Mananthavady
തിരുന്നാളിന് കോടിയേറി
പയ്യമ്പള്ളി സെന്റ് കാതറിൻസ് ഫൊറോനാ ദേവാലയത്തിന് കീഴിലുള്ള പുതിയിടം കപ്പേളയിൽ വിശുദ്ധ യൂദാസ് ശ്ലീഹായുടെ തിരുന്നാളിന് പയ്യമ്പള്ളി ഫൊറോനാ വികാരി റവ. ഫാദർ ജെയിംസ് പുത്തൻപറമ്പിൽ കൊടിയേറ്റി.അസിസ്റ്റന്റ് വികാരി റവ.ഫാദർ ജെഫിൻ കോട്ടയ്ക്കുപ്പുറത്ത് ട്രസ്റ്റിമാരായ ജോസഫ് കരിമ്മനാക്കുഴി, സന്തോഷ് താഴത്തു കരിമ്പനക്കൽ, ഷാജി പൊൻ പാറക്കൽ, അശ്വിൻ മാത്യു മുളക്കൽ, ബിനു ജോസഫ് നടുക്കൂടി എന്നിവർ സംബന്ധിച്ചു
മാനന്തവാടി ടൗണിൽ നാളെ ഗതാഗത നിയന്ത്രണം
മാനന്തവാടി കാഞ്ചി കാമാക്ഷി അമ്മൻ ക്ഷേത്രത്തിലെ ഉത്സവത്തോടനുബന്ധിച്ച് ഒക്ടോബർ 21 ബുധനാഴ്ച വൈ കുന്നേരം 6.30 മുതൽ മാനന്തവാടി ടൗണിൽ ഗതാഗത നിയന്ത്രണം ഏർപ്പെടുത്തുമെന്ന് മാനന്തവാടി പോലീസ് അറിയിച്ചു.തലപ്പുഴ ഭാഗത്തു നിന്ന് നാലാംമൈൽ, കല്ലോടി ഭാഗങ്ങളി ലേക്ക് പോകുന്ന വാഹനങ്ങൾ പാലാക്കുളി ജങ്ഷനിൽനിന്ന് തിരിഞ്ഞ് ചൂട്ടക്കടവ് താഴെയങ്ങാടി വഴി പോകണം.നാലാംമൈൽ, കൊയിലേരി ഭാഗങ്ങളിൽനിന്ന് തലപ്പുഴ ഭാഗ ത്തേക്ക് പോകുന്ന വാഹനങ്ങൾ എൽ.എഫ്.ജങ്ഷൻ, വള്ളി യൂർക്കാവ് ജങ്ഷൻ, മൈസൂർ റോഡ്, ചെറ്റപ്പാലം ബൈപാസ് വഴി പോകണം.എരുമത്തെരുവ്, മാരുതി ജങ്ഷൻ മുതൽ ഗാന്ധി പാർക്ക്, പോസ്റ്റ് ഓഫീസ് റോഡ്, താഴെയങ്ങാടി വരെയുള്ള ഭാഗങ്ങളിൽ വൈകുന്നേരം 6.30 മുതൽ എഴുന്ന ള്ളത്ത് അവസാനിക്കുന്നതുവരെ വാഹനഗതാഗതം അനുവദിക്കില്ലെന്നും പോലീസ് അറിയിച്ചു.
നൂൽപ്പുഴ പഞ്ചായത്തിൽ പ്രത്യേക ഭിന്നശേഷി ഗ്രാമസഭകൾ വിളിച്ചു ചേർക്കുക;DAWF ( ഡിഫ്രന്റിലി ഏബിൾഡ് പേഴ്സൺസ് വെൽഫെയർ ഫെഡറേഷൻ)
നൂൽപ്പുഴ ഗ്രാമപഞ്ചായത്തിലെ മുന്നൂറിൽ അധികം വരുന്ന ഭിന്നശേഷിക്കാരുടെ പ്രശ്നങ്ങൾ ചർച്ച ചെയ്യുന്നതിനും പദ്ധതികൾ ആസൂത്രണം ചെയ്തു നടപ്പിലാക്കുന്നതിനുമായി ഫലപ്രദമായ രീതിയിൽ പ്രത്യേക ഭിന്നശേഷി ഗ്രാമസഭകൾ വിളിച്ചു ചേർക്കുന്നതിന് ബന്ധപ്പെട്ട അധികാരികൾ തയ്യാറാകണമെന്ന് DAWF ( ഡിഫ്രന്റിലി ഏബിൾഡ് പേഴ്സൺസ് വെൽഫെയർ ഫെഡറേഷൻ) നൂൽപുഴ പഞ്ചായത്ത് കൺവെൻഷൻ പ്രമേയത്തിലൂടെ ആവശ്യപ്പെട്ടു.മൂലങ്കാവ് ടി സി ജോൺ സ്മാരക ലൈബ്രറി ഹാളിൽ ചേർന്ന പഞ്ചായത്ത് കൺവെൻഷൻDAWF സംസ്ഥാന ജോയിന്റ് സെക്രട്ടറി കെ വി മോഹനൻ ഉദ്ഘാടനം ചെയ്തു. ജില്ലാ സെക്രട്ടറി കെ എൻ ഇന്ദ്രൻ സംഘടനാ റിപ്പോർട്ട് അവതരിപ്പിച്ചു. ഏരിയ സെക്രട്ടറി കെ പി ജോർജ്ജ് ഭാവി പ്രവർത്തന പരിപാടികൾ വിശദീകരിച്ചു. ഏരിയ പ്രസിഡണ്ട് എം വി വർഗീസിന്റെ അധ്യക്ഷതയിൽ ചേർന്ന കൺവെൻഷനിൽ ജാബിർ ഇ. എ സ്വാഗതവും മെൽവിൻ ജോസഫ് നന്ദിയും പറഞ്ഞു. കാടും വീടും വേർതിരിച്ച് നൂൽപുഴ പഞ്ചായത്തിലെ ജനങ്ങളെ വന്യമൃഗശല്യത്തിൽ നിന്നും രക്ഷിക്കുന്നതിനായുള്ള അടിയന്തിര നടപടികൾ സ്വീകരിക്കുക., ഭൂമിയും വീടും ഇല്ലാത്ത മുഴുവൻ ഭിന്നശേഷിക്കാർക്കും ഭൂമിയും വീടും അനുവദിക്കുക., കെഎസ്ആർടിസി ബസ്സുകളിൽ ഭിന്നശേഷിക്കാരായ എല്ലാവർക്കും യാത്ര സൗകര്യം അനുവദിക്കുക തുടങ്ങിയ പ്രമേയങ്ങളും കൺവെൻഷനിൽ അവതരിപ്പിച്ചു.രാജൻ കെ ( പ്രസിഡണ്ട് ), ജാബിർ ഇ എ( സെക്രട്ടറി), അയ്യപ്പൻ ടി ( വൈസ് പ്രസിഡണ്ട്), മെൽവിൻ ജോസഫ്( ജോയിന്റ് സെക്രട്ടറി ) സെക്കീന പി എസ് ( ട്രഷറർ ) എന്നിവരെ പുതിയ ഭാരവാഹികളായി തിരഞ്ഞെടുത്തു.
മാനന്തവാടിയിൽ കഞ്ചാവുമായി രണ്ടുപേർ പിടിയിൽ
ചൂട്ടക്കടവിൽ കഞ്ചാവ് വിൽപനയ്ക്ക് ശ്രമിച്ച കൊണിയൻമുക്ക് കൂവയിൽ ഹൗസിൽ മുഹമ്മദ് സിയാദ് (19), പാലമുക്ക് സ്വദേശി ഇസ്മയിൽ വീട്ടിൽ ഹനീൽ (19 ) എന്നിവരാണ് പിടിയിലായത്. ഇവരിൽ നിന്ന് 65 ഗ്രാം കഞ്ചാവ് പിടിച്ചെടുത്തു. മാനന്തവാടി പോലീസ് സ്റ്റേഷൻ സബ് ഇൻസ്പെക്ടർമാരായ ആനന്ദ് ടി, സുനിൽകുമാർ കെ.എൻ എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. പോലീസ് സംഘത്തിൽ സി.പി.ഒമാരായ സനൂപ്, ജബിൻ ജോയ് എന്നിവരും ഉണ്ടായിരുന്നു
യൂത്ത് ലീഗ് ജില്ലാ സമ്മേളനത്തിന് ഉജ്ജ്വല സമാപ്തി
മാനന്തവാടി: ഫാസിസവും വര്‍ഗീയതയും തീര്‍ക്കുന്ന ഭീഷണികള്‍ക്ക് മേല്‍, ജനാധിപത്യവും മതേതരത്വവും ബദലാക്കി മുസ്ലിം യൂത്ത് ലീഗിറങ്ങിയപ്പോള്‍ വടക്കേ വയനാടിന്റെ ഹൃദയഭൂമി അക്ഷരാര്‍ത്ഥത്തില്‍ ആവേശത്തേരിലേറി. പ്രതീക്ഷയുടെ യുവശബ്ദം നഗരവീഥികളെ പ്രകമ്പനം കൊള്ളിച്ചപ്പോള്‍, ഇളക്കം തട്ടിയത് വര്‍ഗീഗ ഫാസിസ്റ്റ് ഭരണകൂടത്തിനാണ്. ആവേശത്തിരയിളക്കമായി ജനസാഗരം തീര്‍ത്താണ് മുസ്ലിം യൂത്ത് ലീഗ് ജില്ലാ സമ്മേളന റാലി ഗാന്ധി പാര്‍ക്കില്‍ സമാപിച്ചത്. ആയിരക്കണക്കിന് യുവജന പ്രവര്‍ത്തകര്‍ അണിനിരന്ന റാലി നഗരത്തെ പൂര്‍ണ്ണമായും ഹരിതാഭമാക്കി. ബാന്‍ഡ് മേളങ്ങളുടെ അകമ്പടിയോടും വിപ്ലവാത്മകമായ അക്ഷരങ്ങള്‍ തീര്‍ത്ത പ്ലക്കാര്‍ഡുകളോടും കൂടിയാണ് പദയാത്ര മുന്നേറിയത്. നഗരവീഥികളെ ജനനിബിഡമാക്കിയ പ്രകടനം സംഘടനയുടെ കെട്ടുറപ്പും സംഘടനാ കരുത്തും വിളിച്ചോതുന്നതായിരുന്നു. കേന്ദ്രസംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരെയും അവകാശ സംരക്ഷണത്തിനായും ഉയര്‍ന്നു കേട്ട മുദ്രാവാക്യങ്ങള്‍ റാലിക്ക് ആവേശകരമായ പശ്ചാത്തലമൊരുക്കി. യൂത്ത് ലീഗ് ജില്ലാ നേതാക്കള്‍ റാലിയുടെ മുന്‍നിരയില്‍ അണിനിരന്നു. ലീഗിന്റെയും പോഷക സംഘടനകളുടെയും മുതിര്‍ന്ന നേതാക്കള്‍ പ്രകടനത്തെ അഭിവാദ്യം ചെയ്തു.തുടര്‍ന്ന് ഗാന്ധിപാര്‍ക്കില്‍ നടന്ന പൊതുസമ്മേളനം തദ്ദേശ സ്വയം ഭരണ വകുപ്പ് മന്ത്രി കെ എം ഷാജി ഉദ്ഘാടനം ചെയ്തു. യൂത്ത് ലീഗ് ജില്ലാ പ്രസിഡണ്ട് എം പി നവാസ് അദ്ധ്യക്ഷത വഹിച്ചു. മുസ്ലിം യൂത്ത് ലീഗ് ദേശീയ ജനറല്‍ സെക്രട്ടറി ഷിബു മീരാന്‍ മുഖ്യപ്രഭാഷണം നടത്തി. ഉഷാ വിജയന്‍ എം എല്‍ എ മുഖ്യാതിഥിയായി. മുസ്ലിം ലീഗ് ജില്ലാ പ്രസിഡണ്ട്കെ കെ അഹമ്മദ് ഹാജി,ജനറല്‍ സെക്രട്ടറി ടി മുഹമ്മദ്, സ്വാഗത സംഘം ട്രഷറര്‍ യഹ്‌യാ ഖാന്‍ തലക്കല്‍, വര്‍ക്കിംഗ് ചെയര്‍മാന്‍ ടി മൊയ്തു, എം എസ് എഫ് സംസ്ഥാന സെക്രട്ടറി ഫായിസ് തലക്കല്‍ എന്നിവര്‍ സംസാരിച്ചു.ജില്ലാ ജനറല്‍ സെക്രട്ടറി സി എച്ച് ഫസല്‍ സ്വാഗതവും സെക്രട്ടറി പി കെ സലാം നന്ദിയും പറഞ്ഞു. വൈസ് പ്രസിഡണ്ട് ജാഫര്‍ മാസ്റ്റര്‍ പ്രമേയം അവതരിപ്പിച്ചു. മുസ് ലിം ലീഗ് ജില്ലാ ഭാരവാഹികളായ എന്‍ കെ റഷീദ്, റസാഖ് കല്‍പ്പറ്റ,എം മുഹമ്മദ് ബഷീര്‍, എന്‍ നിസാര്‍ അഹമ്മദ്, വി അസൈനാര്‍ ഹാജി, അബ്ദുല്ല മാടക്കര, അഡ്വ. എം സി എം ജമാല്‍, പി പി അയ്യൂബ്, കെ ഹാരിസ്, സി കുഞ്ഞബ്ദുല്ല, വള്ള്യാട്ട് അബ്ദുല്ല, അസീസ് കെ സി, മണ്ഡലം ലീഗ് ഭാരവാഹികളായ സലീം മേമന, എം എ അസൈനാര്‍, കൊച്ചി ഹമീദ്, ഹംസ കടവന്‍, സി കെ ഹാരിഫ് എന്നിവര്‍ സംസാരിച്ചു.
ചിത്രഗിരി ജി.എൽ.പി. സ്കൂളിൽ ലഹരിവിരുദ്ധ ബോധവൽക്കരണ സെമിനാർ സംഘടിപ്പിച്ചു
മൂപ്പൈനാട്: പുതുതലമുറയെ ലഹരിയുടെ പിടിയിൽനിന്ന് സംരക്ഷിക്കാൻ വീടും വിദ്യാലയവും ഒരുമിച്ചുനിൽക്കണമെന്ന സന്ദേശമുയർത്തി ചിത്രഗിരി ഗവ.എൽ.പി. സ്കൂളിൽ ലഹരിവിരുദ്ധ ബോധവൽക്കരണ സെമിനാർ നടന്നു.സ്കൂൾ പിടിഎയും ആരോഗ്യവകുപ്പും സംയുക്തമായി എക്സൈസ് വിമുക്തി മിഷന്റെ സഹകരണത്തോടെയാണ് രക്ഷാകർത്താക്കൾക്കായി പരിപാടി സംഘടിപ്പിച്ചത്.പിടിഎ പ്രസിഡന്റ് കെ.എം.ജെയിംസിന്റെ അധ്യക്ഷതയിൽ ചേർന്ന സമ്മേളനം മൂപ്പൈനാട് ഗ്രാമപഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാൻ ജോളി സ്‌കറിയ ഉദ്ഘാടനം ചെയ്തു. പ്രഥമാധ്യാപിക പി.പ്രജിത സ്വാഗതം പറഞ്ഞു.‘കരുതൽ; നമ്മുടെ മക്കൾക്കായി ഒരു സുരക്ഷിത നാളെ’ എന്ന വിഷയത്തിൽ എക്സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം മുഖ്യപ്രഭാഷണവും ക്ലാസും നയിച്ചു. കുട്ടികളിലെ സ്വഭാവ–മാനസിക വ്യതിയാനങ്ങൾ കൃത്യസമയത്ത് തിരിച്ചറിയാൻ രക്ഷിതാക്കൾക്ക് സാധിക്കണമെന്നും, വീടകങ്ങളിൽ നൽകുന്ന കരുതലും തുറന്ന ആശയവിനിമയവുമാണ് ലഹരിക്കെതിരെയുള്ള ഏറ്റവും വലിയ പ്രതിരോധമെന്നും അദ്ദേഹം ഓർമ്മിപ്പിച്ചു.മൂപ്പൈനാട് ഫാമിലി ഹെൽത്ത് സെന്റർ ഹെൽത്ത് ഇൻസ്പെക്ടർ കെ.ടി.ഇന്ദുലേഖ, ജൂനിയർ ഹെൽത്ത് ഇൻസ്പെക്ടർ എം.വി. അജേഷ് കുമാർ, എസ്.എം.സി.ചെയർമാൻ എം.മുഹമ്മദ് സുനിത്ത് എന്നിവർ ആശംസകൾ അർപ്പിച്ചു.സ്കൂൾ സീനിയർ അസിസ്റ്റന്റ് എൻ.ദിവ്യ നന്ദി പറഞ്ഞു.നിരവധി രക്ഷിതാക്കളും അധ്യാപകരും പരിപാടിയിൽ പങ്കെടുത്തു.
"മണ്ണിനെ സ്നേഹിച്ച് മണ്ണിലേക്ക് മടങ്ങി"പത്മശ്രീ ചെറുവയല്‍ രാമന്
മലയാളികളുടെ നെല്ലച്ഛനായപത്മശ്രീ ചെറുവയല്‍ രാമന് നാടിന്റെ അന്ത്യാഞ്ജലി. കമ്മന നവോദയം എല്‍.പി സ്‌കൂള്‍ അങ്കണത്തില്‍ നടന്ന പൊതുദര്‍ശനത്തില്‍ ആയിരങ്ങളുടെ ആദരാഞ്ജലികള്‍ ഏറ്റുവാങ്ങിയാണ് നെല്‍വിത്തുകളുടെ സംരക്ഷകന്‍ വിടവാങ്ങിയത്. പരമ്പരാഗത നെല്‍വിത്തുകളുടെ സംരക്ഷകനും പരിസ്ഥിതി സ്നേഹിയുമായിരുന്ന ചെറുകര രാമന് എന്ന ചെറുവയല്‍ രാമേട്ടന് ഇനി ഓര്‍മ്മകളില്‍ നാമ്പിടും. ശാരീരിക അസ്വസ്ഥതയെ തുടര്‍ന്ന് കോഴിക്കോട് മെഡിക്കല്‍ കോളെജ് ആശുപത്രിയില്‍ ചികിത്സയിലായിരുന്ന ചെറുവയല്‍ രാമന് ഒക്ടോബര്‍ 14 വൈകിട്ട് 3.30 ഓടെയാണ് അന്തരിച്ചത്. രാമേട്ടന്റെ ജീവിതം സ്വാഭാവിക പ്രകൃതി പാഠമാണ്. പരമ്പരാഗത നെല്‍ വിത്തുകളുടെ സൂക്ഷിപ്പുകാരനായ ചെറുവയല്‍ രാമന് 45 ഇനം നെല്ല് വിത്തുകളാണ് കൃഷി ചെയ്ത് സംരക്ഷിക്കുന്നത്. ചെന്നെല്ല്, ഗന്ധകശാല, മുല്ലന്‍പുഞ്ച ഉള്‍പ്പെടെ അപൂര്‍വ്വ നാടന്‍ നെല്‍വിത്തുകള്‍ സംരക്ഷിച്ച് കാര്‍ഷിക പാരമ്പര്യത്തെ അദ്ദേഹം സംരക്ഷിച്ചുപോന്നു. പരമ്പരാഗത അറിവുകളാല്‍ മണ്ണില്‍ പൊന്ന് വിളയിച്ചാണ് നാടിന്റെ പത്മശ്രീ വിടവാങ്ങിയത്.മണ്ണ് കൊണ്ട് മെഴുകി നെല്‍കറ്റയാല്‍ മേഞ്ഞ പുല്ലുപുരയില്‍ കൃഷിപാഠങ്ങള്‍ പഠിക്കാനെത്തിയ വീട്ടിലേക്ക് കൈകളില്‍ പൂച്ചെണ്ടുമായി നീണ്ട നിരയാണ് രാമേട്ടന് അന്ത്യാഞ്ജലി നേരാന്‍ കാത്തുനിന്നത്. പരമ്പരാഗത കൃഷി രീതികള്‍ കൈമുതലാക്കിയ കേവലം ഒരു കര്‍ഷകന്‍ എന്നതിലുപരി, വരും തലമുറയ്ക്കായി പ്രകൃതിയുടെ അക്ഷയഖനി കാത്തുസൂക്ഷിച്ച അസാധാരണക്കാരനായ മനുഷ്യനെയാണ് വയനാടിനും കാര്‍ഷിക മേഖലയ്ക്കും നഷ്ടമായത്. പരമ്പരാഗത നെല്‍ കൃഷി സംരക്ഷണത്തിന് 2023- ല്‍ രാജ്യം പത്മശ്രീ നല്‍കി ആദരിച്ചു. 2011 ല്‍ ഹൈദരാബാദില്‍ നടന്ന ജൈവവൈവിധ്യ സംരക്ഷണ സമ്മേളനത്തില്‍ കേരളത്തിലെ കര്‍ഷകരെ പ്രതിനിധീകരിച്ച് പങ്കെടുത്തത് ചെറുവയല്‍ രാമനായിരുന്നു. 2016-ല്‍ ജനിതക സംരക്ഷണ പുരസ്‌കാരവും ദേശീയ പ്ലാന്റ് ജീനോം സേവിയര്‍ അവാര്‍ഡും ലഭിച്ചു. 2026-ല്‍ കാര്‍ഷിക മേഖലയിലെ സമഗ്ര സംഭാവനയ്ക്ക് മുന്‍ മുഖ്യമന്ത്രി ഉമ്മന്‍ചാണ്ടിയുടെ പേരില്‍ കൃഷി വകുപ്പ് ഏര്‍പ്പെടുത്തിയ പുരസ്‌കാരവും ലഭിച്ചു. മണ്ണിന്റെ സുഗന്ധമുള്ള ചെറുവയല്‍ വീടിന്റെ ഉമ്മറത്ത് ഇനി രാമേട്ടനില്ല.
നെല്‍വിത്തുകളുടെ കാവലാള്‍ക്ക് നാടിന്റെ വിട
പാരമ്പര്യ നെല്‍വിത്തുകളുടെ കാവലാളും പത്മശ്രീ പുരസ്‌കാര ജേതാവുമായ പത്മശ്രീ ചെറുവയല്‍ രാമന് നാടിന്റെ വിട. സംസ്ഥാന സര്‍ക്കാരിന്റെ പൂര്‍ണ്ണ ഔദ്യോഗിക ബഹുമതികളോടെ കമ്മനയിലെ ചെറുവയല്‍ വീട്ടിലാണ് ശവസംസ്‌കാര ചടങ്ങുകള്‍ നടന്നത്. രാവിലെ (ഒക്ടോബര്‍ 15) 8.30 ഓടെ കമ്മന നവോദയം എല്‍.പി സ്‌കൂളില്‍ നടന്ന പൊതുദര്‍ശനം ഉച്ചയ്ക്ക് 12.30 വരെ നീണ്ടു. പൊതുദര്‍ശനത്തില്‍ ചെറുവയല്‍ രാമന്റെ ഭൗതിക ശരീരത്തില്‍ ഗവര്‍ണര്‍, മുഖ്യമന്ത്രി, സംസ്ഥാന സര്‍ക്കാര്‍ എന്നിവര്‍ക്കുവേണ്ടി ജില്ലാ കളക്ടര്‍ വി ചെല്‍സാസിനി പുഷ്പചക്രം അര്‍പ്പിച്ചു. കൃഷി വകുപ്പ് മന്ത്രി അഡ്വ. ടി സിദ്ദീഖ് ഭൗതിക ശരീരത്തില്‍ പുഷ്പചക്രം അര്‍പ്പിച്ചു. റവന്യൂ മന്ത്രിക്കു വേണ്ടി സബ് കളക്ടര്‍ അതുല്‍ സാഗര്‍ പുഷ്പചക്രം അര്‍പ്പിച്ചു. എം.എല്‍.എ ഉഷാ വിജയന്‍, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍, മുന്‍ മന്ത്രിമാരായ ഒ.ആര്‍ കേളു, എം.വി ഗോവിന്ദന്‍ മാസ്റ്റര്‍, എ.കെ ശശീന്ദ്രന്‍, പി.കെ ജയലക്ഷ്മി, മിസോറാം മുന്‍ ഗവര്‍ണര്‍ കുമ്മനം രാജശേഖരന്‍, ജില്ലാ പോലീസ് മേധാവി എസ് ദേവമനോഹര്‍, ഫോക്ലോര്‍ അക്കാദമി ചെയര്‍മാന്‍ സുരേഷ് ഇളയാവൂര്‍, ജില്ലാ പഞ്ചായത്ത് വൈസ് പ്രസിഡന്റ് ടി. ഹംസ, മാനന്തവാടി-കല്‍പ്പറ്റ-സുല്‍ത്താന്‍ ബത്തേരി- നഗരസഭ അധ്യക്ഷന്‍ ജേക്കബ് സെബാസ്റ്റ്യന്‍, പി. വിശ്വനാഥന്‍, റസീന അബ്ദുള്‍ ഖാദര്‍, മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമന്, എടവക-കോട്ടത്തറ- തവിഞ്ഞാല്‍ ഗ്രാമപഞ്ചായത്ത് പ്രസിഡന്റുമാരായ ഗിരിജ സുധാകരന്‍, സി.സി രജിത, എം.ജി ബിജു, ത്രിതല പഞ്ചായത്ത് പ്രതിനിധികള്‍, സാമുദായിക- സാമൂഹിക-സാംസ്കാരിക-രാഷ്ട്രീയ മേഖലകളിലെ പ്രമുഖര്‍, ഉദ്യോഗസ്ഥര്‍, വിദ്യാര്‍ഥികള്‍, കര്‍ഷകര്‍ തുടങ്ങി നിരവധി പേരാണ് ചെറുവയല്‍ രാമന് അന്ത്യോപചാരമര്‍പ്പിക്കാനെത്തിയത്. ഉച്ചയ്ക്ക് 2.15 വരെ വീട്ടില്‍ നടന്ന പൊതുദര്‍ശനത്തിന് ശേഷം കമ്മന കൊടുമയില്‍ കുടുംബ ശ്മശാനത്തില്‍ സംസ്കാരം നടന്നു.
പത്മശ്രീ ചെറുവയൽ രാമന്റെ വേർപാട്; സർവ്വകക്ഷി അനുശോചന യോഗം, ഇന്ന് വൈകുന്നേരം 4 മണിക്ക് മാനന്തവാടി ഗാന്ധി പാർക്കിൽ
പത്മശ്രീ ചെറുവയൽ രാമൻ്റെ നിര്യാണത്തിൽ അനുശോ ചിച്ചുകൊണ്ടുള്ള സർവകക്ഷി അനുശോചനയോഗം ഇന്ന് വൈകുന്നേരം 4 മണിക്ക് മാനന്തവാടി ഗാന്ധി പാർക്കിൽ നടക്കും. കമ്മന നടത്താനിരുന്ന യോഗം ജനബാഹുല്യം പ്രതീക്ഷിച്ചാണ് മാനന്തവാടി ടൗണിലേക്ക് മാറ്റിയത്. പോസ്റ്റ് ഓഫീസ് ജംഗ്ഷനിൽ നിന്നും മൗന ജാഥ ആരംഭിച്ച് നാലരയോട് കൂടി ഗാന്ധി പാർക്കിൽ അനുസ്‌മരണ സമ്മേളനംആരംഭിക്കുന്നതാണ്.
തദ്ദേശ പ്രതിനിധികളുടെ ഓണറേറിയം വർധിപ്പിക്കാനുള്ള തീരുമാനം സ്വാഗതാർഹം;എൽജി എംഎൽ മാനന്തവാടി മണ്ഡലം കമ്മിറ്റി.
തദ്ദേശസ്വയംഭരണ സ്ഥാപനങ്ങളിലേക്ക് തെരഞ്ഞെടുക്കപ്പെട്ടിട്ടുള്ള ജനപ്രതിനിധികൾക്ക് ലഭിക്കുന്ന ഓണറേറിയം കാലോചിതമായി വർദ്ധിപ്പിക്കുന്ന കാര്യം സർക്കാരിന്റെ പരിഗണനയിൽ ആണെന്നും ജനുവരി 1 മുതൽ വർദ്ധന പ്രാബല്യത്തിൽ വരുമെന്നും ഉള്ള തദ്ദേശ സ്വയംഭരണ വകുപ്പ് മന്ത്രിയുടെ പ്രഖ്യാപനം സ്വാഗതാർഹം ആണെന്ന് മാനന്തവാടി മണ്ഡലം എൽജിഎംഎൽ ജനറൽ ബോഡി യോഗം പറഞ്ഞു. സാധാരണക്കാരുമായി ഏറ്റവും താഴെത്തട്ടിൽ ഇടപെടുന്നത് ജനപ്രതിനിധികളായ പഞ്ചായത്ത് മെമ്പർമാരാണ്. ജനങ്ങളുടെ പ്രയാസങ്ങളും പ്രശ്നങ്ങളും നേരിട്ട അറിയുന്നത് ഇവർ കാണന്നും എംഎൽഎമാരെക്കാളും മന്ത്രിമാരേക്കാളും സാധാരണക്കാരന്റെ പ്രയാസങ്ങൾ പരിഹരിക്കുന്നതിന് പഞ്ചായത്ത് മെമ്പർമാരാണ് നേരിട്ട് ഇടപെടുന്നതും എന്നുമുള്ള മന്ത്രിയുടെ പ്രസ്താവന ജനപ്രതിനിധികൾക്ക് ഏറെ അഭിമാനവും ആവേശവും നൽകുന്നതാണ്. പാവപ്പെട്ട ഒരാൾക്ക് അയാൾക്ക് അവകാശപ്പെട്ട ഒരു കാര്യം ലഭിക്കുന്നതിന് നിലവിലെ നിയമം തടസ്സം നിൽക്കുന്നുണ്ടെങ്കിൽ അക്കാര്യം സർക്കാരിന്റെ ശ്രദ്ധയിൽ കൊണ്ടുവന്ന് ആവശ്യമായ നിയമനിർമ്മാണം നടത്തുന്നതിന് മെമ്പർമാർ മുൻകൈയെടുക്കണം എന്നുള്ള പഞ്ചായത്ത് വകുപ്പ് മന്ത്രിയുടെ പ്രസ്താവന ഏറെ പ്രതീക്ഷ നൽകുന്നു. പെൻഷൻ നടപടികൾ ലഘൂകരിക്കുവാനും. തദ്ദേശ വകുപ്പിലെ വിവിധ വിഭാഗങ്ങൾക്ക്. ജനപ്രതിനിധികൾ ഉൾപ്പെടെ യുള്ളവർക് നൽകിയ ഉത്സവബത്ത അടക്കമുള്ള കാര്യങ്ങൾ തദ്ദേശ വകുപ്പിന്റെ ചരിത്രത്തിൽ എന്നും ഓർമ്മിക്കപ്പെടും. എൻ ആർ ഇ ജി. എൽ എസ് ജി ഡി. ഉൾപ്പെടെയുള്ള പദ്ധതികളിൽ പൂർത്തീകരിച്ച പ്രവർത്തികൾക്ക് നൽകാനുള്ള തുക എത്രയും പെട്ടെന്ന് നൽകുന്നതിന് ആവശ്യമായിട്ടുള്ള നടപടികൾ സ്വീകരിക്കണമെന്നും യോഗം ആവശ്യപ്പെട്ടു. എൽജി എം എൽ ജില്ലാ ജനറൽ സെക്രട്ടറി അബ്ദുല്ല കേളോത്ത് അധ്യക്ഷത വഹിച്ചു. സംസ്ഥാന സെക്രട്ടറി ഹാരിസ് കണ്ടിയൻ യൻ ഉദ്ഘാടനം ചെയ്തു.ജില്ലാ സെക്രട്ടറി പി.കെസലാം സ്വാഗതം പറഞ്ഞുകമർലൈല വെള്ളമുണ്ട ഗ്രാമ പഞ്ചായത്ത് പ്രസിഡണ്ട് ലഷ്മിആലക്കാമുറ്റം, പനമരം ഗ്രാമപഞ്ചായത്ത് പ്രസിഡണ്ട് സി കുഞ്ഞബ്ദുല്ല, പ്രീതാരാമൻ. പി വി എസ് മൂസ, സൗജത്ത്ഉസ്‌മാൻ എന്നിവർ സംസാരിച്ചു.
ട്രാഫിക് ഡിവൈഡറിൽ കാർ ഇടിച്ച്ലക്കിടി സ്വദേശിക്ക് നിസാര പരിക്ക്
മാനന്തവാടി വള്ളിയൂർക്കാവ് റോഡിലെ ട്രാഫിക് ഡിവൈഡറിലാണ് കാറിടിച്ചത്. ഇന്ന് പുലർച്ചെ ആറുമണിയോടെയായിരുന്നു അപകടം.
ചെറുവയൽ രാമൻ്റെ വിയോഗം; അഗാധദുഃഖം രേഖപ്പെടുത്തി രാഹുൽഗാന്ധിയും പ്രിയങ്കാഗാന്ധിയും
പത്മശ്രീ ചെറുവയൽ രാമൻ്റെ നിര്യാണത്തിൽ അഗാധദുഃഖംരേഖപ്പെടുത്തി ലോക്സഭാ പ്രതിപക്ഷനേ‌താവ് രാഹുൽഗാന്ധിയും പ്രിയങ്ക ഗാന്ധി എം പിയും. വയനാടിന്റെ തനതായ നെൽവിത്തുകൾ സംരക്ഷി ക്കുന്നതിനും, ആദിവാസികളുടെ തലമുറകളുടെ അറിവ് നിലനിർത്തുന്ന തിനും വേണ്ടി അദ്ദേഹം തൻ്റെ ജീവിതം സമർപ്പിച്ചുവെന്നും രാഹുൽ സോ ഷ്യൽമീഡിയയിൽ കുറിച്ചു. വയനാടൻ ജനതയോടൊപ്പം ഞാനും ദുഃഖ ത്തിൽ പങ്കുചേരുന്നു. അദ്ദേഹത്തിൻ്റെ കുടുംബത്തിനും അദ്ദേഹത്തെ സ്നേഹിച്ച എല്ലാവരുടെയും ദുഖത്തിൽ പങ്കുചെരുന്നതായും അദ്ദേഹം കുറിച്ചു. നെല്ലിനെയും കൃഷിയെയും കുറിച്ചുള്ള അറിവിൽ പ്രതിഭയാ യിരുന്നു ചെറുവയൽ രാമനെന്ന് പ്രിയങ്കാഗാന്ധി എം പി സോഷ്യൽ മീഡി യയിൽ കുറിച്ചു. സ്വന്തം സംസ്‌കാരത്തിൻ്റെയും പാരമ്പര്യത്തിന്റെയും വലിയ മൂല്യം അദ്ദേഹം മനസിലാക്കി. അദ്ദേഹം തന്റെ പൈതൃകത്തിൽ അഭിമാനിക്കുകയും അതുമുറുകെ പിടിച്ചുകൊണ്ട് ജീവിക്കുകയും ചെയ്തുവെന്നും പ്രിയങ്ക അനുശോചനസന്ദേശത്തിൽ കുറിച്ചു.
ചെറുവയൽ രാമന്റെ വിയോഗത്തിൽ മുഖ്യമന്ത്രി വി.ഡി സതീശൻ അനുശോചിച്ചു.
വയനാടിന്റെ മണ്ണിൽ തലമുറകളുടെ ഓർമ്മകൾക്ക് കാവൽ നിന്ന കർഷകനായിരുന്നു ചെറുവയൽ രാമനെന്നും യു.ഡി.എഫ് സർക്കാർ അധികാരമേറ്റെടുത്ത ശേഷം ചിങ്ങം ഒന്നിന് പ്രഖ്യാപിച്ച പ്രഥമ ഉമ്മൻചാണ്ടി സ്മാരക കാർഷിക പുരസ്ക്‌കാരം അദ്ദേഹത്തിന് സമ്മാനിക്കാൻ കഴിഞ്ഞത് വലിയ സന്തോഷവും അഭിമാനവുമായിരുന്നു എന്നും മുഖ്യമന്ത്രി.
പത്മശ്രീ ചെറുവയൽ രാമൻ്റെ സംസ്കാരം നാളെ
മാനന്തവാടി: വയനാട്ടിലെ പാരമ്പര്യ നെൽവിത്തുകളുടെ സംരക്ഷകനും പത്മശ്രീ പുരസ്ക്‌കാര ജേതാവുമായ ചെറുവയൽ രാമൻ്റെ (74) സംസ്കാരം നാളെ നടക്കും. ഇന്ന് രാത്രി എട്ട് മണിയോടെ ദൗതീക ശരീരം വീട്ടിലെത്തിക്കും. നാളെ രാവിലെ 9 മണി മുതൽ 12 വരെ കമ്മന നവോദയ എൽ പി സ്കൂളിൽ ഭൗതികശരീരം പൊതുദർശന ത്തിന് വെക്കും. തുടർന്ന് രണ്ട് മണിയോടെ സംസ്‌കാര ചടങ്ങുകൾ ആരംഭിക്കും. ചെറുവയൽ കുറിച്യ സമുദായ ശ്‌മശാനത്തിൽ ഔ ദ്യോഗിക ബഹുമതികളോടെയായിരിക്കും സംസ്കാരം. സംസ്ഥാന ത്തെ വിവിധ മന്ത്രിമാർ, രാഷ്ട്രീയസാംസ്കാരികസാമൂഹിക മേഖല കളിലെ പ്രമുഖരും സംസ്‌കാര ചടങ്ങുകളിൽ പങ്കെടുത്തേക്കും. വാർദ്ധക്യസഹജമായ അസുഖങ്ങളെത്തുടർന്ന് കോഴിക്കോട് മെഡി ക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു അദ്ദേഹത്തിന്റെ അന്ത്യം.
ശിൽപ്പശാല സംഘടിപ്പിച്ചു
പള്ളിക്കൽ സുന്നി മഹല്ല് ഫെഡറേഷൻ ഗോൾഡൻ ജൂബിലിയുടെ ഭാഗമായി രൂപീകരിക്കുന്ന സുന്നി മഹല്ല് ആക്ടീവ് റെസ്പോൺസ് ടീം ( സ്മാർട്ട്) എടവക പഞ്ചായത്ത് ശിൽപശാല ചുണ്ടമുക്ക് രണ്ടേകാൽ മദ്രസയിൽ സംഘടിപ്പിച്ചു. മാനന്തവാടി മേഖല സെക്രട്ടറി അലി ബ്രാൻ ഉദ്ഘാടനം ചെയ്തു. എസ് എം എഫ് ഓർഗനൈസർ സിദ്ധീഖ് റഹ്മാനി വെള്ളമുണ്ട സ്മാർട്ട് ടീം വിഷൻ ആൻഡ് മിഷൻ അവതരിപ്പിച്ചു. പഞ്ചായത്ത് പ്രസിഡന്റ് ഖാലിദ് അധ്യക്ഷത വഹിച്ച യോഗത്തിൽ പഞ്ചായത്ത് സെക്രട്ടറി മാലിക് ,സത്താർ എന്നിവർ സംസാരിച്ചു. സ്മാർട്ട് ടീം പഞ്ചായത്ത് സമിതി ചെയർമാനായി ജെറീഷ് എം എം വൈസ് ചെയർമാനായി ഫൈസൽ എ,ഡയറക്ടറായി സഫീർ എം,കോ. ഓഡിനേറ്ററായി ഈസ് അത്തോളി എന്നിവരെയും അംഗങ്ങളായി ഷഹരിയാസ് കെ,ഷാബിത്ത് സി എച്ച് ,മുഹമ്മദ് കളരിത്തൊടി, ഫാസിൽ തോടൻ,കബീർ,സജീർ വി കെ എന്നിവരെയും തെരഞ്ഞെടുത്തു.
കാറും സ്‌കൂട്ടറും കൂട്ടിയിടിച്ച് രണ്ട് പേർക്ക് പരിക്ക്
മാനന്തവാടി മേരിമാതാ കോളേജിന് സമീപം വൈകീട്ട് 3.30 ഓടെയാണ് അപകടം. സ്‌കൂട്ടർ യാത്രികരായ കാട്ടിക്കുളം സ്വദേശികളായ വെള്ളാഞ്ചേരി പാർത്ഥിപൻ (18), എടയൂർക്കുന്ന് അജിനാസ് (18) എന്നിവർക്കാണ് പരിക്കേറ്റത്. ഇവരെ വയനാട് മെഡിക്കൽ കോളേജിൽ പ്രവേശിപ്പിച്ചു.
തവിഞ്ഞാൽ ഗ്രാമപഞ്ചായത്തിൽ നിരോധിത പ്ലാസ്റ്റിക്ക് പിടിച്ചെടുത്തു.
തവിഞ്ഞാൽ ഗ്രാമപഞ്ചായത്തിനെ മാലിന്യമുക്തവും പ്ലാസ്റ്റിക് മുക്തവുമാക്കുന്നതിന്റെ ഭാഗമായി പഞ്ചായത്തിലെ വിവിധ പ്രദേശങ്ങളിൽ ശുചിത്വ ഡ്രൈവും വ്യാപക പരിശോധനയും നടത്തി. പൊതുസ്ഥലങ്ങളിലും വഴിയോരങ്ങളിലും അനധികൃതമായി സ്ഥാപിച്ചിരുന്ന ഫ്ലക്സ് ബോർഡുകൾ, കൊടിതോരണങ്ങൾ, ബാനറുകൾ എന്നിവ നീക്കം ചെയ്തു. വിവിധ സ്ഥാപനങ്ങളില്‍ നടത്തിയ പരിശോധനയിൽ നിരോധിത പ്ലാസ്റ്റിക് ഉത്പന്നങ്ങളും കണ്ടെടുത്തു. നിയമലംഘനം നടത്തിയവർക്കെതിരെ ഫൈൻ ചുമത്തുകയും നോട്ടീസ് അയക്കുകയും ചെയ്തതായി പഞ്ചായത്ത് സെക്രട്ടറി അറിയിച്ചു. ഗ്രാമപഞ്ചായത്തിലെ എല്ലാ വാർഡുകളിലും വരും ദിവസങ്ങളിലും പരിശോധന തുടരും. പൊതുസ്ഥലങ്ങൾ മലിനമാക്കുന്നവർക്കും നിരോധിത പ്ലാസ്റ്റിക് ഉപയോഗിക്കുന്നവർക്കും എതിരെ കർശന നിയമനടപടികൾ സ്വീകരിക്കും. പഞ്ചായത്തിനെ മാലിന്യമുക്തമാക്കാന്‍ എല്ലാവരുടേയും പൂർണ്ണ സഹകരണം ഉണ്ടാകണമെന്ന് സെക്രട്ടറി പറഞ്ഞു.
കാപ്പ ചുമത്തി നാടുകടത്തി
മാനന്തവാടി : സ്ഥിരം കുറ്റവാളിയെ കാപ്പ നിയമ പ്രകാരം നാട് കടത്തി. നല്ലൂർനാട്, പായോട്, കിഴക്കൻ ചാലിൽ വീട്ടിൽ കെ. ഇബ്രാഹിം (60)നെയാണ് വയനാട് ജില്ലയിൽ നിന്നും നാട് കടത്തിയത്. ഇയാൾക്കെതിരെ കഴിഞ്ഞ 7 വർഷത്തിനുള്ളിൽ മാനന്തവാടി, വെള്ളമുണ്ട സ്റ്റേഷൻ പരിധികളിൽ കവർച്ച, മോഷണം, ലഹരിക്കടത്ത്, അബ്കാരി തുടങ്ങി 10 ഓളം കേസുകളുണ്ട്. നിരന്തരം കുറ്റകൃത്യങ്ങളിൽ ഉൾപ്പെടുന്ന ഇയാളെ കേരള സാമൂഹ്യ വിരുദ്ധ പ്രവർത്തനങ്ങൾ (തടയൽ) നിയമം വകുപ്പ് 15(1) (KAAPA)പ്രകാരം ജില്ലയിൽ നിന്നും 6 മാസത്തേക്കാണ് നാടുകടത്തിയത്. ഉത്തരവ് ലംഘിച്ചാൽ മൂന്നു വർഷം വരെ തടവു ശിക്ഷയും ലഭിക്കാവുന്ന കുറ്റമാണ്. വയനാട് ജില്ലാ പോലീസ് മേധാവി എസ്. ദേവമനോഹർ ഐ.പി.എസ് സമർപ്പിച്ച റിപ്പോർട്ടിന്റെ അടിസ്ഥാനത്തിൽ കണ്ണൂർ മേഖല ഡി.ഐ.ജി കെ. കാർത്തിക് ഐ.പി.എസിന്റെ ഉത്തരവ് പ്രകാരമാണ് നടപടി.
കെഎസ്ആർടിസി ഡിപ്പോയിൽ ശുചീകരണം നടത്തി പോളിടെക്നിക്ക് വിദ്യാർഥികൾ
മാനന്തവാടി ഗവ പോളിടെക്നിക്ക് കോളേജ് എൻ. എസ്. എസ് യൂണിറ്റിന്റെ നേതൃത്വത്തിൽ മാനന്തവാടി കെഎസ്ആർടിസി ഡിപ്പോയിലും ഗാരേജ് പരിസരത്തും ശുചീകരണ പ്രവർത്തനങ്ങൾ സംഘടിപ്പിച്ചു. ഗാന്ധിജിയുടെ ശുചിത്വ സന്ദേശം വിദ്യാർത്ഥികളിലേക്കും സമൂഹത്തിലേക്കും എത്തിക്കുക എന്ന ലക്ഷ്യത്തോടെയാണ് പരിപാടി നടത്തിയത്.പരിപാടിയുടെ ഉദ്ഘാടനം മാനന്തവാടി കെഎസ്ആർടിസി ഡിപ്പോ സൂപ്രണ്ട് സുധീർ റാം, NSS പ്രോഗ്രാം ഓഫീസർ മുഹമ്മദ് അലി, NSS വോളന്റിയർ സെക്രട്ടറി സിനാൻ അഹമ്മദ്, ഷഹബാൻ എന്നിവരുടെ നേതൃത്വത്തിൽ നടന്നു. ഉദ്ഘാടനത്തിന് ശേഷം NSS വോളണ്ടിയർമാർ വിവിധ സംഘങ്ങളായി തിരിഞ്ഞ് ഡിപ്പോ പരിസരവും ഗാരേജ് പരിസരവും ശുചീകരിക്കുന്ന പ്രവർത്തനങ്ങളിൽ ഏർപ്പെട്ടു.
ചരിത്ര നേട്ടത്തിൽ നാല് വയസ്സുകാരൻ : ഈസ ലാമിൻ ഹാഷിർ ബ്രാൻ ഇന്ത്യാ ബുക് ഓഫ് അച്ചീവർ
വയനാട് സ്വദേശിയായ ഹാഷിർ ബ്രാൻ്റെ മകൻ നാല് വയസ്സുകാരൻ ഈസ ലാമിൻ ബ്രാൻ വെറും 4 മിനിറ്റും 31 സെക്കൻ്റും കൊണ്ട് ഐക്യരാഷ്ട്രസഭ അംഗീകരിച്ച 195 രാജ്യങ്ങളുടെ പേരുകളും പതാകളും പറഞ്ഞു കൊണ്ടാണ് ഐ ബി ആർ അച്ചീവർ എന്ന ബഹുമതിക്ക് അർഹനായത്. മാനന്തവാടി സ്വദേശിയും ഖത്തറിൽ എഞ്ചിനീയറുമായ ഹാഷിർ ബ്രാൻ്റെയും ഷബ്നത്തിൻ്റെയും മകനാണ്. വയനാട്ടിലെ രാഷ്ട്രീയ സാമൂഹിക പ്രവർത്തനങ്ങളിൽ നിറ സാന്നിധ്യമായ അലി ബ്രാൻ്റെ പേരകുട്ടിയാണ് ഈസ ലാമിൻ ഹാഷിർ ബ്രാൻ . അടുത്ത ഘട്ടത്തിൽ ലോക നേട്ടം കൈവരിക്കാനുള്ള ഒരുക്കത്തിലാണ് മിടുക്കനായ ഈ ബാലൻ.
മാനന്തവാടി ഉപജില്ല സ്കൂൾ കായിക മേള സമാപിച്ചു
മരവയൽ: വടക്കേ വയനാട്ടിലെ 1700 ലധികം സ്കൂൾ കായിക പ്രതിഭകൾ മാറ്റുരച്ച മാനന്തവാടി ഉപജില്ല കായിക മേള സമാപിച്ചു.രണ്ട് ദിനങ്ങളിലായി മരവയൽ ജില്ല സ്റ്റേഡിയത്തിൽ നടന്ന കായിക മേള പരാതിരഹിത മത്സരമായി അംഗീകാരം നേടി. അധ്യാപക സംഘടനകളുടെ നേതൃത്വത്തിൽ വിവിധ ഉപസമിതികൾ രൂപീകരിച്ച് മികച്ച രീതിയിലാണ് കായിക മേളയുടെ വിജയത്തിനായി പ്രവർത്തിച്ചത്.ഏച്ചോം സർവ്വോദയ ഹയർ സെക്കണ്ടറി സ്കൂളും പള്ളിക്കുന്ന് ലൂർദ് മാതാ ഹയർസെക്കണ്ടറി സ്കൂളും സംയുക്തമായാണ് കായിക മേളയ്ക്ക് ആതിഥേയത്വംവഹിച്ചത്. സമാപന സമ്മേളനം മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമൻ ഉദ്ഘാടനംചെയ്തു. പനമരം പഞ്ചായത്ത് പ്രസിഡൻ്റ് ലക്ഷ്‌മി ആലക്ക മറ്റം അധ്യക്ഷത വഹിച്ചു. പനമരം ബ്ലോക്ക് പഞ്ചായത്ത് പ്രസിഡന്റ് ദിലീപ് കുമാർ സമ്മാനം വിതരണം നടത്തി.
യുവ ഡോക്ടറെ ആദരിച്ചു.
വെള്ളമുണ്ട പഞ്ചായത്തിലെ മാങ്ങോട് പ്രദേശത്തു നിന്നും എംബിബിഎസിൽ ഉയർന്ന വിജയം നേടിയ സെയ്ദ് അബ്ദുറഹ്മാന്റെയും റസിയയുടെയും മകളായ റാനിയ ഫാത്തിമയെ മാങ്ങോട്ട് വനിതാ കൂട്ടായ്മ ആദരിച്ചു. സിഡിഎസ് ചെയർപേഴ്സൺ സക്കീന.എം നേതൃത്വം നൽകി.
ഉപ തെരഞ്ഞെടുപ്പ്: 60.37 ശതമാനം പോളിങ്
മാനന്തവാടി ബ്ലോക്ക്പഞ്ചായത്തിലെ പള്ളിക്കല്‍ ഡിവിഷനിലേക്ക് നടന്ന ഉപ തെരഞ്ഞെടുപ്പിൽ 60. 37 ശതമാനം പോളിങ് രേഖപ്പെടുത്തി. ആകെയുള്ള 8,808 സമ്മതിദായകരിൽ 5317 വോട്ടർമാരാണ് വോട്ട് രേഖപ്പെടുത്തി. 4173 പുരുഷ വോട്ടർമാരിൽ 2457 പേരും 4635 സ്ത്രീ വോട്ടർമാരിൽ 2860 പേരും വോട്ട് രേഖപ്പെടുത്തി.എടവക ഗ്രാമ പഞ്ചയാത്തിലെ പാണ്ടിക്കടവ്, ചാമാടിപൊയില്‍, പൈങ്ങാട്ടിരി, പായോട്, പുതിയിടംകുന്ന്, പാലമുക്ക്, പള്ളിക്കല്‍ തുടങ്ങി ഏഴ് വാര്‍ഡുകളിലാണ് വോട്ടെടുപ്പ് നടന്നത്. പള്ളിക്കല്‍ ഡിവിഷനിലെ ഏഴ് വാര്‍ഡുകളിലായി 10 പോളിങ് ബൂത്തുകളാണ് ക്രമീകരിച്ചത്. ഇന്ന് (സെപ്റ്റംബർ 29) രാവിലെ 10 മുതൽ മാനന്തവാടി സെൻ്റ് പാട്രിക് സ്കൂളിൽ വോട്ടെണ്ണൽ നടക്കും.
പശു കിണറ്റിൽ അകപ്പെട്ടു; അഗ്നിരക്ഷാസേനയുടെ സമയോചിത ഇടപെടലിൽ രക്ഷപ്പെടുത്തി.
മാനന്തവാടി: എടവക ഗ്രാമപഞ്ചായത്തിലെ 17-ാം വാർഡിൽ കാരക്കുനി നസീർ ചീനയുടെ ആൾമറയില്ലാത്ത കിണറ്റിൽ വലിയ പശു വീഴുകയായിരുന്നു.വിവരം ലഭിച്ചതിനെ തുടർന്ന് മാനന്തവാടി അഗ്നിരക്ഷാ നിലയത്തിലെ സേനാംഗങ്ങൾ ഉടൻ സ്ഥലത്തെത്തി. കിണറിന്റെ ആഴവും പശുവിന്റെ വലിപ്പവും കണക്കിലെടുത്ത് സുരക്ഷാ സംവിധാനങ്ങൾ ഒരുക്കിയ ശേഷം സേനാംഗങ്ങൾ കിണറ്റിലിറങ്ങി പശുവിനെ രക്ഷപ്പെടുത്തുന്നതിനുള്ള നടപടികൾ ആരംഭിച്ചു.കയറുകളും മറ്റ് രക്ഷാപ്രവർത്തന ഉപകരണങ്ങളും ഉപയോഗിച്ച് പശുവിനെ സുരക്ഷിതമായി ബന്ധിപ്പിച്ച്, സേനാംഗങ്ങളുടെയും നാട്ടുകാരുടെയും കൂട്ടായ പരിശ്രമത്തിലൂടെ പശുവിനെ കിണറ്റിൽ നിന്ന് കരയിലേക്ക് ഉയർത്തുകയായിരുന്നു.അഗ്നിരക്ഷാസേനയുടെ സമയോചിതമായ ഇടപെടലിനെ തുടർന്ന് പശുവിനെ സുരക്ഷിതമായി രക്ഷപ്പെടുത്തി ഉടമയ്ക്ക് കൈമാറി.Asto സുരേഷ് കുമാർ ടി.യുടെ നേതൃത്വത്തിൽ Gr.Asto O G പ്രഭാകരൻ,ഫയർ ആൻഡ് റെസ്ക്യൂ ഓഫീസർ മാരായ രജീഷ് കെ,വിനു കെഎം,രാജേഷ് ആർ,അഭിജിത്ത് സിബി,ലജിത്ത് ആർ സി,ഹോം ഗാർഡ് ബിജു എം എസ് എന്നിവരായിരുന്നു സേനാംഗങ്ങൾ..
തുടർ വിദ്യാഭ്യാസ സെമിനാർ സംഘടിപ്പിച്ചു.
മാനന്തവാടി നഗരസഭയും ശ്രീനാരായണഗുരു ഓപ്പൺ യൂണിവേഴ്സിറ്റിയും ജില്ലാ സാക്ഷരതാ മിഷനും സംയുക്തമായി വൈജ്ഞാനിക സാഹിത്യ സാംസ്കാരിക തുടർ വിദ്യാഭ്യാസ സെമിനാർ സംഘടിപ്പിച്ചു. നഗരസഭാ ചെയർമാൻ ജേക്കബ് സെബാസ്റ്റ്യൻ ഉദ്ഘാടനം ചെയ്തു. ബിരുദ പഠനം ജനകീയമാക്കിക്കൊണ്ട് ഏതൊരാൾക്കും ബിരുദ പഠനത്തിന് അവസരം ഒരുക്കുമെന്ന് മുഖ്യപ്രഭാഷണം നടത്തിയ ശ്രീനാരായണഗുരു ഓപ്പൺ യൂണിവേഴ്സിറ്റി വൈസ് ചാൻസിലർ ഡോ. വി.പി ജഗതിരാജ് പറഞ്ഞു. ജില്ലയിൽ മാനന്തവാടി, കൽപ്പറ്റ, സുൽത്താൻബത്തേരി എന്നിവിടങ്ങളിൽ ലേണിംഗ് സപ്പോർട്ട് സെൻററുകൾ ആരംഭിച്ചിട്ടുണ്ടെന്നും വൈസ് ചാൻസിലർ പറഞ്ഞു. നഗരസഭാ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടിവിഎസ് മൂസ അധ്യക്ഷത വഹിച്ചു. ഡിഗ്രി അഡ്മിഷന്റെ ഭാഗമായുള്ള വിവിധ വിഷയങ്ങളിൽ യൂണിവേഴ്സിറ്റി അധ്യാപകരായ ഡോ. മായ രവീന്ദ്രൻ, ഫൗസിയ ഷുക്കൂർ, സാക്ഷരതാ മിഷൻ പത്തനംതിട്ട ജില്ലാ കോർഡിനേറ്റർ പി പ്രശാന്ത് കുമാർ എന്നിവർ ക്ലാസെടുത്തു. മാനന്തവാടി നഗരസഭ കൗൺസിൽ ഹാളിൽ നടന്ന പരിപാടിയിൽ നഗരസഭ വൈസ് ചെയർപേഴ്സൺ അഡ്വക്കേറ്റ് സിന്ധു സെബാസ്റ്റ്യൻ, വികസനകാര്യ സ്റ്റാൻഡിങ് കമ്മിറ്റിചെയർമാൻ പി വി ജോർജ്, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ലേഖ രാജീവൻ, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഷിബു കെ ജോർജ്, പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ ഷീജ ഫ്രാൻസിസ്, ഡിവിഷൻ കൗൺസിലർ സജിന ടീച്ചർ, സാക്ഷരതാ മിഷൻ ജില്ലാ കോ ഓർഡിനേറ്റർ ദീപ ജെയിംസ്, പ്രോഗ്രാം കോ ഓർഡിനേറ്റർ അംബിക വി.ഡി, സിഡിഎസ് ചെയർപേഴ്സൺമാരായ പാത്തുമ്മ ടീച്ചർ, ശരണ്യ ചന്ദ്രൻ, പ്രേരക് ക്ലാരമ്മ തുടങ്ങിയവർ സംസാരിച്ചു.
ജനവാസ മേഖലകളെ റവന്യു വില്ലേജായും വനമേഖലകളെ ഫോറസ്റ്റ് വില്ലേജായും വേർതിരിക്കണം : കേരളാ കോൺ ഗ്രസ്
ജനവാസ കേന്ദ്രങ്ങൾ ഉൾപ്പെടുന്ന പ്രദേശങ്ങളെ റവന്യു വില്ലേജായും വനമേഖലകളെ ഫോറസ്റ്റ് വില്ലേജായും പ്രത്യേകം തരം തിരിച്ച് ഫോറസ്റ്റ് വില്ലേജുകളെ മാത്രം പരിസ്ഥിതിലോല മേഖലയായി നിശ്ചയിക്കണമെന്ന് കേരളാ കോൺഗ്രസ്സ് കല്ലറ്റ നിയോജകമണ്ഡലം കമ്മിറ്റി കേന്ദ്ര സംസ്ഥാന സർക്കാറുകളോട് ആവശ്യപ്പെട്ടു. പരിസ്ഥിതി സംരക്ഷണത്തോടപ്പം മലയോര മേഖലയിലെ കർഷകരുടെയും ജനങ്ങളുടെയും ആശങ്കകൾ പരിഹരിക്കുവാൻ ഇനിയെങ്കിലും കേന്ദ്ര ഗവണമെൻ്റ് തയ്യാറാകണം. ജനവാസ മേഖലകൾ, കൃഷിയിടങ്ങൾ, തോട്ടം മേഖലകൾ എന്നിവയെ പരിസ്ഥിതിലോല മേഖലയായി പ്രഖ്യാപിക്കുന്നതിൽ നിന്ന് പൂർണമായി ഒഴിവാക്കി ഇ പ്രശനത്തിനു ശാശ്വത പരിഹാരം കാണണമെന്നും യോഗം ആവശ്യപ്പെട്ടു. യോഗത്തിൽ കേരള കോൺഗ്രസ് നിയോജകമണ്ഡലം പ്രസിഡണ്ട് പി കെ രാജൻ അദ്ധ്യക്ഷത വഹിച്ചു. കേരളാ കർഷക യൂണിയൻ ജില്ലാ പ്രസിഡണ്ട് റോബർട്ട് കെ ജി, കേരളായുത്ത് ഫ്രണ്ട് ജില്ലാ പ്രസിഡണ്ട് ജിതേഷ് കുര്യാക്കോസ്, അഡ്വ ജോർജ് വാതുപറമ്പിൽ, ജില്ലാ വൈസ് പ്രസിഡണ്ട് കെ.വി പൗലോസ്, സച്ചിൻ സുനിൽ, ഷാൻ്റി ചേനമ്പാടി, രവി മേപ്പാടി, എം റ്റി അഗസ്റ്റിൻ, സണ്ണി കടവൻ, വർഗീസ് എം റ്റി, സോണി കുര്യൻ , നാസർ ടി ,ഇന്ദിരാ ശിവദാസ്, സെഫിയ തുടങ്ങിയവർ പ്രസംഗിച്ചു
ദീപു ജോണിന്റെ സംസ്കാരം ഇന്ന്
ഇന്നലെ രാത്രി മാനന്തവാടിയിൽ അപകടത്തിൽപ്പെട്ട് മരണപ്പെട്ട കരിന്തിരിക്കടവ് പാറച്ചാലിൽ ദീപു ജോണിൻ്റെ സംസ്കാരം ഇന്ന് വൈകീട്ട് 4 മണിക്ക് കമ്മന ലിറ്റിൽ ഫ്ലവർ പള്ളി സെമിത്തേരിയിൽ
വാഹനാപകടത്തിൽ ബൈക്ക് യാത്രികന് ദാരുണാന്ത്യം
മാനന്തവാടി: മാനന്തവാടി എൽഎഫ് യുപി സ്ക്കൂളിന് സമീപം വാഹനാപകടത്തിൽ യുവാവ് മരിച്ചു. കമ്മന കരിന്തിരിക്കടവ് പാറച്ചാലിൽ ജോണിന്റെയും, പരേതയായ മേരി ജോണിന്റെയും മകൻ ദീപു ജോൺ (35) ആണ് മരണപ്പെട്ടത്. ദീപു സഞ്ചരിച്ച ബൈക്ക് ഓട്ടോറി ക്ഷയിൽ തട്ടുകയും, റോഡിലേക്ക് തെറിച്ചുവീണ ദീപു റിക്കവറി വാനി നടിയിൽപ്പെടുകയുമായിരുന്നു. ദീപു ജോണിന്റെ മാതാവ് മേരി രണ്ടാ ഴ്ച്ച മുമ്പ് മരണപ്പെട്ടിരുന്നു. ഇതേതുടർന്ന് വിദേശത്ത് നിന്നും എത്തി യതായിരുന്നു ദീപു. ഭാര്യ: എമിലി. സഹോദരി: ദിവ്യ ജോൺ.
മാനന്തവാടി മെഡിക്കൽ കോളേജിൽ രോഗിസൗഹൃദ സംവിധാനം ഉറപ്പാക്കണം: യങ് ഡെമോക്രാറ്റ്സ് സൂപ്രണ്ടിന് നിവേദനം നൽകി
മാനന്തവാടി: മാനന്തവാടി ഗവ. മെഡിക്കൽ കോളേജിൽ മരുന്ന്, പരിശോധന, ജീവനക്കാർ, അടിസ്ഥാന സൗകര്യങ്ങൾ എന്നിവ ഉറപ്പാക്കി രോഗിസൗഹൃദ സംവിധാനം ഏർപ്പെടുത്തണമെന്ന് ആവശ്യപ്പെട്ട് മെഡിക്കൽ കോളേജ് സൂപ്രണ്ടിന് യങ് ഡെമോക്രാറ്റ്സ് വയനാട് ജില്ലാ കൺവീനർ കെ എസ് മുഹമ്മദ് സകരിയ്യ നിവേദനം നൽകി.രോഗികളും ബൈസ്റ്റാൻഡർമാരും വിവിധ കൗണ്ടറുകളും ഓഫീസുകളും കയറിയിറങ്ങേണ്ട സാഹചര്യം ഒഴിവാക്കുക,ആവശ്യമായ ജീവനക്കാരെ നിയമിക്കുക, മരുന്നുകൾ സ്ഥിരമായി ലഭ്യമാക്കുക, ലാബ് പരിശോധനകൾ വർധിപ്പിക്കുക, ലാബ്-ബില്ലിംഗ് കൗണ്ടറുകൾ കൂട്ടി കാത്തിരിപ്പ് സമയം കുറയ്ക്കുക, സിംഗിൾ വിൻഡോ പേഷ്യന്റ് ഫെസിലിറ്റേഷൻ കൗണ്ടർ , പേഷ്യന്റ് ഹെല്പ് ഡസ്ക് / ട്രൈബൽ പേഷ്യന്റ് ഫെസിലിറ്റേഷൻ ഡസ്ക് എന്നിവ ആരംഭിക്കുക,ഡിജിറ്റൽ സേവനങ്ങൾ, വ്യക്തമായ മലയാളം ദിശാസൂചക ബോർഡുകൾ, ഫലപ്രദമായ പരാതി പരിഹാര സംവിധാനം എന്നിവ ഏർപ്പെടുത്തുക തുടങ്ങിയ വിവിധ ആവശ്യങ്ങൾ നിവേദനത്തിലൂടെ ആവശ്യപ്പെട്ടു.അത് പോലെ ടോയ്ലറ്റ് സൗകര്യം , ചൂടുവെള്ളം, കുടിവെള്ളം, ഇരിപ്പിടം, കാത്തിരിപ്പ് സൗകര്യങ്ങൾ എന്നിവ മെച്ചപ്പെടുത്തണമെന്നും നിവേദനത്തിൽ പറഞ്ഞു.ജില്ലാ ജോയിന്റ് കൺവീനർ അൻഷിഫ് പി, മാനന്തവാടി അസംബ്ലി ട്രഷറർ സൈനുദ്ധീൻ സി.കെ തുടങ്ങിയവർ അദ്ദേഹത്തോടൊപ്പമുണ്ടായിരുന്നു
ചീങ്ങേരി പള്ളി പെരുന്നാളിന് ഒരുക്കങ്ങൾ പൂർത്തിയായി
കുമ്പളേരി: ചീങ്ങേരി സെൻ്റ് മേരീസ് യാക്കോബായ സുറിയാനി പള്ളിയിലെ പരിശുദ്ധ എൽദോ മോർ ബസേലിയോസ് ബാവയുടെ ഓർമ്മപ്പെരുന്നാളിനുള്ള തയ്യാറെടുപ്പുകൾ പൂർത്തിയായി.സെപ്റ്റംബർ 26 മുതൽ ഒക്ടോബർ 2 വരെ വൈവിധ്യങ്ങളായ പരിപാടികളോടെ പെരുന്നാളാഘോഷിക്കുന്നതിന് സ്വാഗത സംഘം സജീവമായി പ്രവർത്തിക്കുന്നുണ്ട്.സെപ്തംബർ 26 ന് കാരാംകൊല്ലി കുരിശടിയിൽ നിന്നും ആരംഭിക്കുന്ന പന്തൽക്കാൽ പ്രയാണം ഇടവകയിലെ വിവിധ പ്രദേശങ്ങളിലൂടെ സഞ്ചരിച്ച് സ്വീകരണങ്ങളേറ്റ് വാങ്ങി പള്ളിയിൽ എത്തിച്ചേർന്ന് കൊടിയേറ്റുന്നതോടെ പെരുന്നാളിന് തുടക്കമാവും.തുടർന്ന്സർക്കാരിൻ്റെ ലഹരി വിരുദ്ധ പ്രവർത്തനങ്ങൾക്ക് പിന്തുണ അറിയിച്ചു കൊണ്ട് നൂറോളം പേർ പങ്കെടുക്കുന്ന മെഗാ ഫ്ലാഷ് മോബ് 'സൂഹ്രോ 2026' നടക്കുന്നതാണ്.സെപ്ത.27 ന്ഇടവക മെത്രാപ്പോലീത്ത അഭി. ഗീവർഗീസ് മോർ സ്തേഫാനോസ് തിരുമേനി വി.ബലിയർപ്പിക്കും. തുടർന്ന് ഫിനിക്സ് സഹായ നിധിയുടെ കീഴിലുള്ള ഫിനിക്സ് പെയിൻ ആൻ്റ് പാലിയേറ്റീവ് കെയർ യൂണിറ്റ് ഉദ്ഘാടനവും ഇടവകയിൽ നിന്നും കർഷക അവാർഡ് ജേതാക്കളായ വർക്കുള്ള അനുമോദനവും കേരള കൃഷി വകുപ്പ് മന്ത്രി Adv.ടി.സിദ്ധിഖ് നിർവ്വഹിക്കും.അഖില കേരള എക്യൂമെനിക്കൽ ക്രിസ്ത്യൻ ഭക് തിഗാന മത്സരം 27 ഞായറാഴ്ച്ച 11.30 ന് നടത്തപ്പെടുന്നു. ഉച്ചക്ക് ശേഷം അഖില വയനാട് ചിത്രരചനാ മത്സരവും ക്രമീകരിച്ചിട്ടുണ്ട്.പെരുന്നാളിനോടനുബന്ധിച്ച് സോഷ്യൽ അവേർനസ് പ്രോഗ്രാമിൻ്റെ ഭാഗമായി നീലഗിരി കോളജ് ഓഫ് ആർട്ട്സ് & സയൻസ് CEO യും പ്രമുഖ മോട്ടിവേഷണൽ സ്പീക്കറുമായ Dr റാഷിദ് ഗസാലി കൂളിവയൽ 28 ന് സന്ധ്യക്ക് ക്ലാസ് നയിക്കും.29, 30 തിയതികളിൽ Fr ജയ്സൺ കാഞ്ഞിരംപാറയിൽ MCBS നയിക്കുന്ന സുവിശേഷ ധാരയും സെൻ്റ് മേരീസ് മെലഡിയുടെ ഗാനസന്ധ്യയും ഉണ്ടായിരിക്കും.പ്രധാന പെരുന്നാൾ ദിനങ്ങളായ ഒക്ടോബർ 1ന് കുഞ്ഞുങ്ങളെ എഴുത്തിനിരുത്താനുള്ള സൗകര്യങ്ങളൊരുക്കിയിട്ടുണ്ട്.ഒന്നാം തിയതി 4 മണിക്ക്മീനങ്ങാടി സെൻ്റ് പീറ്റേഴ്സ് & സെൻ്റ് പോൾസ് ദൈവാലയത്തിലെ ശമുവേൽ മോർ പീലക്സീനോസ് തിരുമേനിയുടെ കബറിടത്തിൽ നിന്നും മഞ്ഞപ്പാറ സെൻ്റ് ആൻ്റണീസ് ദൈവാലയത്തിൽ നിന്നും ആരംഭിക്കുന്ന തീർത്ഥയാത്രകൾക്ക് കാരാംകൊല്ലി കുരിശിങ്കൽ സ്വീകരണം നൽകും.
