്ളിലും അതൃപ്തിയുണ്ടെന്നാണ് സൂചന. അന്തിമ തീരുമാനം ദേശീയ പേയ്മെന്റ്സ് കോർപ്പറേഷൻ ഓഫ് ഇന്ത്യയുടെ (NPCI) നേതൃത്വത്തിലുള്ള സംവിധാനത്തില്‍ ഉണ്ടാകാനാണ് സാധ്യത.
'ഗ്യാനേഷ് ഇറ്റ്‌സ് ഡണ്‍ ബ്രോ'; നാലാം ദിവസവും ഇന്‍ഡ്യ മുന്നോട്ട്, ഇന്ന് രാഷ്ട്രപതി ഭവന്‍ മാര്‍ച്ച്
മുഖ്യതെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് തുടര്‍ച്ചയായ നാലാം ദിവസവും രാജ്യതലസ്ഥാനം സ്തംഭിപ്പിക്കാന്‍ ഇന്‍ഡ്യാ സഖ്യം. ഇന്ന് രാഷ്ട്രപതി ഭവനിലേക്ക് മാര്‍ച്ച് സംഘടിപ്പിക്കും. ഉച്ചയ്ക്ക് ശേഷം പാര്‍ലമെന്റ് സെന്‍ട്രല്‍ ഹാളിലേക്ക് എത്തിച്ചേരാന്‍ എംപിമാര്‍ക്ക് നിര്‍ദേശം നല്‍കി. രാഷ്ട്രപതിയുമായി കൂടിക്കാഴ്ചയ്ക്ക് അനുമതി തേടിയെങ്കിലും മറുപടി ലഭിക്കാതെ വന്നതോടെയാണ് ഇന്‍ഡ്യാസഖ്യം മാര്‍ച്ച് തീരുമാനിച്ചത്.ഗ്യാനേഷ് കുമാറിനെതിരായ കുറ്റാരോപണം അടങ്ങിയ നിവേദനം രാഷ്ട്രപതിക്ക് നൽകാനാണ് നീക്കം. കൂടിക്കാഴ്ചയ്ക്ക് അനുമതി ലഭിക്കുകയാണെങ്കിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിയുടെ നേതൃത്വത്തിൽ 10 നേതാക്കളുടെ സംഘം രാഷ്ട്രപതിയെ കാണും. അനുമതി ലഭിച്ചില്ലെങ്കിൽ വെെകിട്ട് മൂന്ന് മണിയോടെ പാർലമെന്‍റ് സെൻട്രൽ ഹാളിൽ സമ്മേളിച്ച് അവിടെ നിന്നും രാഷ്ട്രപതി ഭവനിലേക്ക് മാർച്ച് നടത്താനാണ് ആലോചന
സ്വർണം വാങ്ങാൻ പ്ലാനുണ്ടോ? ഒരു പവന് 1.24 ലക്ഷം വരെ നൽകേണ്ടി വരും
സംസ്ഥാനത്ത് സ്വർണവിലയിൽ മാറ്റമില്ലാതെ തുടരുകയാണ്. 22 കാരറ്റ് സ്വർണത്തിന് ഒരു ഗ്രാമിന് 13,710 എന്ന നിരക്കാണ് നിലവിലുള്ളത്. ഇതനുസരിച്ച് ഒരു പവൻ സ്വർണത്തിന് 1,09,680 രൂപ നൽകണം. 10 ഗ്രാം സ്വർണത്തിന്റെ വില 1,37,100 ആണ്. 24 കാരറ്റ് സ്വർണത്തിനും വിപണിയിൽ ഉയർന്ന നിരക്കാണ് തുടരുന്നത്.രാജ്യാന്തര തലത്തിൽ ട്രോയ് ഔൺസിന് 4,135 ഡോളർ നിലവാരത്തിലാണ് സ്വർണം വ്യാപാരം പുരോഗമിക്കുന്നത്. അന്താരാഷ്ട്ര വിപണിയിലെ സ്വർണവിലയിലെ ചലനങ്ങൾ, ഡോളറിന്റെ ശക്തി, യുഎസ് പലിശനിരക്കുമായി ബന്ധപ്പെട്ട പ്രതീക്ഷകൾ, ആഗോള സാമ്പത്തിക അനിശ്ചിതത്വം തുടങ്ങിയ ഘടകങ്ങളാണ് ആഭ്യന്തര സ്വർണ വിലയെ പ്രധാനമായും സ്വാധീനിക്കുന്നത്. ഒക്ടോബർ 6 നായിരുന്നു 1,09,280 എന്ന ഈ മാസത്തെ ഏറ്റവും താഴ്ന്ന നില രേഖപ്പെടുത്തിയത്.അതേസമയം, സ്വർണാഭരണം വാങ്ങുമ്പോൾ സ്വർണ വില മാത്രം കണക്കാക്കിയാൽ പോരാ. പണിക്കൂലി, ജിഎസ്ടി തുടങ്ങിയ അധിക ചെലവുകൾ കൂടി ബില്ലിൽ ഉൾപ്പെടും. 22 കാരറ്റ് സ്വർണത്തിന്റെ 8 ഗ്രാം (ഒരു പവൻ) വില 1,09,680 ആണെന്നിരിക്കെ അതിന് 3 ശതമാനം ജിഎസ്ടി കൂടി കണക്കാക്കുമ്പോൾ 3,290.40 അധികമായി വരും. അതായത് ജിഎസ്ടി ഉൾപ്പെടെ 8 ഗ്രാം സ്വർണത്തിന്റെ വില 1,12,970.40 ആയിരിക്കും.
പേടിഎം പേയ്മെന്റ്സ് ബാങ്കിനെ ഷെഡ്യൂൾഡ് ബാങ്ക് പട്ടികയിൽ നിന്ന് ഒഴിവാക്കി ആർബിഐ
ന്യൂഡൽഹി: പേടിഎം പേയ്മെന്റ്സ് ബാങ്ക് ലിമിറ്റഡിനെ ഷെഡ്യൂൾഡ് ബാങ്കുകളുടെ പട്ടികയിൽ നിന്ന് റിസർവ് ബാങ്ക് ഓഫ് ഇന്ത്യ ഔദ്യോഗികമായി ഒഴിവാക്കി. ബാങ്കിംഗ് ലൈസൻസ് റദ്ദാക്കിയതിന് പിന്നാലെയാണ് നടപടി.ആർബിഐ ആക്ട് 1934-ന്റെ രണ്ടാം ഷെഡ്യൂളിൽ നിന്ന് പേടിഎം പേയ്മെന്റ്സ് ബാങ്കിനെ ഒഴിവാക്കിയതായി കേന്ദ്ര ബാങ്ക് അറിയിച്ചു. 2026 ജൂലൈ 31-ന് പുറത്തിറക്കിയ വിജ്ഞാപനം സെപ്റ്റംബർ 7-ന് ഗസറ്റിൽ പ്രസിദ്ധീകരിച്ചിരുന്നു. ഇക്കാര്യം ബുധനാഴ്ചയാണ് ആർബിഐ സ്ഥിരീകരിച്ചത്.നിക്ഷേപകരുടെ താൽപര്യത്തിന് ഹാനികരമായ രീതിയിലാണ് ബാങ്കിന്റെ പ്രവർത്തനമെന്ന് ചൂണ്ടിക്കാട്ടി ഏപ്രിലിലാണ് ആർബിഐ പേടിഎം പേയ്മെന്റ്സ് ബാങ്കിന്റെ ലൈസൻസ് റദ്ദാക്കിയത്. പിന്നാലെ ഡൽഹി ഹൈക്കോടതി ബാങ്ക് പൂട്ടാൻ ഉത്തരവിടുകയും ചെയ്തു.അതേസമയം ഈ നടപടി പേടിഎം ആപ്പിന്റെ സാധാരണ ഉപയോക്താക്കളെ ബാധിക്കില്ല. പേടിഎം യുപിഐ, ക്യുആർ പേയ്മെന്റ്, സൗണ്ട്ബോക്സ് തുടങ്ങിയ സേവനങ്ങൾ മറ്റ് പാർട്ണർ ബാങ്കുകളിലേക്ക് നേരത്തെ മാറ്റിയിട്ടുണ്ട്. പേയ്മെന്റ്സ് ബാങ്കിലെ നിക്ഷേപങ്ങൾ തിരിച്ചടയ്ക്കാൻ ആവശ്യമായ പണം ബാങ്കിന്റെ കൈവശമുണ്ടെന്നും വൈൻഡ് അപ്പ് നടപടികളുടെ ഭാഗമായി ഉപഭോക്താക്കൾക്ക് പണം തിരികെ ലഭിക്കുമെന്നും ആർബിഐ വ്യക്തമാക്കി.
ജിഎസ്ടി യോഗത്തിൽ നിർണായക തീരുമാനങ്ങൾ, അറസ്റ്റ് ചെയ്യാനുള്ള അധികാരം ഒഴിവാക്കി
നിർണായക നിദേശങ്ങളുമായി ജിഎസ്ടി കൗൺസിൽ യോഗം. നിയമത്തിൻ്റെ പരിധിയിൽനിന്ന് അറസ്റ്റ് ചെയ്യാനുള്ള അധികാരം ഒഴിവാക്കി. വ്യാഴാഴ്ച ചേർന്ന കൗൺസിൽ യോഗത്തിലാണ് തീരുമാനം. നിയമത്തിലെ കുറഞ്ഞ ശിക്ഷയും ഒഴിവാക്കിയ യോഗം, പ്രോസിക്യൂഷൻ പരിധി ഒരു കോടി രൂപയിൽ നിന്ന് അഞ്ച് കോടി രൂപയായി ഉയർത്തി. ഇതോടൊപ്പം പിഴയും, തടവ് ശിക്ഷയും രണ്ടും അനുഭവിക്കേണ്ട കേസുകൾ കോടതി വിവേചനാധികാരത്തിന് വിട്ടു. പൊതുപിഴ 25,000 രൂപയിൽ നിന്ന് 10,000 രൂപയായി കുറച്ചു. ജിഎസ്ടി വൈകി ഫയൽ ചെയ്യുക, തെറ്റുകൾ വരുത്തുക, പണമടക്കാൻ വൈകുക എന്നിവക്ക് ഇനി പലിശയും ആനുപാതിക പിഴയും മാത്രം നൽകിയാൽ മതി. മറ്റ് നടപടികൾ കൗൺസിൽ യോഗം ഒഴിവാക്കി. കേന്ദ്ര ധനമന്ത്രി നിർമല സീതാരാമന്റെ അധ്യക്ഷതയിൽ ചേർന്ന യോഗത്തിൽ സംസ്ഥാങ്ങളിലെ ധനമന്ത്രിമാർ പങ്കെടുത്തു. മുഖ്യമന്ത്രി വി.ഡി. സതീശനും പങ്കെടുത്തു.
